[z3eem ksa]

السلام عليكم ورحمة الله وبركاته


أولا: مبروك للهلالين لقب نادي القرن الاسيوي اللقب المستحق منذ سنوات


أنا كل موضوعي عبارة عن فكرة

تختص بلقب نادي القرن الاسيوي وأنا كهلالي اكيد اقابل في المواقع نص... وغيرهم

وطبعا يشككون ومايقتنعون لكن أنا لهم وماأسكت لهم في أي منتدى مشارك فيه والبركة في اعضاء شبكة الزعيم

كل يوم يطلع لنا اثبات جديد وأنا صراحة قمت احتار وش أقولهم وش اخلي لأنكم تعرفون جماهيرهم

صاروا زي الضبان تحجرهم مع جحر طلعوا لك مع جحر ثاني >>حقوق التشبيه محفوظة اذا ماكنت لاحد قبلي

وهذي الحقيقة اتحداهم يثبتون على نقطة وحدة ويناقشونك فيها أو بالأصح يصايحون عليها


أنا طلعت عن الموضوع ولكن اعذروني فكرتي هي الزعماء ماقصروا بالاثباتات ولكن هي كثيرة وفيه مواضيع في الصفحة الثانية والثالثة كأثباتات للقب نادي القرن

ولكن كثيرة لذا اقتراحي ان يتم عمل مقطع فيديو يتصفح المواقع العالمية ومواقع الأندية وجميع الاثباتات وبكذا نكون اثباتاتنا في مقطع واحد مدة ممكن 10 دقايق او يكون على عدة اجزاء فالهلال يستاهل

أنا طبعا اتمنى ان يتم تطبيق هذي الفكرة بإشراف الشبكة حتى يكون المقطع مثالي وخالي من العيوب

ويكون خير دليل ولكن للأعضاء البقية اللي يقدر ينفذه فأنا اطالبه إنه ينفذه فهذا أقل شي تقدمه للنادي

طبعا بدون احراج لاتسألوني ليه ماتسويه لأني فاشل صراحة وماعرف ولو أعرف ماكان اقترحت عليكم

كان تلاقونهم بدل موضوعي هالسامج

وطبعا اهم مافي الموضوع اتمنى انه ينزل على اليوتوب ويمنع التعليقات لان البزارين هناك واجد





خلصنا من الفكرة وأنا صراحة عندي كم نقطة حاب اقولها لكم

وأنا ماأقولها إلا اني مؤمن بشكل كبير انها في مصلحة النادي لاأكثر ولا أقل

*من كلام الأمير عبدالله بن مساعد اكثر من مرة قال لاتستنتج من كلامي إن هذا موقفي من الدعيع او ياسر ولكن الهلاليين هنا راحت من بالهم هالكلمة

وأيضا إن فهم الجميع إن هذا هو مغزى كلام الامير عبدالله موب لازم اننا كلنا نضغط على اللاعبين بسبب كلام سموهـ لأن كلام الامير عبدالله بحد ذاته ضغط كبير سواء على الدعيع او ياسر .


* أنا هلالي ولا يهمني من اللي يلبس في الشعار في وسط الملعب ولو كان منصور البلوي نفسه ولابس فنيلة الهلال صدقوني والله لاشجعه .


* النقطة السابقة اتمنى أن تصل الى الجميع لأني بحضوري في مباراة نجران فالملز كنت جالس في الواجهة

وبالتحديد جهة مرمى نجران في الشوط الثاني وكان للاسف فئة مش قليله مركزة على ياسر وكأنه لاعب منافس موب

لاعب هلالي ولما رفع ياسر يدينه للجماهير يطلب التشجيع بعد الهدف الثالث إذا ماخاب ظني نقز لنا واحد وليه

تصفقون وكان ياسر صنع الهدف الثالث اذا ماخاب ظني او ساعد فيه وتحركاته بالنسبة لي جيدة فالشوط الاول طبعا

دار نقاش كبير بيني انا وياه وبرضوة نفس الشخص مع اشخاص ثانيين لسبب وحيد ياسر لاتصفقون له ..!!


* نوعية الشخص اللي فوق أشوفه كثيرة بالمنتدى صراحة مع احترامي للجميع .


*وصدقوني مايحتاج ياسر غير إنكم تخففون من ضغطكم عليه وبإذن الله راجع واذا مارجع تأكدوا غيريتس ماراح يخليه هذا اذا كنتوا مقتنعين بغيريتس.


*شفتوا الشلهوب اللي تقولون عنه رجع .! اتوقع ان احد اسباب رجوعه ان الجمهور مو مركز عليه واتمنى انكم تفهمون مغزى كلامي .


* انا لاتربطني اي صلة قرابة مع ياسر ولو كان فيه كنت اتشرف >>هذي النقطة للي بيرد ويقول يقرب لك لانه نفس السبب اللي قالي اياه اخينا فالملعب


* اخر نقطة اكتفي بجملة للأخ ( حمـ(الهلالي)ــد )

إقتباس الرسالة الأصلية كتبت بواسطة حمـ(الهلالي)ــد ياليت بعض الجماهير تعرف اختراع اسمه دعم معنوي للاعب ..

عفوا نسيت نقطة اتمنى من المصممين انهم مايبخلون بتصميم لنادي القرن صراحة اشوفهم مقصرين



* ان كان هناك اي نقطة جيدة فأنا أريد أن أرى تعليقها عليها


ختاما


تحياتي لكم جميعا