[$الزعيم الأوحد$]

محمد الشلهوب جميعنا نتذكر ماحدث لهذا النجم الخلوق قبل سنتين عندما توفيا والده ووالدتة رحمهما الله في ظرف عام والأوقات العصيبة والإنتقادات الحادة من الجماهير التي طالته آنذاك جراء هبوط مستواه متأثرا" بظروف وفاة أغلى شخصين في حياته .

لكن في هذه الأيام نشاهد الشلهوب بشكل مختلف تماما" فهو يبدع أيما إبداع فيسجل ويصنع ويجندل (ماشاء الله)

أتمنى وآمل منكم ياشعب الهلال الكبير (إذا) أردتوا التصويت أرجع وأقول (إذا) أردتو التصويت بإن يكون التصويت فقط للنجم الموهوب محمد الشلهوب فقط يعني بالعربي وحدوا التصويت عشان نضمن أن الجائزة سوف تذهب لأي لاعب هلالي والشلهوب يستحقها بالفعل وبكذا ماراح يضيع التصويت لعدة لاعبين هلاليين وبالأخير ماياخذه أي أحد منهم.



طريقة التصويت :

لمشتركي زين فقط

ارسل رسالة أكتب فيها محمد الشلهوب وقم بإرسالها للرقم 755557

يعني لازم تكون شريحتك زين


خاتمة :
أنا قرأت من بعض الأخوة الأعضاء أنهم يريدون أن يصوتون لنيفيز , وأنا أقول قمة التحطيم للشلهوب أنه بعد هذا الإبداع الكبير أن تذهب الجائزة لغيره

رجاء أخير :
وحدوا التصويت أيها الشعب الكبير فالجائزة يحصل عليها الأكثر أصوات يعني إذا توزعت أصواتكم بين الشلهوب ونيفيز ماراح ياخذها لا الشلهوب ولا نيفيز

ملاحظة هامة جدا" جدا":
أتمنى من كل عضو يقرأ هذا الموضوع أن يعلق على الموضوع لكي يرفع الموضوع إلى أعلى الصفحة وبالتالي يقرأه غالبية الأعضاء .


دمتم ودام الهلال

[مهبول11الهلال]

انا معك وجوال اخوي الصغير زين بأسرقه منه ههههههههههههههه واصوت لعيون نجوم الزعيم

اهم شي يكون نجم الجوله نجم من كتيبه نادي القرن ولو بيدي عطيت النجوميه لجماهير الاحسااااء ’

وتحيه كبيره لـ الشلهوب ,

[جﮯـوٍن سينـاً]

كلنا مع الشلهوب
يسسستاهل

[$الزعيم الأوحد$]

أشكركم على المرووووووووووووووور

[Al7zEn]

الحمد الله ادفع لشركة النصر قصدي زين مبلغ خمسه ريال على التصويت ولو صوت ثلاث مرات راح ادفع لشركة شين 15 ريال لصويتي لامحمد الشلهوب

طيب لو قلنا 100 الف شخص صوت لمحمد الشلهوب كم راح تاخذ شركة شين من هذا التصويت 500 الف ريال.. والشلهوب راح يطلع له 50 الف اذا فاز في التصويت

اذ تبي تصوت وتدعم ابناء نادي القرن.. كل ماعليك هو الاشترك با احد بقات موبايلي لكي تذهب الملايين لنادي الزعيم

[M.ALSHALHOB]

يستاهل ابوووو بندر

فديته وفديت لعبه وفديته اخلاقه ..

[فووفو]

ابشر ولا يهمك الشلهوب ياخذها يعني ياخذها

[هلاليه زي القمر]

ان شاءالله مو ماخذها الا الشلهوب

يعطيك العافيه

[مهبول11الهلال]

الزين كلامك في النقطه الاخيره يسسستحق الاحترام وربي صادق

[(عادل التايب)]

ايوالله انك صادق هذا اقل شي نقدمه للشلهوب
يالله يا جماهير القرن صوتوا للموهوب الذي طالما اسعدنا هذا الموسم


بس انا جوال الاتصالات

[هلالي 1355]

لالالالالالالالالالالالالالالالالالالالالالالا ياخوان

الشهلوب حصل عليها الجولة الي راحت من ادارة النادي


تكفوووووووووووووون نبي التصويت لنيفيز

منها نعطيه دفعه معنوية اكبر لانه بدا يظهر مستواه ونفس الوقت ماقصر في فوز الهلال قدام الفتح صلح هدفين وسجل هدف

تكفوووووووووووووووون اهم شي انها تكون دفعه معنوية له لان اللاعب الحين شعور ان الجماهير مو راضية عنه
لكن لما نصوت له راح تتحسن نفسيته وراح يبدع اكثر ان شاء الله

تكفوون نيفيز والشلهوب يستاهل والله بس انا انظر لها من جانب معنوي لنيفيز الشلهوب الحمدلله في قمة مستواه وراجع بقوة بس نيفيز يبغى له شوي

اتمنى تفهمون وش اقصد من كلامي

[ابوعذب]

إقتباس الرسالة الأصلية كتبت بواسطة هلالي 1355 لالالالالالالالالالالالالالالالالالالالالالالا ياخوان الشهلوب حصل عليها الجولة الي راحت من ادارة النادي تكفوووووووووووووون نبي التصويت لنيفيز منها نعطيه دفعه معنوية اكبر لانه بدا يظهر مستواه ونفس الوقت ماقصر في فوز الهلال قدام الفتح صلح هدفين وسجل هدف تكفوووووووووووووووون اهم شي انها تكون دفعه معنوية له لان اللاعب الحين شعور ان الجماهير مو راضية عنه لكن لما نصوت له راح تتحسن نفسيته وراح يبدع اكثر ان شاء الله تكفوون نيفيز والشلهوب يستاهل والله بس انا انظر لها من جانب معنوي لنيفيز الشلهوب الحمدلله في قمة مستواه وراجع بقوة بس نيفيز يبغى له شوي اتمنى تفهمون وش اقصد من كلامي

نيفيز مهوب طفل ينضحك عليه
هذا لاعب محترف ويعرف أنه إلى الآن لم يقدم مستواه المعروف

ويستحق الجائزه الأكثر مجهود وعطاء داخل الملعب محمد الشلهوب

[♥ N E V E S ♥]

يستاهل كل خيرالمووووهووووووب

عوافي

[ملك الارض]

كلام سليم ميه ميه نريد توحيد التصويت للي يحب انه يصوت

[أبو ميار]

بالفعل إن أخذها لاعب غير محمد فأعتقد أنها ظالمة ..

محمد يستحق جائزة الأسبوع بكل اقتدار ..

شكراً لحرصك ..