[&الزعيـــ1000ــــم&]

السلام عليكم ورحمة الله وبركاته مساكم الله بالخير كللل ابووووووكم << متحمس من فترة ماكتب مواضيع

انا بدخل في الموضع دغري بحكم انه ماعندي اسلوب

* انا مشجع هلالي .. حالي حال اي مشجع هلالي ثاني .. اتمنى ان فريقي يفوز في كل مباراة .. اتمنى احضر كل مباراة .. اتمنى افرح لكل هدف .. واتمنى افرح المدرب واللاعبين بمنظر الجمهور الكبير .. لكن ( مانيل المطالب بالتمني )

المقدمه هذي بتوضح الهدف من الموضوع ..

* اول شي من الموسم الماضي بعض الجماهير الله يهديهم بدأوا بترديد عبارة ( جمهور الرياض )

وانا صراحة اعارض المسميات هذي والتقسيمات ..

يعني لو واحد من سكان القصيم مثلا صادف وجوده في الرياض مباراة للهلال .. نقول له لاتحضر لانك موب من الرياض ؟؟؟؟؟؟؟؟

* اللي ابي اقوله .. ان جمهور الهلال في كل مكان في المملكة .. وراح يخدمون الهلال بكل اللي يقدرون عليه .. ومايحتاج التقسيمات هذي .. يعني لو مباراة في الشرقيه وانا فاضي ماعندي شي .. وش المشكله اني احضرها .؟؟

الهلال يستاهل اكثر وابو فيصل فديته يستاهل اكثر

ولايهونوون اللاعبين ..

شريت تذكرتين لي ولواحد من اخوياي وقررنا نحضر المباراة بكره من باب ( حق الهلال على جمهوره )

وان شاء الله ( جمهور الهلال ) في الرياض يكفوون ويوفووون ..

ياااخوان والله انتوا تتكلمون وانتوا ماتدرون .. تقولون جمهور الرياض مايحضر .. جمهور الرياض مزاجيين .. جمهور الرياض اتكاليين

والكلام هذا كله مرفووووووووووض

والله مالقينا الدلع اللي يلقونه جمهور الهلال برا الرياض

مويه .. اعلام .. فلين .. لوحات .. ومن زود البطره مدخلين الدلفين يحضر المباراة معهم

وحنا هنا في الرياض .. مافيه شي من الامور هذي كلها .. حتى الحب ممنوع ؟؟؟؟؟؟؟؟؟؟؟؟؟؟؟؟؟

يعني مثلا بطق العسكري بحب ؟؟

ولا بأفلق الحكم بقشرة الحب ؟؟؟

نحن نواجه تطفيييش متكررررررر .. ولا من شاف ولا من دري .. مافيه تقدير للحضور .. مافيه احد يفكر في الاهانات اللي تصير .. صلوات تضيع بسبب العسكر اللي عند البوابات .. وبعد كل هذا يجيك واحد مصصفي الطبلوووون

ويقوول جمهور الرياض مزاجي .. وين مزاجي ياابو الشباب


اعرف ان الموضوع هذا اشبع طرحا ونقدا وتقسطيا << لاعاد تذب مره ثانيه

بس وش نسوي .. لازم نشرح لك مره ومرتين و10000 و10000000000 عشان نوضح لك المعاناة المستمره

وفي النهايه بالتوفيق لنادي القرن الاسيوي

وابشروا بالحضور اللي يبرد الكبد والقلب والمخ والعييييين

دمتم زعماء

[&الزعيـــ1000ــــم&]

يرضيكم موضوعي لحاله كذا ؟؟؟؟

[آكـوس هـلالـي.!]

صدقت في كل ماقلت

لو مشجع من برى الرياض يتعرض لتفتيش العسكر فالرياض

لا حرّم الحظور !!

إهانات وأسلوب همجي وألفاظ غبية تصدر من العساكر

ووكل شي ممنوع

على فكرة كثرة الضغط يولد الأنفجار

لذلك لاتلومون الجماهير أذا صدر منها ردة فعل عكسية !

هل تعلمون أنهم يمنعونا حتى من الأحتفال خارج أسوار الملعب !!

بينما لو فاز النصر على نجران <<ماظنيت
لفتحت لهم الشوارع !!

[شنب نملة]

المشتهي يقطع المستوي ..

..

غبار + أمطار + زحمة غييير معقولة .. وع ذلك من العصر وحنا بالملعب ..
تخيل من الكلية ورصيت من الساعه 3 عند البوابة الى ما فتحوها .. عشان الهلال ..
يا ليييت ينقلون مباريات الهلال برى الرياض عشان تحسون بطعم الهلال ..

تحياتي لك ..

[آكـوس هـلالـي.!]

إقتباس الرسالة الأصلية كتبت بواسطة شنب نملة المشتهي يقطع المستوي .. .. غبار + أمطار + زحمة غييير معقولة .. وع ذلك من العصر وحنا بالملعب .. تخيل من الكلية ورصيت من الساعه 3 عند البوابة الى ما فتحوها .. عشان الهلال .. يا ليييت ينقلون مباريات الهلال برى الرياض عشان تحسون بطعم الهلال .. تحياتي لك ..

لا ياشنب !

فيه فرق أن تكون عندكم مباراة وحدة في السنة ..

أو نصف مبارياة الدوري فالرياض..

نظام الدوري مباراة في الرياض مباراة خارج الرياض..

يعني لو تشتهبي بيديك ورجليك مع هالتطفيش بتزمل !!

[بندر الجلعود]

ألف شكر لك أخوي على هالكلام الجميل
وبالعكس طرحك جميل جداً
وبالتوفيق لك وللزعيم

[قناص20مكة]

مافي فرق << كلنا نعاني من التطنيش

بس بالاخر كلنا جمهور الهلال

واتمنى اني اكون بالرياض قول الحمدلله ,, تشوفون الهلال بالموسم كم مره

اما احنا مره وحده لما يكون بمكه مع الوحده

وعشان خاطر الهلال نروح لجده في مبارياته مع الاهلي والاتحاد

[الزعيم الأليم]

بالعكس اشوف ان التسميه للتحدي فقط و استفزاز جمهور الرياض لأنه يحتاج تحفيز ليتفاعل و

يحضر .. أنا من جمهور الرياض اللي ما احتاج لدعوه و غالبا حاضر لكن فيه ناس يبيله عزيمه !!

كلامك عن التطفيش موجود من زمان وهو من الاسباب لكن أتوقع السبب الرئيسي لقلة الحضور مؤخرا كبر مدينة الرياض و زحامها الكبير جداا و بصراحة الرياض ما تنطاق هالايام !! و احلى ايامنا وقت الاجازات اذا خفت الزحمات و الناس سافرت .

بالتوفيق للزعيم .. تحياتي

[&الزعيـــ1000ــــم&]

إقتباس الرسالة الأصلية كتبت بواسطة آكـوس هـلالـي.! صدقت في كل ماقلت لو مشجع من برى الرياض يتعرض لتفتيش العسكر فالرياض لا حرّم الحظور !! إهانات وأسلوب همجي وألفاظ غبية تصدر من العساكر ووكل شي ممنوع على فكرة كثرة الضغط يولد الأنفجار لذلك لاتلومون الجماهير أذا صدر منها ردة فعل عكسية ! هل تعلمون أنهم يمنعونا حتى من الأحتفال خارج أسوار الملعب !! بينما لو فاز النصر على نجران <<ماظنيت لفتحت لهم الشوارع !!

تخيل .. مع كل الكلام اللي قلته انت .. ومع كل ردود الفعل اللي مفروض تصير ..

(جمهور الهلال) في الرياض لازال يحضر ويحضر ..

وينك يانيوووتن وييينك تشوف .وين اللي يقول لكل فعل ردة فعل .. مساوية لها في المقدار ومعاكسة لها في الاتجاه ...

(جمهور الهلال) يعكس هذا القانووون وردة فعله في نفس الاتجاه .. والاتجاه هو الملعب

والوعد الملعب بكره

[z3eem ksa]

يقولك اللي يده فالنار موب زي اللي يده فالموية

وانا ماقول هالمثل الا لاني اعاني من جد اذا جيت احضر ولكن قسم بالله ماحضر الا من كثر حبي للهلال

وياما دخلت بمشاكل بسبب حبي لها النادي ومهما سويت ماراح اوفي هالكيان حقة

ولا تنسى غير اللي ذكرتها تزود عليها الجو اللطيف + انك لازم تحضر قبلها بكم ساعة عشان تلاقي مكان زين
اما المناطق الثانية مايجون الا بعد المغرب

هذا الموضوع كنت ناوي اكتبة لكن كنت اقول خله بعد المباراة عشان العالم يشوفونه

[&الزعيـــ1000ــــم&]

إقتباس الرسالة الأصلية كتبت بواسطة شنب نملة المشتهي يقطع المستوي .. .. غبار + أمطار + زحمة غييير معقولة .. وع ذلك من العصر وحنا بالملعب .. تخيل من الكلية ورصيت من الساعه 3 عند البوابة الى ما فتحوها .. عشان الهلال .. يا ليييت ينقلون مباريات الهلال برى الرياض عشان تحسون بطعم الهلال .. تحياتي لك ..

تسمح لي اخالفك ..؟؟

اول شي .. الواحد موب مجبور انه يحضر مباراة للهلال ولاتفهم كلامي اني اقول لاحد يحضر ..

بس اللي اقصده ان الواحد يحضر مساندة لفريقه ويبي يستانس .. وحتى لو ماجات الوناسه وانهزم الفريق لاسمح الله .. وش اللي يحدني اتعرض لاهانه وناس تطفشني وتمنعني من الصلاه ؟؟؟؟


انت صدقني لو تحضر مباراة قويه للهلال في الرياض بتعرف وتشوف معنى كلامي

وانا اخوك مالنا منه في حضورنا لمباريات الهلال بالعكس هذا واجبنا وحق للهلال ولأبو فيصل علينا

[&الزعيـــ1000ــــم&]

إقتباس الرسالة الأصلية كتبت بواسطة بندر الجلعود ألف شكر لك أخوي على هالكلام الجميل وبالعكس طرحك جميل جداً وبالتوفيق لك وللزعيم

تسلم ماتقصر .. وانا اكتب لمين ؟ ؟ ؟ << تحمس


بالتوفيق بكره للزعيم وبالتوفيق للجميع

[قرقاص]

مرحبا اخوي
كلامك 100% من ناحية التطفيش في ملاعب الرياض

تجي قبل المباراة بساعات ولاموية ولاعصير !! وفي الحر ومايجي وقت المباراة الا انت طافي ومالك نفس في شي لاتشجع وحتى تصفق !!

المنع من قبل العسكر للخروج للصلاة !! اتمنى ان ان تحل هذه المشكلة بالتنسيق بين الرئاسة العامة لرعاية الشباب وشرطة منطقة الرياض !

الأستفادة من خبرة ملاعب جده الدمام في مثل هذه الأمور

[&الزعيـــ1000ــــم&]

إقتباس الرسالة الأصلية كتبت بواسطة قناص20مكة مافي فرق << كلنا نعاني من التطنيش بس بالاخر كلنا جمهور الهلال واتمنى اني اكون بالرياض قول الحمدلله ,, تشوفون الهلال بالموسم كم مره اما احنا مره وحده لما يكون بمكه مع الوحده وعشان خاطر الهلال نروح لجده في مبارياته مع الاهلي والاتحاد

صدقت كلنا ( جمهور الهلال )

بس موب كل العسكر عكسر الرياض ولا كل الظباط ظباط الرياض

والله ياخوووك استقصااد وتطفيش وااضحيين

ومع هذا نحضر ( ومالنا منه على الهلال )

وانا اخوك مابعد اخر الليل الا الفجر .. بييسرها ربك عما قريب ان شاء الله

وبيصير لنا ملعب خاص فينا ونفتك من كل هالعوائق

تسلم اخوي

[&الزعيـــ1000ــــم&]

إقتباس الرسالة الأصلية كتبت بواسطة الزعيم الأليم بالعكس اشوف ان التسميه للتحدي فقط و استفزاز جمهور الرياض لأنه يحتاج تحفيز ليتفاعل و يحضر .. أنا من جمهور الرياض اللي ما احتاج لدعوه و غالبا حاضر لكن فيه ناس يبيله عزيمه !! كلامك عن التطفيش موجود من زمان وهو من الاسباب لكن أتوقع السبب الرئيسي لقلة الحضور مؤخرا كبر مدينة الرياض و زحامها الكبير جداا و بصراحة الرياض ما تنطاق هالايام !! و احلى ايامنا وقت الاجازات اذا خفت الزحمات و الناس سافرت . بالتوفيق للزعيم .. تحياتي

انت تشوفه استفزاز .. بس غيرك لا

موب معنى كلامي اني ازعل لا والله .. بس اخاف يصير في فتنه وتفرقه بين الجمهور

والتقسيمات هذي اثرها موب الحين اثرها يبين بعدين .. خلنا نقطع الشر من اوله

ونقووول كلنا ( جمهور الهلال )

وكلامك عن الزحمه والعوائق الثانيه .. تلقى لها حل .. اطلع بدري .. وتفتك

وظبط اموورك كلها قبل توصل للملعب وصدقني ترتاااح

وان شاء الله جمهور الهلال مايقصرون بكره << مشتري تذكرتين