[R.o.y]

السلام عليكم .

مالي في المقدمات وبدخل في صلب الموضوع .,

بعض الجماهير الهلاليه تبي ياسر في دكة الاحتياط !
طبعاً ياسر لاعب كبيـــر ,
وأي لاعب سواء كبير او لا
لازم ينزل مستوآه .. بتقولون عذر من الموسم اللي راح .
طيب ظروف ياسر ! .
لاحد يقول عادي ,
لو انك مكان ياسر وش بتقول ؟
الموسم اللي راح اصلا كـ كل الفريق نازل مستواه .
وبعدين اشاعة ياسر القحطاني ..
اللي اثرت فيه كثير كثيــــــر ..
وكثر الكلام عن ياسر في المنتدى كثيـر وبعضها تجرح اللاعب !
طيب انتقد مافيها مشكله , طيب تقولون ماقلنا شي بس قلنا دكة الاحتياط !
طيب انا معكم بس ترا ياسر مانزل مستواه كذا بس .
الحين ياسر مع كل مباراة مع الكدش تعرفون الجمهور وأهزوجتهم المفضله في ياسر ( حسبي الله ونعم الوكيل )
ياسر داخل هذا الموسم متفائل بيكون موسم جديد
بس جمهور الكدش مازال .
واللي يقهر زياده جمهورنا اللي هو أكبر من جمهور الكدش صامت !!!!!
وكأنه راضي على اللي يقولونه في ياسر ؟!!
ياسر اخلاق طبعاً يعني ماراح ندخل في هذا الموضوع لأن اخلاق ياسر معروفه ومحد يشك فيها بس الخلاصه قصدي خفوا على ياسر تكفون ..
طيب الناس ضده وانتم ضده مين بقى يدعم ياسر ؟ ( مب الاغلبيه لكن البعض )
لازم نوقف معاه ونسانده عشان يرجع ياسر لمستواه وأحسن ,
هنا دور الجمهور هذا وقتنا اننا ندعم ياسر مب كل شوي نازل موضوع
ياسر دكة الاحتياط تناديك !! .
بعدين ياسر من اول مباراة في الموسم مقدم مستوى رائع .
والكل قالها بس ليه عشان مباراة وحده صار ياسر في دكة الاحتياط !
ليه اكثر التعليقات مافيها حل وسط !
وفي مباراة النصر ياسر الحظ ماكان معاه
وان صار الصويلح اساسي وضيع هجمه هجمتين من بكرا بتقولون مكانه الاحتياط !
اصبروا ياناس الصبر الزين !
بإذن الله ياسر راجع لمستواه بس انتم وقفوا شوي
هو يلاقيها منكم ولا من جماهير الكديش ولا من ميين ؟
وبعدين مب كل من هب ودب يقول هذا اللاعب يناسبه الاحتياط ولا لا
ترا فيه مدربين وناس مختصين ويقيمون صح .
انا ما أقول انه نروح نكتب مواضيع ياسر قدم مستوى رائع في مباراة النصر لا
صحيح ياسر ماقدم.
لكن اكتبوا صح !
انتقدوا صح !!!!
تبون الصدق ياسر مب راجع اذا الاغلبيه يقول ياسر مكانك الاحتياط !
وتونا في بداية المشوار والمشوار طويل ولا تحكمون على طول من مباراة وحده
اصبروا على اللاعبين مب بس على ياسر على كل اللاعبين
ياسر راجع وبقوه بأذن الله مع وقفة الجمهور الازرق معاه ..
وفيه البعض انا ما اعاني اللاعب ياسر فقط بل أغلب اللاعبين
بعد مباراة اللاعب الفلاني يقيمونه على انه " بطططل وهذا اللاعب شي واسطوره " !
او " مكانك الاحتياط " ,
ولاجت مباراة ثانيه ينقلب الحال اللاعب البطل يصبح " مكانك الاحتياط "
واللاعب اللي كان من المفترض مكانه الاحتياط على قولتكم " لاعب بطل "
فـ ياليت تقيمون صح ,
يعني هذا اللاعب اليوم لعب صح واعطا كثير !
او اللاعب الفلاني ارتكب اخطاء وان شاء الله مايعيدها
مب طوالي مكانك الاحتياط ! .
الله يعين اللاعبين عليكم ! ..
ياسر ضيع فرصه او فرصتين فقط . ومن قبل كم مباراة تقولون رجع مستواه ؟ يعني عشان هالفرصتين تبونه في الاحتياط !!
على اي خطأ تمسكون على اللاعبين مايصير كذا !
ههههههه والله شي يظحك
" ياسر رجع مستواه " , " ياسر رجع للتهديف " ,
ومن بعد مباراة
" ياسر فاشل اي فاشل ؟ مب رجع مستواه ؟ ..
طيب معيلش اكتب تعليقك بس مب بعد كل مباراة تكتب رأي ؟؟!
وكل راي ابعد من الراي الثاني يعني صحيح يمكن في مباراة ماقدم وفي مبارة قدم
بس ماتصير احتياط , او رجع للمستوى !
او انك لاتحكم على اللاعب الا بعد انتهاء الموسم !!
وياسر معذور ! ليه ماتسمعون جمهور الكدش !!
وفوق كل هذا تجون انتم وتزيدون عليه ؟!
ياناس خفووا ...!


أعتذر على الاطاله .,
وبالنهايه هذي وجهة نظري واعتقد انها صائبه والله أعلم ,