بين ( بنتلي ) هزازي.. و ( بي إم ) السهلاوي.. تظهر ( روح ) الهلال
حيـــــــــــاكم
الهدايا والعطايا والبلاوي ماتطلع الا قبل مواجهة الهلال
والسبب طبعاً معروف ومايبيله تفكير
امسك أي ( بنغالي ) بالشارع واسأله عن سبب ارتعاد فرائص الاصفرين
بدون تفكير راح يجاوبك :
صديق هذا هلال كتييييييير مشكلة 
الموسم الماضي هامور الفلاشات وعد هزازي ببنتلي اذا سجل قدام الهلال
سوّاها هزازي وسجل ونشب له
والمسكين الى الحين يطامر من قناة الى قناة وهو يصيح يبي السيارة
واليوم كميخان ابوعلك وعد السهلاوي يعطيه الـ( بي إم ) اللي يحتريها من يوم انتقل
بس بشرط انه يسجل في مرمى الدعيع يوم الثلوث
وهالتصرفات توضح للكل وش اسباب ( تغير جلد ) لاعبي الاندية الاخرى قدام الهلال
لاعبين داجّين يتحولون الى استنساخ ( كريستيانو ) اذا واجهوا الهلال
والسبب الوعود والاغراءات بالسيارات والقريشات
وطبعاً كل الرواتب المتأخرة يتم تأمينها
واللي له مقدم عقد ما استلمه يجيه وفوقه ( حبّة خشم )
كل هالانتفاضه واسلوب ( آمر تدلل ) بسبب الهلال
لك الله يازعيم
لك الله يا ( نافضهم ) 
و ( مجننهم ) و ( مطيّر النوم منهم ) نجوم الهلال ولله الحمد ماتعوّدوا على اسلوب ( الاستجداء الاداري المالي )
ولا يعرفون طريقة ( إرخ ريالك .. يجيك اللي في بالك )
نجوم الهلال يستمدون طاقتهم بعد رب العالمين من مصدرين رئيسيين :
الاول
قميص اديداس الازرق العظيم
اسألوا أي لاعب انتقل للهلال من أي فريق ثاني
اسألوه عن الاحساس الغير طبيعي بالفخر والاعتزاز
اسألوه عن الفرق الشاسع في المشاعر وتفجر الطاقه بين قميص الهلال والقميص السابق
اسألوا اسامة هوساوي وهو يجاوبكم
الثاني
شعب الزعيم العظيم
اللاعب الهلالي اول مايدخل الملعب ويشوف المدرّج ازرق... تصيبه هستيريا محموده
يحس بنشوة الانتصار قبل ان تبدأ المباراة
بينه وبين نفسه يجدد الولاء والبيعة لعشق الزعيم امام جماهيره الغفيرة
يعاهد نفسه امام الله ان هالحشود المحتشدة ماتطلع من الاستاد ( موطّيه الروس )
نجوم الهلال يستمدون قوتهم من مدرجات تمتليء عن بكرة أبيها
نجوم الهلال لم يعتادوا على وعود بسيارات وشيكات
بل هتافات و شالات وامتلاء مدرجات 
هذا الهلال وروعته مضرب امثال ... نقوله وتاريخ الازرق يقوله
الوضع العادي
