[نوار السعوديه]

بسم الله الرحمن الرحيم


أسمحولي أخواني الزعماء بطرح موضوعي بشكل نقاط حتى يصل للجميع وبعيداً عن الكلام المنمق


0 بينك وبين نفسك بالله تــحس إن( النصر) جارنـا العزيز فيه تنافس أو قوة كروية أو متعة ؟؟
بالنسبة لي ماأقدر أجــاوب لأن الإحساس هذا من الأساس ماأحســة أبد
وأحس بالمتعة والترقب والفن لمـا نلعب مع النادي الجار الآخر نادي (الشباب) فـ أنا أقترح على الإعلام بتغيير الديربي التقليدي من الهلال والنصر إلى الهلال والشباب،،،وذي مو ثقة زايدة ولاإستهانة بالفريق الأصفر لكن واقع ولازم نقولة.


0 ياجماعة الخير مالاحظتوا شي على النفقيشن(أحمد الفريدي) في المباراة الأخيرة؟؟
(يسمح لي الأخ فارس عوض سرقت منه لقب مسي لأن الفريدي يستاهلة)
طبعاً كلكم لاحظتوا مهاراتة وتسحيباتة اللي ماسلم منها كبيرهم قبل صغيرهم(إن وجد صغير)
لكن اللي مالاحظة أحد فيكم تصرفات الفريدي مع كبيرهم حسينــــوه...والله ياهــو هبل فيه هبآآآآآآآآل موب طبيعي
الفريدي في لقطة من المباراة يمشي مع الحكم وقدامة حسينوة وأشوف الفريدي مطول صوتة ويرفع يدة على الحكم وعبدالغني مستلج...صراحة الفريدي قوي شخصية بشكل مو طبيعي....والموقف الثاني رااااااائع وكان بآخر دقيقة من الوقت البدل ضائع من الشوط الثاني كان الفريدي واقف بالزاوية عشان ينفذ الخطأ وعبدالغني ينافخ على الحكم يقولة (خلة يلعب كوووورة) يقصد الفريدي ... أحمد الله يعزّة رفع يده لعبدالغني ويأشر فيها يقولة رووووووووووووووح روووووووووح هنــــا عبدالغني إنجــــــــــــــــــــــــــــــــــــــن وقعد يقول للحكم شووووف شووووووف ،، طبعاً الحكم شطفة بعد مافشلة بسالفة طرد الدوسري

ويمكنكم تشوفون الإعادة وربي انه رفع ضغطة,,,ولكم الحرية بالتفريق بين طريقة إستفزاز عبدالغني للفريدي (الغبية والتي تمس الأعراض) وبين حرفية الفريدي لإستفزاز عبدالغني (وهي طرق شرعية).

0 يازعماء وش تلاحظون على المنتدى كل يوم إثنين؟؟
كلة عن خــط الستـــــــة ونفي كلامهم والهذره اللي مالها دااااعي ... ياجماعة الخير تدرون ان من نجــاح الإعلام بث الإثــارة؟؟ وصراحة نجحت أبو غبي ببث الإثارة فيكم وراح تنجح إذا استمريتوا وأعطيتوهم وجة خلونا نستمتع بفريقنا وماعلينا منهم ومايقصرون كتابنا واقفين لهم بالمرصـــاد،،،خلوهم يرقصون ويشكشكون وحنــا نحصد بطولات ونقهرهم زيادة


0 يــاصغار الهلال أنتـــــــــــم كبـــــــار وكبار جداً وصراحة ماأقدر أقول إلا ربي يعطيكم العافية,,,لكن ياملا العافية تراكم أحرجتو كبارهم وزعلتوهم وبيني وبينكم معهم حق،،،،فية أحد يرضى إن الصغير مايحترم الكبير؟
وإنتو لاإحترام ولا شي أهداف وتسحيب ولعب على المرتاح...وش خليتوا لغيركم؟


0 بالنهاية أحب أقول للجميع إن (القاصرين فكرياً) من جمهور النادي الجــار يتهكمون على عزوز الدوسري بكل ماأوتوا من قوة (التهكم على شخصة لا على مهاراتة) ماقدروا لعيبتهم على هذا الصغير الكبير قالوا نضحك علية بلا أي سبب،،،،،ياعزوز إرحمهم ماهم مصدقين إن لاعب لايتجــاوز الــ 19 عام سجل هدف على خط دفاع يتوسطهم الكابتن عبدالغني والعمر التقريبي لدفاعهم مع كابتنهم المتراجع للدفاع يتجاوز الـ 150 سنة
والسالفة الجديدة هذيانهم الغير مستغرب بأن الهلال يعتمد على الدجل والحظ خخخخخخخخخخخخ يانــاس إرحموهم وش رايكم نقول للإداره تسوي مباراة ودية بين الزعيم والحالمي ونخليهم يفوزون وربي رحمتهم من كثر انبهارهم بفوز الهلال وقصر تفكيرهم قالوا تسحيباتهم فينا وفوزهم علينا اكييييد دجل هههههههه (من في بطنة تيسن ثغى) والله العالم من كثر مايتابعون أخبار الدجل يمكن يطلع لهم أحد ويقول النصر بيفوز بتاريج كذا وإلا كذا،،، جابوا العيد وكشفوا عن عقلياتهم المريضة ( أستثني عقلائهم)


كفاك يازعيم ،،، جننتهم وأحزنتهم


تحيتي


نوار السعودية