[د. زاحف]

آلسلآم عليكم و رحمه الله و بركاته ..
صبآح الخير لكل هلآلي على وجه أرض و ألف مبروك علينا جميعاً لقب ( نآدي القرن الآسيوي ) ..
و اللي جاء من جهات كبيرة ( الفيفا ) موب من قناة أو من تصويت بالجوآل << ما يقصد أحد ..
الزبده الحمد لله أن اللقب جاء لناس يستحقونه ( هذي الحقيقة ) ..
و ما أطول عليكم أنا حضرت مباراة الهلال و النصر يوم الثلاثاء الأخيرة و صورت بعض الصور ..
و أعذروني الصور قليلة لأني تحمست مع المباراة و سحبت على التصوير ..
بس إن شاء الله تعجبكم و تكون قد المقام ..

:: آلصور ::



طبعاً هذي البداية و كنت حاضر مبكر و مليت بصراحة لأني حآضر بلحالي ..



صورة للجمهور المميز بصراحة جمهور القرن في نظري ..



هذولي الثلاثة الله يستر علهم و الله يعجبوني جايين بدري و شكلهم متحمسين ..
سألوني من وين جبت المجلة حقت زين قلت من برى قال لاهنت أبيها بعدك و عطيته و إلى هالحين و الله ما قريتها ..
اللهم لا رياء << بيشوتونه ..



و هذآ حمادة الرجل المبدع بصراحة ما قصر جاء من المغرب و ظبط الحركات و الأشياء << تكلف جزاه الله خير
كلكم شايفين اللي في الصورة و الله غابنيني اللي لابسين برشلونة و الفانيلة السوداء ..
وش ضرهم لو لبسوا الهلآل أو تشيلسي على الأقل و لآ أنترميلآن ..



و هالصور على آخر العصر قبل آذان المغرب بدقايق و توضح الواجهة كيف كانت ..



طبعاً المنصه على آذان المغرب و كما تشاهدون خاوية على عروشها << يسمع ..
كانت فاضية تقريباً ما بدأوا يجون كبار الشخصيات و معم سوبر مان إلا بعد المغرب و على العشاء ..



رآبطة الهلال اللي سماعاتهم بصراحة ما أدري من وين جايبنها رغم تعبهم و إجتهادهم إلا أن عيبهم الوحيد السماعه ..
أتمنى من الزملاء و الشباب في الرابطة معالجة الأمر بأسرع وقت ..



قبل أذان العشاء كان الجمهور في تزايد مثل ما أنتم شايفين و الحمد لله أثبتنا أن جماهيريتنا أكبر و أروع ..
لكن المريض مريض لو يشوف الصح قدامه قال هذا خطأ ( هو يدري عزيزي لكنه يكآبر ) ..



جمهور الزعيم ينتظر دخول الدعيع اللي قهرني في تلك المباراة و لآ تسديدة عبدالغني تدخل هدف آخ بس ..
بس إن شاء الله يعطون فرصة للشمري على بداية الموسم القادم لأنه يبي يطلع اللي عنده ..



هنآ الحكام ( حسبي الله عليهم ) اللي تهاونوا مع عبدالغني و مع خشونته ضد الفريدي و ويليهامسون ..
على العكس مع الهلال فرادوي يخطأ الكرت جاهز و فلان يكسر الكرت يشهر في وجهه ..
لكن ربك مع الحق لو صار ما صار نطلع بشيء حلوو و التعادل كان عادل ..



الحكآم الأجانب مازالوا يسخنون و الله أنا أشك في هالحكام بصراحة ..

::


:: نقآط من المباراة ::

# لفت إنتباهي و إنتباه بعض الجماهير مهارة الحارس ( حسن العتيبي ) بالـ( تدقيق ) بالكرة عندما كان بقية زملائه يجرون علمية الإحماء صراحة حركات روعة من حسن حتى الجمهور تحمس معه .
# رابطة النصر تواصل إنحطاطها في ضرب طبولها و رقص متخلفيها أثناء آذان العشاء .
# سامي الجابر لقي تحية رائعة و قوية عند دخلوه للملعب من قبل الجمهور الأزرق .
# الجميع كان ينادي بإسم نيفيز و يهتف عند دخوله للملعب لكن أستغرب عدم إهتمامه حتى لم يلوح بيده أو يلتفت .
# الشلهوب - ويليهامسون أثبتوا أنهم وسط ناري سيزداد لهيبه مع الوقت و بإنتظار نيفيز الذي أتوقع أنه لن يستمر .


بإنتظار ردودكم و أقبل النقد المفيد و لكن لا أقبل التجريح ..
ختاما تقبلوا أجمل تحياتي أخوكم و محبكم د. زاحف ( سعد الرشود ) ..


.