[blue_club]

صباحكم او مسائكم خير يا جمهور الزعيم
أبتكلم على طول في الموضوع وبدون أي مقدمات
بس انا قرأت عن تبرع الأمير عبدالرحمن بن مساعد رئيس النادي بنسبة 25% من دخل المباريات المقامه في ارض الرياض وكان المبلغ المدفوع مليون ومئة ألف ريال يعني كان دخل الهلال من جمهور الهلال اربعة مليون ومئة ألف ريال
طبعا ذا المبلغ انا اشوفه قليل لأنه ببساطه لو جمهور الهلال يحضر بكثافه اكثر وفي جميع المباريات انا اضمن إن هالرقم راح يصير دبل
هنا تجي اهمية الجمهور الهلالي في دعم ناديه في كل النواحي وايضا يتذكرون ان ال20 إلي يدفعونها ترا 25% منها رايحه في عمل خيري يعني فيها دعم لناديك وتبرع منك يعني مافي احسن من كذا
انا سويت حسبة بسيطه انه لو حضر في كل مباراة تلعب على ارض الهلال عشرة ألاف مشجع وكلهم أيضا جلسوا في الدرجه العاديه يعني بعشرين ريال وطبعا بس الدوري إلي هو من 22 جولة 11 منها راح تكون في ارض الهلال
راح يطلع دخل الهلال من الجمهور مليونين ومئتين ألف ريال طبعا ما حسبت الممتازه إلي ب150 ولا المنصه إلي ب300 وغير مباريات الكأس وغير المباريات الجماهيريه إلي راح يكون عدد الجمهور اكثر من عشرة ألاف وغير كأس آسيا
ولاحظوا إن الأربعه مليون ومئة ألف ريال والحضور ما كان بالصوره المطلوبه
يعني مباراة الهلال وأم صلال الحضور لم يكن بالشكل المطلوب
الهلال والأهلي في استاد الملك فهد ايضا مو ذاك الحضور وخاصه انها مباراة امام فريق كبير وصعب
مباراة الهلال والوحده ومباراة النصر في كأس خادم الحرمين كان فيها الحضور مو ذاك الزود
بالمختصر حضور الجمهور فيه فائدة جدا مهمه للهلال من ناحية ماديه وناحيه معنويه
اتمنى من كل قلبي جمهور الهلال في الرياض حضور بشكل اكثر في المباريات القادمه لفائدة الهلال وفائدة ايضا للمشجع
بالتوفيق لزعيمنا في مواصة مشواره وان شاء الله مستوانا يتحسن للأفضل مع العلم ان مباراة نجران من مباريات قليله في السنوات الأخيره إلي شفت الهلال فيها يمتع ويبدع ويسجل نصف درزن إلا هدف بس دائما نطمع للأفضل وبتوفيق من الهلال نفوز في الدوري ونتأهل لدور الثمانيه في البطوله العصيه على الهلال وهي كأس اسيا
الحضور يا جمهوووور الزعيم