[#..أبو جواد..#]

▓ ▓


السلام عليكم ورحمة الله وبركاته

كيف حالكم يا زعماء ؟!؟!

ان شاءالله تمام

كيف اللأجواء قبل الديربي !!

لا احد يجي يقول لي الديربي بين الهلال والشباب

من طلعة الدنيا وحنا نعرف ان الديربي بين ( الهلال والنصر ) مهما كان مستوى النصر

و تراكم كذا تكبرون روس الشبابين علينا

عاد هم على الريحه ( بسبب كثرتهم ) << ذبــــه

ما تلاحظون اني شطحت شوي

نجي للمهم ( اللي هو مبارتنا مع النصر )

تقريبا الجماهير انقسمت نصفين ( جماهير متخوفه بقوه - جماهير واثقه من الفوز )

ليش ما فيه حل وسط ؟؟!

يعني ثقه بلاعبيننا مع احترام كبير للخصم

أنا بصراحه متخوف شوي

و تدرون وش اللي مخوفني ؟!

أن السنوات الأخيره كان النصر يبدا الدوري حلو ويقدم مستوى مبهر لحد ما يوصل لـ مباراة الهلال و ينهزم و بعدها يرجع لنقطة الصفر

لكن السنه هذي العكس ( النصر بدأ بدايه مهزوزه وانهزم قبل مباراة الهلال )

والهلال قدم مستوى ما نقول ممتاز ( نقول مقبول )

والله يستر لا يكون اللي حصل من صالح النصر ( ويحقق أول فوز له بالدوري على حساب الهلال )

هذا اللي خايف منه والله

▓ ▓


* لا تعتقدون ان النصر بيقدم المستوى اللي ظهر فيه قدام الشباب ( لأنه و ببساطه كان يفقد 3 من أهم لاعبيه في التشكيله الأساسيه )

* دفاع الهلال يحتاج إلى التركيز ( فقط )

* عودة عزيز ضروريه في مباراة الجايه ( مثل ما نعرف ان النصر مو مثل القادسيه والا نجران ولا حتى الوحده )

* لا تهمكم جماهير الجار ( و اهزوجتهم القذره ) فـ ياسر سـ يرد عليهم في الملعب بإذن الله

* أتمنى من جريتس أنه ( يدق الحديد وهو حامي ) << عاد فهموه هالمثل

أقصد انه يهاجم من بداية المباراة ( هدف مبكر كافي بإنهاء المباراة لصالحنا )

* خسارة النصر لهذه المباراة تعني ( استمراه في المركز العاشر بنقطه وحيده ) << والله قويه عشان كذا أعتقد النصر بيقدم كل اللي عنده ( بالعربي بـ يتعبنا )

* ( الكل جالس يحلل و يوجه و يحذر ) والنتيجه في علم الغيب

▓ ▓

ختاماً اتمنى التوفيق للزعيم في حصد الثلاث نقاط

تحياتي للجميع

أبو جواد