السلام عليكم ورحمة الله وبركاته
اخواني الكرام
اتمنى منكم انكم تساندون الزعيم في كل مكان في جميع الملاعب
لان رجال الهلال ولاعبين الهلال ومدرب الهلال يقدمون جميع مالديهم لاسعادنا نحن الجمهور العظيم
اقل مالنقدمه لهم هو الحضور المكثف حتى لو منعنا بنحضر
والكل شاف ماتعرض له جمهور الرياض من حقد من رجال الامن مادري ماذا فعلنا لهم هل قتلنا لهم حبيب ام اننا لسنا ابناء هذا الوطن الواحد او ان ديننا يختلف عن دينهم
وصل التعصب للالفاظ القذره التي تدل على التربية ووصل بهم ضرب الاطفال والشياب
يعني بهالوقت انا لم اهتم لنفسي او للجمهور بل خطر في بالي اخوننا الفلسطنين لما يتعرضو من ضرب وذل وقصف من اعداء ليسو من جلدتهم ولا من دينهم ولا من غيره
فكيف الذي من جلدتك والذي من دينك ووطنك ويفعل بك هكذا
يالله انك لاتسلط علينا مالايرحمنا
المهم اخواني الكرام اتمنى منكم بعد كل مبارات ان تنزل الاداره الهلاليه او احد الاقلام او الاعضاء البارزين او حتى انا
موضوع يكون فيه تصويت للاعب الفضل بعد المباراه مباشره وبعد 5 ساعات من انتهاى المبارات يكون حددنا بالكثريه لمن نصوت ويتم التصويت للاعب واحد الى يستحق ان يكون الافضل حتى لو كان الحارس
مافيها شي لو تشتري شريحه مستعمله بـ 10 ريال وبعد كل مبارات تشحنها 20 او 30 ريال وتصوت للاعب اخواني قد يقول البعض صعبه اعتبر هذا التصويت لن يذهب بعيداََ نحن الاكثر جماهيرية في آسياء وياقلبيى على أسياء
ياخوان لو المبارات بالرياض الجماهير الباقيه تصوت لان جمهور الرياض حضر ومانبي نكلف على احد لو جمهور الشرقيه او جده حضرو مانبي نكلف عليهم بالتصويت
كل مبارات بتدفع 20 ريال والهلال باقي له تقريباً 20 مبارات يعني بتدفع طول الدوري 400 ريال ماتوقع تكلف على احد ولو تكلف على احد مبارات ايه ومبارات لا
ياعني الذكي بسيوي زي ما انا بسوي طلع شريحه للموج الازرق او حول لموبايلي اوكي وطلع مستعملة لزين
بعد كل فوز هلالي لك 100 نقطعه اذا انت غير مفوتر واذا مفوتر 50 نقطع وعليك الحبة وكذا لو تجمع النقاط وتحولها لرصيد او رسايل ماتكون خسرت شي يعني تدعم الهلال من جميع الاطراف
وبالنصبه للحضور ياناس احضرو واحتسبو الاجر فلو حضرت وعزمت وجبت لك كم واحد واصريت عليهم بتكسب اجرهم بتقولي كيف انت دليت على خير والدال على الخير كفاعله وانت دليت وفعلت
بتقولي كيف اقولت انت بتحضر وتدفع 20 ريال اوكي 5 ريال منها للجمعيات فكيف لو جبت 4 او 5 من زملاك وعليك الحسببة وبتكون كذا انت كسبت شي عضيم اجر + توسيعه صدر + دعم النادي+ اسكات الحقده + استمتعت بلعب الهلال
اتمنى من الجميع التفاعل في هالموضوع هذا بالذات
كلمه اخيره
اتمنى من الجميع التفاعل مع الرابطه تحى نحمس الاعبين والمدرب ويعرف من هم جماهير الزعيم
واتمنى من الجماهير عدم التسرع في حال لو الجماهير الاخر تلفظت ولاكن يتم السكوت والشكوى عليهم بالمنتديات والرايد ماتقصر وشفنا وش سوت الجرايد يوم سالفه الملز حتى لو رمو ماء او خلافه يتم السكوت حتى ليعلمو ان الهلال جمهوره راقي في احترامه وليس تربية وتصرفات شوارع
وفي الاخير اتمنى تنبية المدرب وجهازه الفني من القرارات المدروسه
اتمنى انه مايكون فيه اشكال في الفهم لاني مستعجل + نوم + اكتب بضلمه + صايم = الله يعينكم علي
تحياتي للجميع
تصويت لافضل لاعب + جمهور الرياض = مصلحه الهلال 
الوضع الشجري
