بسم الله الرحمن الرحيم
السلام عليكم ورحمة الله وبركاته......
طبعا تفاعلا مع اخوي العضو الجميل (كاكاو) كتبت هالموضوع...
بصراحة مباريات الهلال العام الماضي الي فالرياض كلها انا حضرتها فالملعب وبصراحه عانيت معاناة كبيرة مع الرابطة بخصوص الاهازيج (قصدي الاغاني) الي الرابطة كانت تزعجنا فيها ولا لقينا منها الا الازعاج والطق الفاضي والصوت السيء.
ومثل ماتعرفون انو ما كان احد يردد مع الرابطة من الجمهور لاسباب اذكركم فيها:
1- ان الاهازيج القديمة الجميلة تركت وبدينا نسمع شي اقرب منه للاغاني.
2-
ان اكثر الكلام الي ينقال فالرابطة غير مفهووووم بسبب رداءة الصوت والادوات والطق المزعج.
3- عدم التنظيم في التشجيع من ناحية التعاون بين الرابطة والمشجع فنجد الرابطة تجر الموالات والمشجع في الجهة الثانية من الملعب(ياهلال عزك عزنا)..
4- عدم التنظيم في توزيع ادوات التشجيع
(الشعارات والبالونات) على الجمهور.. تلقا واحد معه ثلاث شعارات وتحته شعارين طايحه والمشجع الثاني مامعه شي.
طبعاً هذه الاخطاء الحاصلة بشكل مختصر.. لكن الاهم ذكره هي ::::الحلووووول:::
اكيد الحلول تحتاج الى وقت لكي نحصرها ولو حاول كل عضو انه يطرح الحل المناسب لكل مشكلة ويتم رفع المفيد منها عن طريق المشرفين الى ذوي القرار في البيت الهلالي........
الحل الي انا اقترحه لمشكلة الاهازيج المطوله:
1- ترك الموالات والاغاني الي اذا سمعها الواحد يحس انه حاضر حفله في استراحة مثل الموال (هلااالي حبييبي الغااالي) ...{الي يحضر الملعب اكيد تذكرها}....والعودة للاهازيج القديمة الي تهز الملعب مثل(ولع الملعب اووووه) وغيرها الكثير.
2- المساهمة من الجماهير في تاليف اهازيج جديدة تكون قصيرة وحماسية وترعب الفريق الاخر وطرحها في المنتدى بالطريقة المناسبة.
3-ان يتم التشجيع بطريقه حضارية سهله بحيث يكون المشجع جالس وهو يردد ولا يحتاج للوقوف لان الحركة المنظمة باليد اجمل واسهل.
هذا الي قدرت عليه وياليت ماتقصرون بالحلول المفيدة....والسلاااام
الوضع الشجري
