[مشعل911]

السلام عليكم ورحمة الله وبركاته

كيف الحال

في بداية رمضان
بدا الشغل على حلقات طاش ومدري ايش سب وسب

بس طاش طاش

طيب

قالوا تعرضوا لرجال الهيئة ..

هم لم يتعرضوا لرجال الهيئه نفسهم
بل لفئه معينة انا وانتم تعرفونها

قالوا رجال الدين
طيب بعقلكم هل رجال الدين يفعلون مثل ماقدموا طاش

الاجابة بلا شك ((لا))

اذا لماذا طاش فعل ذلك

هم مثلوا فئة اللي تسوي نفسها
رجال دين وكذا وهم مو رجال دين

طيب طبعا كل اللي فوق مقدمة للموضوع


الحين لو اقول لكم
ان مسلسل سعودي
فيه مقاطع مخلة بالاداب تصدقوني .!!

نصكم ايه والثاني لآ

طيب هذا مسلسل ماراح اذكر اسمه
علشان ما آخذ اثام ضعاف النفوس
اللي اذا دروا ان فيه مسلسل كذا بيروحون يشوفونه

طبعا مسلسل
سعودي او بالاصح تم تصويره بالسعوديه
بالاستعان ببعض الممثلين الخليجيين

طبعا راح اقولكم كم معلومه

* المخرج يركز على الممثلات وياخذ لهم لقطات مخلة بالاداب وتم عرضها بالمسلسل
*مسلسل كله رقص رقص رقص
* يظهر الفتاة السعوديه بانها تريد الطريقة الغير شرعيه ((انتم فاهمين وش قصدي))
*يظهر الرجل السعودي بانه كثير الزواج وليس الزواج الشرعي بل الزواج لمدة شهر ويطلق
* يظهر الشاب السعودي بانه يريد البنات ويبدأ بالتحرش بالخادمة وهي متزوجه وزوجها موجود معها
* يظهر هذا الشاب وكانه عضو شرف باحد النوادي ولكن من الواضح قصدهم الهلال
*يمثل التاجر السعودي وكان الذبح عادي عنده كل ماكره واحد ذبحه لان وراه ظهر

هذا بعض الاشياء لاني تركت المسلسل وودي اعرف من صرح بنشره

بعد كل هذا هل طاش يستحق ان نركز عليه فقط

عجبي منكم .!!!

[وسن الهلالية]

شوف طال عمرك
طاش ماطاش ولا غيره
كلهم قله حياء
الممثل لازم يسب ويشتم ويلعن في الممثلين الباقيين عشان
يقاله بيضحكنا
ترى المسلسلات السعودية والخليجية كله سب وشتم واستهزاء وتريقه على خلق الله
يستهزئون في السوداني والمصري والشامي والخليجي
والحساوي
وغيرهم
وياناس اضحكوا

كله تريقه في تريقه
المسئلة ماهي موقفه على طاش وحده المشكلة تلاقيها في كل المسلسلات للاسف
طاش فقط عبارة عن مثال بسيط ولانه تقريبا المسلسل الكوميدي
الوحيد إللي كان متواجد خلال العشر السنوات الماضية
بيني وبينك وطاش وعيال قرية وغيرها كلها نفس الطقه
فلا تقعد تدافع عن مسلسل دون اخر
كلهم سخيفين ووقحين والممثلين قليلين حياء

ولا بالله عليك شهر فضيل وطول النهار صوم وصلا ة وعبادة
وتجي بعد المغرب تشوف التلفزيون كله ساعة الا ربع الا وحسناتك كلها راحت
وتلاقي الممثل من يوم ماتبدا الحلقة يتهزا
في هذا ويتريق على هذاك ويطلع نكته على فلان وعلان
يعلمون عيالنا شلون يقلون حياهم على اهلهم واصدقائهم وإللي اكبر منهم

طاش مجرد مثال اما البقيه كلعهم طالعين من مزبله وحده (اكرمكم الله)

[مشعل911]

إقتباس شوف طال عمرك طاش ماطاش ولا غيره كلهم قله حياء الممثل لازم يسب ويشتم ويلعن في الممثلين الباقيين عشان يقاله بيضحكنا ترى المسلسلات السعودية والخليجية كله سب وشتم واستهزاء وتريقه على خلق الله يستهزئون في السوداني والمصري والشامي والخليجي والحساوي وغيرهم وياناس اضحكوا كله تريقه في تريقه المسئلة ماهي موقفه على طاش وحده المشكلة تلاقيها في كل المسلسلات للاسف طاش فقط عبارة عن مثال بسيط ولانه تقريبا المسلسل الكوميدي الوحيد إللي كان متواجد خلال العشر السنوات الماضية بيني وبينك وطاش وعيال قرية وغيرها كلها نفس الطقه فلا تقعد تدافع عن مسلسل دون اخر كلهم سخيفين ووقحين والممثلين قليلين حياء ولا بالله عليك شهر فضيل وطول النهار صوم وصلا ة وعبادة وتجي بعد المغرب تشوف التلفزيون كله ساعة الا ربع الا وحسناتك كلها راحت وتلاقي الممثل من يوم ماتبدا الحلقة يتهزا في هذا ويتريق على هذاك ويطلع نكته على فلان وعلان يعلمون عيالنا شلون يقلون حياهم على اهلهم واصدقائهم وإللي اكبر منهم طاش مجرد مثال اما البقيه كلعهم طالعين من مزبله وحده (اكرمكم الله)

اولا مشكورة عالمشاركة


اختي
انتي ذكرتي ان بعد المغرب اشوف طاش وتروح الحسنات وهذا غلط انتي لاتعلمين الغيب

ثانيا اذا قلتي تريقة وما تريقه هذا مسلسل الممثلين متفقين مع بعض
غير كذا في اغلب المسلسل نوع الكوميديا يسمى بطرافة الموقف
غير كذا
انتي تقولين ان طاش يعلم الاولاد كيف يتهاوشون مع اهلهم وكذا

طاش يجيب لك اللي يسب والسكران وحق المخدرات الخ..الخ
يجيبهم ولكن يخليهم مكروهين
يعني تشوفهم تكرهم
وهذي احد الطرق للنصح
لاتستغربين

بعدين انتي قلتي فيه مسلسلات غير وكذا

انا ذكرت ان الناس بس على طاش وبس مايناظرون للغير

[وسن الهلالية]

إقتباس الرسالة الأصلية كتبت بواسطة مشعل911 اولا مشكورة عالمشاركة اختي انتي ذكرتي ان بعد المغرب اشوف طاش وتروح الحسنات وهذا غلط انتي لاتعلمين الغيب ثانيا اذا قلتي تريقة وما تريقه هذا مسلسل الممثلين متفقين مع بعض غير كذا في اغلب المسلسل نوع الكوميديا يسمى بطرافة الموقف غير كذا انتي تقولين ان طاش يعلم الاولاد كيف يتهاوشون مع اهلهم وكذا طاش يجيب لك اللي يسب والسكران وحق المخدرات الخ..الخ يجيبهم ولكن يخليهم مكروهين يعني تشوفهم تكرهم وهذي احد الطرق للنصح لاتستغربين بعدين انتي قلتي فيه مسلسلات غير وكذا انا ذكرت ان الناس بس على طاش وبس مايناظرون للغير

لا لا لا ابدا ابدا
انا مااقصدك بكلامي انا اتكلم بشكل عام
ولو كنت اقصدك بقولك يااخ مشعل انا اقصدك بكلامي
وكمان انا اتكلم عن مايعرض في التلفزيون بشكل عام

ومااقصد طاش او غيره

وجهة نظري تقول هذي المسلسلات مالها داعي صحيح انها تتكلم عن امور واقعيه
لكنهم احيانا يتجاوزون حدودة
فيه الف طريقة وطريقة عشان يتكلمون عن مشاكلنا
لكنهم الله يهديه يستخدمون احيانا طريقة غلط

[A S D]

يا نااااااااااس يا عاااااااالم يا هوووووووه
في أمور إذا ما تصلحت ما راح يتصلح الإعلام
فـ بلاش كل شوي نشوف موضوع فيه كلمة طاش سواء ينقد او يؤيد

المسلسلات كلها محرمه / اي مسلسل فيه امرأه محرم

[ملك الثواني9]

في أول رمضان استفتحنا بمواضيع طاش وبنهاية رمضان كمان نقعد نختمه بطاش..؟!
كل عام وأنتم بخير
هابي عيد
وفكونا من هالموااال
أتمنى لك التوفيق
تحيتي قبل مودتي

[إحساس خالد]

وحبيت ازف بشرى للمعارضين عن طاش زادوه شعبيه اكبر ...

انا اقولك في هفوات لكن مايمنع انه افضل مسلسل
بلا منازع .. (وجهه نظري)

//

إقتباس الرسالة الأصلية كتبت بواسطة مشعل911 طبعا مسلسل سعودي او بالاصح تم تصويره بالسعوديه بالاستعان ببعض الممثلين الخليجيين طبعا راح اقولكم كم معلومه * المخرج يركز على الممثلات وياخذ لهم لقطات مخلة بالاداب وتم عرضها بالمسلسل *مسلسل كله رقص رقص رقص * يظهر الفتاة السعوديه بانها تريد الطريقة الغير شرعيه ((انتم فاهمين وش قصدي)) *يظهر الرجل السعودي بانه كثير الزواج وليس الزواج الشرعي بل الزواج لمدة شهر ويطلق * يظهر الشاب السعودي بانه يريد البنات ويبدأ بالتحرش بالخادمة وهي متزوجه وزوجها موجود معها * يظهر هذا الشاب وكانه عضو شرف باحد النوادي ولكن من الواضح قصدهم الهلال *يمثل التاجر السعودي وكان الذبح عادي عنده كل ماكره واحد ذبحه لان وراه ظهر هذا بعض الاشياء لاني تركت المسلسل وودي اعرف من صرح بنشره

قصدك كاتب المسلسل عبدالله بخيت <<< توجه الكاتب لكتاباته بجريده
الرياض " علامه استفهام " ورمضان هذا يفاجئنا بمسلسل ... قريت في حوار
صحفي معاه يقول المشاهد عاديه لكن السبب في المشاهد (( فينا حنا )) ماتعودنا على
المشاهد ...
الله يرحم الحال مسلسل يعرض في رمضان ويعرض في الثلث الاخير من الليل ...
ولا كمان يواعد المشاهدين بجزء ثاني !

ابو عسل

[زعيم المستديرة]

كل نـــــــاجح محـــارب يا خوي مشعل


طاش بنتقد السلبيات اللى في كل مكان


مثل بعض موظفين الهيئه و المرور و الشرطه و الوزارة


لاكن بعض الناس يا تصير معي او تكون ضدي

يا تمدح الهيئه و كل مطوع او تكون علماني او كافر


طيب يا اخواني و يا اخواتي من منا في هاذي الدنيا معصوم عن الخطاء


لاهنت اخوي مشعل ع الموضوع الرائع


و بنتظــــــــار جديدك و سامحونا اذا طولنا عليكم :wub:

[هلالي--911--]

قصدك هوامير الصحراء..صح

كل كلمة قلته صحيحه,,,وفعلا هـــم يريدون ان يظهر الشاب السعودي انه يفعل المحرمات

ولا ترى حاذفين مشاهد

وترى صدقني كله بسبت صاحب القناة(وأنت تعرفه)

يعطيك العافيه مشعل على الطرح المهم

[مشعل911]

مشكوورين عالمرور وزين فيه ناس فهموني

[the king yasser]

والله صدقت

هم يعرضون الجانب السلبي في أشياء ولكن لا ينكرون الجانب الايجابي فيه

عـ العموم كل عام وانتو بخير وعساكم من عواده

[فيـــ ص ـــل]

سؤااااال انتم وشفيكم على طاش ياخي ذولي يعرضوع الواقع المرير اللي نعيش فيه

[دمــي هلالــي]

إقتباس الرسالة الأصلية كتبت بواسطة فيـــ ص ـــل سؤااااال انتم وشفيكم على طاش ياخي ذولي يعرضوع الواقع المرير اللي نعيش فيه

>>>>>>>>>>>>>>>>>>>>>>>

[طارق عن حبك مو تايب]

إقتباس الرسالة الأصلية كتبت بواسطة فيـــ ص ـــل سؤااااال انتم وشفيكم على طاش ياخي ذولي يعرضوع الواقع المرير اللي نعيش فيه

صدقت يعرضون الشعب وشفيه يعرضونه على شكل فيديو وتشوفون الشعب السعودي كيف ووش يسوي

انا اشوف كل حلقة فيها واقع مرير انا نفعله وولاسف الشديد

[المتأمل للحياة]

يااخي الكريم ،،،، لو تكلمنا انه مسلسل كوميدي لإضحاك الناس فهناك الكثير من الطرق لجعل الناس يضحكون

ويستمتعون بدون الأستهزاء في لهجات او اعراق الناس ،،،،، واذا قلت بأنهم ينتقدون الأوضاع السلبية لدينا

فأقول لك انهم اناس انتقائيين في النقد ،،،،، يركزون على الأمور التافهة لدينا او على الأمور الدينية ،،،،

وانا اتحداهم لو يستيطعون ان ينتقدوا بعض اجهزة الأمن ومايحصل فيها من ظلم رهيب جدا ،،،،، فلا نخادع

انفسنا ونقول بانه ينتقد سلبياتنا ومن الكلام هذا ،،،،،،،