[غزاوي الهلال]

السلام عليكم ورحمة الله وبركاته

اخواني الكرام


عارفين ازعجتكم كل شوي بسالفة لكن اليوم ولله الحمد

الجوفي بريدة رائع بمعنى الكلمه (( السماء صافيه + مافي اى غبار او عجاج او اتربه + الجو معتدل جدا لاحار ولا بارد )) جو لعب كووووووووورة فقط لاغير

لكن حبيت اتناقش بنقطتين مهمات بالنسبة لمباراة الرائد

(( رئيس الرابطة ))

اخي الكريم العام الذي مضى كنا في الدرجه الثانيه في المدرجات

1- الصوت غير مسموع
2- ماندري انت وش تقول اساسا
3- كنا نطبق الامواج المكسيكيه لأننا نبي حماس ولا مادرينا عنك (( اسف على التعبير لكنه واقع ))
4- الكلمه الوحيدة كنا نرددها بالدرجه الثانيه هي كلمة ياهلاااااال << والبعض يستحي يرفع صوته

المطلوب منك يارئيس الرابطه سلمك الله

1- يكون فيه وكيل او نائب عنك بالدرجه الثانيه فيه بينك وبينه تنسيق للأهازيج

2- رفع او تزويد المايكروفونات

3- صدقني شباب القصيم مصرقعين عطهم طرب يقلبون لك الملعب اوروبي تجي لهم بارد يسحبون عليك

4- يااخى الكريم يارئيس الرابطه ماعمرنا شفنا منك تنسيق نهائيا

انتم رابطه واحدة تسافر مع الفريق لكل المدن عكس الاتحاد او الاهلي رابطتهم بالمنطقه الغربيه فقط فيه تفاهم والجماهير حافظتهم

بكل مدينه تبون تروحون لها نسقوا مع الشباب اللى حول الرابطه او الشباب من نفس المنطقه بالمنتدى ويكون حوار بناء

اعطوهم ورقه بالكلمات & وزعوهم بين الجماهير لاتجمعهم حولك كأنهم عصابة بروسلي & جب لك كم حنجرة ذهبيه وانا اخوك

خلصنا من موضوع رئيس الرابطه

ندخل موضوع

(( جمهور العساكر ))

يااخوان تعرفون بعض جماهير المسيار والمندسين لابارك الله فيهم ولا في نواياهم الخبيثه

1- لاتنساقون خلف الالفاظ ومحاولة النرفزه احرقوا دمهم بزياده التشجيع فقط لاغير

2- اى واحد يستخدم ليزر قوارير اى شي غلط (( تله من رقبته وافرشه بالارض وجب له العسكري )) ويمين بالله ان يحلف بالله انه نسى اسم امه توه ماعرف عساكر القصيم

3- حاولوا تصفوا الاجواء وتعرفوا على الشباب الطيبين واللى يبون يشجعون اما اللى جايين يهايطون اسحبوا عليهم

4- الابتعاد عن التكتلات المشبوهه واللى فيه شلل نص كم وتحاول تسوي مشاكل خلك بعيد علشان يخف الشحن


والله هذي وجهه نظري واقبل وجهات نظركم جميعا

شكرا لكم جميعا اخوك

غزاوي الهلال