[حمـ(الهلالي)ــد]

السلام عليكم







الحمدلله على الفوز والمستوى ووجود نيفيز











بعد نهاية المباراة سأل المذيع المتميز عبدالله العضيبي حارس الحزم عن سبب الخسارة قال والله الهلال فريق القرن والحقيقة هالجمهور الكبير الموجود مثل مانت شايف .!!!!

طبعاً التصريح في ظاهره طبيعي ولكن من شاهد ارتباك لاعبي الحزم عند امتلاكهم الكرة يعلم اسرار هذا التصريح لان جماهير الهلال كان لها هدير قوي راااائع جدا جدا جداً ... جمهور الهلال له السبب الرئيسي في فوز الهلال بعد الله لانه واصل هديره وتشجيعه طوال المباراة وكان له تأثير على لاعبي الحزم وبالأخص الظهير الأيمن للحزم الذي كان يواجه موجة قوية من التصفير عن استلامه للكرة مما جعل مدرب الفريق يخرجه ويشرك لاعب في مكانه وبذلك خسر تبديل بسبب جمهور الهلال وضغطه على ظهير الحزم وهذا ماسبب ارتباك كامل للفريق لان اللاعبين يواجهون حرج كبير عندما تقوم الجماهير بالتصفير والصراخ ضدهم ويسبب لهم ارتباك وحرج كبير من امتلاك الكرة والسير بها لان كل لاعب يعلم ماذا سيواجه من الجماهير في حال حصوله على الكرة ويكفي مشاهدة لاعبهم كيف ارتبك واظطر المدرب لتغيره .. وهذا هو واجب الجماهير الحاضرة وهو تشجيع الفريق بجماعية مطلقة وتصفيق لجميع اللاعبين وتصفير ضد لاعبي الخصم ليحصل الارتباك ..

شكراً لجماهير الهلال الحاضرة بقوة .








...................



عندما طالب البعض باعتزال الشلهوب ضحكنا كثيراً لان الشلهوب كان يعاني من هبوط مستوى عادي وظروفه العائلية كانت صعبة ويعرفها الجميع والحمدلله الشلهوب رجع بمستوى خرافي ماشاءالله عليه واسكت من كان يتكلم ثم تحولو الى ويلهامسون وانه غير مفيد مع انه كان اكثر لاعب صناعة للاهداف خلال الموسم الماضي لكن بعض الجمهور يبون كعب ومهارات على غير فايدة والآن ويلي يقدم مستويات مميزة ولله الحمد ثم تحولو الى القسوة على ياسر ( وكان يستحقها في فترة معينة ) لكن الآن اللاعب يسجل واظهر بعض المهارات المعروفة عنه واظهر السرعة والقتالية على الكرة ولكن بعضنا مايعجبه العجب وغصب على الجميع يبي يثبت ان ياسر هابط مستواه ولاينفع عشان كذا ينتقد ياسر لو وش ماسوا عشان يثبت انه على صح قبل 4 اشهر ..!!!

واضح ان ياسر من بداية الموسم يسجل وبدا يرجع لكن نفس جمهور النصر اللي حطم الحارثي بكثر النقاش عن مستواه للأسف يتكرر مع جمهورنا وهذا يشكل ضغط على اللاعب ,, مو معقولة اللاعب يسجل يقولون اناني , يساعد الفريق يقولون ماسجل ,, يسجل ويساعد الفريق يقولون ماشات صح , انا ابي اعرف لاعب يسجل ويتسبب في ضربات جزاء ( كيف ماساعد الفريق ) !!!!!



اتمنى اتمنى اتمنى من الجمهور الانتظار على ياسر لانه يسجل ويتحرك ويتسبب بضربات جزاء وقادر يسيطر على الكورة على العكس من الموسم الماضي ,, فيا جمهور الهلال كثر الدق يفك اللحام واصبر على لاعبكم لانه افضل الموجودين مع الصويلح ومع اقتراب فترة التسجيل طالبو بمهاجم على راحتكم .



المشكلة ان بعض العقليات عنده النقد والقسوة هو الحل الوحيد رغم ان الشلهوب وويلي وقبلهم سامي اثبت ان تهيئة الأجواء المناسبة للاعب هو مايساعده على الابدااااع ..


عموماً كلنا نحب الهلال وياسر والشلهوب ونحتلف بوجهات النظر وهذا مايميزنا عن غيرنا .














^
^

شوفو نيفيز بعد ماسوا حركة المروحة على طولو ناظر للمرمى ماناظر للكورة ولاخاف ان المدافع يقطعها لانه كان واثق من قدراته على تجاوز اللاعب وهذي ثقافة حلوة باللاعب وهو ثقته باللي يسويه .. اللاعب قدم آداء جيد جداً في مباراة اليوم ويستاهل جائزة زين .









نقاطي برعاية موبايلي







واضح جداً ان ماجد المرشدي اكتسب خبرة كبيرة من خلال المباريات واصبح مصدر أمان للهلال بعد ابو كلبشه .





مثل ماقال اخونا المبدع هلالي مكة سامي بكل شي يبدع ( ماشاءالله عليه )






اعتقد اقتناع جيريتس بحصول هوساوي على الكرت الاصفر لان الهلال امامه فترتة توقف ويمدي الفريق يعمل تجانس بالتمارين بين المرشدي وخيرات . انبحت اصواتنا لكن ان شاءالله خيرة .







أغرب ماقريته ان البعض طالب بنامي مكان الكوري .!! اول مرة اعرف معنى كلمة ( وش يحسون فيه )







صدقوني نكسات البعض وعدم تفرغ البعض الآخر جعل الهلال يعيش بأوضاع هادية لكن مع عودتهم راح ترجع الاشاعات والسخافات وان شاءالله جمهور الهلال ينتبه لكل اشاعة وعدم تداولها ونشرها .







بصراحة اليوم الجمهور كان حماسي جداً ومتفاعل مع المباراة والسبب الخطة الهجومية والأهداف والابداع وهذا مايشجع الجمهور على التفاعل مع احداث المباراة .







للأسف البعض يعتقد حب الهلال من خلال النقد فقط وهذا خطأ , فمن مصلحة الهلال أحيانا عدم النقد وفتح مواضيع لاتفيد الهلال



_______






لــي ولــــكـــــم




عن أبي هريرة قال: قال رسول الله : { يقول الله تبارك وتعالى: أنا عند ظن عبدي بي، وأنا معه إذا ذكرني، فإن ذكرني في نفسه ذكرته في نفسي، وإن ذكرني في ملأ ذكرته في ملأ خير منهم، وإن تقرب إلي شبرا تقربت إليه ذراعا، وإن تقرب إلي ذراعا تقربت منه باعا، وإذا أتاني يمشي أتيته هرولة }.










____________________