[ناصر الرياحي]

مدخل :
هذا قمر ماعاد هذاه بهلال
نوره سطع فوق اسيا واكتمليا
شرق وجنوب قد لها النور مدهال
وغرب وشمال وكل ديره وصليا
نور الزعامه ماله حدود واميال
من برها لا بحرها لا السهليا
سحابة زرقا من الجال لا الجال
فيها بطولات عليها حصليا

/


السلام عليكم ايها الزعما
اسعد الله اوقاتكم بنكهة البطولات والانجازات.
اقدم لكم هذه المتواضعه واتمنى ان تروق لكم
واعتذر عن التأخير ي وضعها .



اليكم :

هذي اصول الزعامه


نعم : كذا هـذي اصـول الزعامـه -- افضل فريق : فـاسيا ولـمية عـام
يعني : بـأن المجـد ذروة سنامـه -- عند : الزعيم مسجلٍ ضمن الارقـام
ويعني : بأن المجـد هـذا نظامـه -- تجلس مئـة عـام تطالـع : لقـدام!
ويعني تسجل للسعـودي علامـه -- في صفحة التاريخ تبقى لـه اعـوام
نعـم : سعـودي حافـظٍ للكرامـه -- يفرح لإنجـازات : شعبـه وشّيـام
والا انت : ياللـي مانثمـن كلامـه -- خلك تعيش بكذب وبزيف الاحـلام
تدس راسـك مثـل راس النعامـه -- واكبر طموحك ماوصل روس الاقدام
افرح : لشعبـك لاتجيـك الرخامـه -- وخلك كما حرٍ على الصيـد جـزام
الطّيب اللي طيـب شعبـه وسامـه -- ماهوب : يستنكر ويشجب فـالاعلام
واللي يشكك فـي اللقـب وانتظامـه -- يناقش : الفيفا وبعـد : ابـن همـام
نعم : هُنا التاريـخ بصمـة ابهامـه -- تثبـت بأنـه للبطـولات ضرغـامه
زعيم : مجد خامـة المجـد خامـه -- زعيم : مجد كنـه الصقـر مقـدام
زعيم : انيق اليـا تبختـر زعامـه -- زعيم : قاسي لاتحـدوه الاخصـام
زعيم : راقـي عالـي فـي مقامـه -- زعيم : يستاهل غلا كل مـن هـام
من هام فـي حبـه تهنـى منامـه -- ومن حب : غيره ياخذ سنين مانـام
لنـه زعيـم بمنجـزاتـه وقـامـه -- جاه اللقب حسب انجازاته بالارقـام


بقلمي : ناصر الرياحي