السسلآم عليكم ورحمة الله وبركـآته ,
اسعد الله مساءكم ياجماهير القرن > اقول مساء لاني اكتب الموضوع الظهر
ادخل بالموضوع ,
طبعآ عارفين تذاكر الدرجه الاولى قليله بالمرره لان سعه الدرجه الاولى اقل من الثانيه بـ اضعاف فلذلك تخلص بدري لاسباب الرابطه وقربهآ للاعبين .. آلخ ,
المهم انا شاري 3 تذاكر درجه اولى لي ولاخوياي بس تفاجأت ان اخوياي معهم الزبده اني تورطت فيهم وماقدرت اعطيهم احد كل اخوياي معهم تذاكر
قبل شوي طلعت من آخر محاضره مريت الملعب لقيت فيه جماهير اللي جاي كذآ واللي يبي يشتري تذاكر درجه ثانيه > لان لسى باقي الف على حسب الكشك اللي يوزع عند البوابات ,
المهم لقيت اللي يبيعون درجه اولى على الشارع ويبيعونهآ بـ 35 ريال فمآ فوق ,
انا جاي كذآ اشوف الوضع المهم قلت دام معي تذكرتين ماابيهم ليه مااعطيهآ زعيم يستحقهآ المهم معي تذكرتين وحده بأعطيها اخوي الكبير بيجي الملعب معي والثانيه لهآ سالفه ؟
وقف واحد من الجماهير بسيارته للي يبيعون دبل السعر , قال عندك اولى قال اليمني اللي يبيع ايوه بـ 40 ريال ؟
جيت انا قاط قلت يالحبيب رايداوي انت صح ؟
قال لآ هلآآلي > انا هذآ المغزى من سؤالي بأشوف هو هلآلي ولآ لآ ههههههههههههههههه
المهم قلت شف ياطويل العمر انا ماابي فلوس ولآ اصلا ناوي ابيع بالسوق السوداء بس القصه كيت وكيت ,
قال طيب خذ 30 وعطني التذكره ,
قلت سم ابشر بس عطني نص المبلغ اللي تقول ؟
قال يعني 15 ؟ قلت ايه قال تستهبل ؟
قلت لا والله اتكلم جد واللي معي درجه اولى ورسميه المهم عطيته والرجال يتشكرني ويمدح ويقول كفوو ومدرري ايش قلت هذي اعتبرهآ هديه من منتدى الزعيم > هههههههههههههه
قال كفو والله الزبده انا والله يشهد ماكان قصدي ابي فلوس ؟
لو ابي فلوس بعتهآ بقيمتهآ
بس انا ابي اتخلص منهآ بس ,
المهم اشتريت بالـ 15 شال هلآلي > كل شي بمخباتي للهلال هههههههههههههه
الزبده مره 2 يازعمآء اشتروآ تذاكركم بدري لجل ماتحتاجون للنصابين بالسوق السوداء ,
سلآمي لكم وآسف على الاطاله بس حبيت احطك بالصورهـ ,
يلآ نشوفكم على خير وبالتوفيق للهلآل > بآخذ شاور ورايح للملعب دعواتكم ,
الوضع الشجري
