[::totti::]

السلام عليكم ورحمه الله وبركاته ..

في البدايه احب ابارك لكم يا زعماء ويامحبين نادي القرن بالفوز على الرائد وعقبال ان شاء الله الفوز على الحزم قبل التوقف .!!

بصراحه في نقطه حبيت اوضحها لكثير من جمهورنا الكبير العظيم وخاصه الي يشاركون في منتدى الزعيم

لاحظت في الفتره السابقه خاصه من بدايه الدوري الى مباراه الرائد بعض المواضيع الي بصراحه تضيق الصدر والمشكله نفس الكلام ينعاد اكثر من مره وسبق ان رئيسنا المحبوب شبيه الريح شدد على هالنقطه

من العام الماضي اول ما استلم كرسي الرئاسه وهي


" الحكم المبكر "


هذي نقطه بصراحه نعاني منها وخاصه من جمهور الهلال وهي الحكم على اللاعب من خلال مباراه او مبارتين او حتى عده مباريات ما تتعدى العشر مباريات

حاليا اغلب مواضيع المنتدى يتصدرها تياقو مع ان اللاعب من وجهه نظري والي اكيد لاحظه اغلب الجماهر الواعيه انه في تقدم ملحوظ في المستوى من مباراة الى اخرى

نفس الحاله تصدر المنتدى مواضيع كل من " ويلهامسون , كماتشو , تفاريس , و و و "

اللاعب توه صغير سن والفريق والاجواء جديده عليه يعني يحتاج صبر واذا مافيه خير فيه اداره افهم مني ومنك راح تشيله وتجيب الاحسن على حسب نظرتها بس لازم نكون واقفين مع فريقنا ومع ادارتنا


كل الي اقوله وهو نفس الكلام الي قاله شبيه الريح " اتركوا التقييم نهايه الدوري " مثل ما سوا نهايه الموسم الي راح وكيف شفتوا التغيرات الجذريه الي بسببها عادت هيبه الهلال بسرعه وغيرنا من الفرق جلس قرون يحاول ولا قدر


وبعدين كل ماخلصت مباراه طلع لنا واحد نبي مهاجم نبي مهاجم مدري يعني يبي كل مباراه يفوز بالـ 6 وبالـ7 والله لو انك ياشيخ تطالع كورة يد موب كرة قدم خخخخخخخ

لعب الهلال ست مباريات اقل مباراه سجل فيها الهلال كانت الحصيله هدفين سوا مقارنه مع الموسم الي راح تلاحظ الفرق

الخلاصه من هالكلام كله

اتركوا الكلام والتقييم الى نهايه المووسم وبعدها قل الي تبي


يعطيكم الف عافية

تقبلوا مني خالص الشكر