بسم الله الرحمن الرحيم
بصراحة ما تمنيناها تعادل
والهلال المفروض ما يساير النصر بلعبه
بل يضربه بعصا من حديد
الحمد لله على كل حال
،،
عموما حبينا نلطف الجو
بهالمشاركة
نبي منكم ردود أفعالكم بهدف الفريدي
،،
عني
كنت جالس عند أخواني
والفريدي ما شاء الله عليه
أهدافه ما تتوقعها
حتى المهاجمين والحراس والمشاهدين والمعلقين
يبلمون لهم دقيقة
ما هم مصدقين
مثل هدفه بالإمارات
،،
عموما أنا شفت الهدف على أبو ظبي
مع المعلق المتألق - واللي بنفقد صوته -
فارس عوض
أحسه هو الوحيد اللي قدر يدخل جو مع الهدف
أما بقية المعلقين بلموا ما يدرون وش يقولون
بس آآآآآآآآآآآآآآآآآآه أووووووووووووووه
إلا فارس
يا ربااااااااااااااااااه يا فارس
يوم جاء الهدف
ما دريت إلا واحد من خواني شايل أخوي الصغير
قلت يا ولد الحق عليه لا يرميه في الأرض
هههههههههه
مسوي ثقل ما طرت من الفرحة
( طبعا الفرحة ما هي بالتعادل ولا لأنه هدف على النصر بل لأنه من الفريدي اللي عايد من الإصابة و يجيب هدف على طريقة الكبار )
بصراحة ما كنت خايف من المباراة حتى يوم دخل هدفهم البلنتي
كنت متوقعها 3/2 للهلال
بس النصر لعبو بطريقة حواري ، يا نفوز يا نخرب اللعب
والاحظهم السنين الأخيرة هذي طريقة لعبهم وخاصة مع الهلال
معذورين من زمان ما فازو على الهلال
،،،
المهم واحد من اخواني
لا بس فنيلة الفريدي ورايح عند عيال عمي <<
ترى ما أقصد إن الفريدي سجل هدف علشان أخوي لابس فنيلته
سألته بعد المباراة
سمعت المعلق وش قال عن الفريدي
قال لي : الشاشة كلها ما شفتها
شمغ تطايرت و وسايد
ههههههههههههه
،،،،
كل هالمشاعر
ما يقدر يحركها إلا اللعيبة الكبار
أمثال الفريدي
بصراحة لا عب من طينة الكبار
فيه ثقة بنفسه تخليه يتحكم بالكورة في أصعب الظروف
وهالثقة تنقص لا عبين كثير
وبعضهم لهم سنين في الملاعب
وأكبر دليل
شوفو من يبرز في المباريات المهمة
كثرت الحكي
بس هي هالمشاركة
وننتظر ردودكم على الهدف
الوضع الشجري
