[Mя.βάĐeя]

بسم الله الرحمن الرحيم ..

كالعادة ولله الحمد واللهم كررها من عاده ابارك لكم فوز الزعيم نتيجة ومتعه ..

اليوم شهدنا زعيم لايقارن باحد ولله الحمد اليوم راينا زعيم فوق خط المتعه ..

لكن يعيبه تضيع بعض الهجمات .. لكن مافيه مشكله الا ولها حل باذن الله ..

- كم انت مجتهد ياخصم -

لا اخفيكم ان النادي الاهلي كان ند قوي .. لكن كان هناك مشكله واحدهـ فقط ..

هي ان جماهير الانديه الثانيه مثل الاتحاد والنصر ,, جعلت جماهير الاهلي تتامل بالفوز وانه سهل ..

وكانهم تناسو انهم يلاعبو نادي القرن ..

وياشينها من حركه ( اذا تاملت ان الشى سهل وتقدر تحصله لكن بدري عليكـ تجيبه )

- دبل كيكات -

* ياسر يحاول والله يحاول .. ويحتاج تشجيع وان شاء الله كلنا معك ياهداف الدوري باذن الله ..

* الشلهوب ويالك من شلهوب .. والله من لمسه وحده تخليهم هم والباب .. انا لو اطب الملعب واصير مهاجم تشوفوني هداف والسبب وراي الشلهوب .. طبعا السبب الاكبر فني ومهارتي

* نيفيز .. تحسسنا انك مليت من دورينا لحد يقولي لاتحكم عليه ياخي يكفيكم حركته اللي طلعت اويت جا طيرها للجمهور وخذ كرت اصفر فاضي ! هل هذي اخلاق لاعب محترف !

* هدف تسلل ,, تكسير وعدم احتساب فاولات حوالي 10 ,, لاتعليق ..

* من راى المباراة اليوم على قناة اي ار تي ,, قد سمع صوت سامي وهو ينادي باعلى صوته .. ويوجه .. وياحبيلك يابوعبدالله ..

* دعيع وتصريحه اليوم على اي ار تي الجمهم وسكتهم ,, والله لايحرمنا منك يابوعبدالعزيز ..

* من شاف اليوم تحليل الجزيره الرياضيه والاستديو التحليلي وتنسيم ابويعقوب ..

- يانفوز يانخرب -

قلتلكم ياشينها اذا صار لك امل تفوز ,, وواثق .. وانت امام نادي القرن ,,

وذكروني بطلال المشعل يوم انه مع النصر ,, قبل 3 سنوات تقريبا .. يوم يشوت الكوره ..

ياتفوزني ياخرب المباراة ..

اليوم شفنا جمهور الاهلي .. بيفوز غصب ..

لكن يحلموووووووووووون ..

- احترافيه من القناة الرياضيه -

راينا اليوم اي ار تي طلب المذيع تصريح من سامي الجابر فقال سامي الجابر بكل صراحه ( انا معي عقد مع قناة اخرى ولا استطيع التصريح ) ففهمها المذيع بكل احترافيه ..

اما القناة الرياضيه الخشبيه ..

خرج غاضبا ..

وبشكل متنرفز ومتحامل ويلوم الاسطوره سامي الجابر ويكملها زميله المذيع ويلومون في الاسطورهـ ,,

انا قلت بس سامي ساطره كف وكافخ المايك في خشته ..

وبعد شوي يطلب من الامير عبدالرحمن بن مساعد رئيس الهلال انه ياخذ لهم حقهم من سامي ,,

قلت لا شكل ابوعبدالله مخربها ..

شوي ويخش عالدعيع ويلومه ,, قلت لا شكل الدعيع راح لابوعبدالله وفزعله ,,

واحترت وش السبب ليه يعصبون ,,

اخيرا السبب صار : ان سامي اعتذر لهم عن التصريح ,,

ياتصرح يانعصب ,,

لاتعليق وياحبيلك من قناة غطيتي على فنون في المسرحيات اللي نشوفها يارياضيه !

وفي نهاية الموضوع لتحليل مباريات البطولات السعوديه ومناقشتها ,,



وعلى حب الهلال نلتقي ,,