[نوكيا الهلال]

بسم الله الرحمن الرحيم
بصراحة استغرب الحكم على مستوى الفريق وان التائب رحل والفريق لم يتأثر وبأن ولهامسون مبدع وبأن تياقو لم يظهر و و و

الهلال لم يقابل فرق ذات مستوى متوسط أو عالي بل قابل فريقين أحدهما كان يصارع على الهبوط وسبق ان فاز عليه بنتيجة أكبر العام الماضي والأخر فريق صاعد من الدرجة الأولى

بخصوص طارق يكفى تجريحاَ بالاعب الفذ والله يوفقه لأنه لعب معنا وحقق بطولات وأمتعنا وبتشوفون وش بيسوي مع الشباب مثل مايسوى لاعبنا السابق كماتشو ويمكن اكثر

لابد من ايجاد حل لعزيز لأن الفرق القادمة مثل الاتحاد والشباب نحتاج للاعب مساك قوي في وسط الميدان بمواصفات عزيز

نقطة أخيرة اتمنى ان يعطي المدرب جيريتس الفرصة لعدد من اللاعبين بالتسديد من خارج المنطقة واخص رادوي وتياقو والشلهوب في حال مشاركته لأن هناك الكثير من الأهداف قد تأتي من مثل هذه التسديدات خاصة في حال التكتلات الدفاعية او وجود ضعف في حراسة الفرق المقابلة وسلامتكم

[ỸàśśèṜ∫20]

والله انك صادق عزيز لازم نلقاله حل بأسرع وقت يعني لاعب مهارات وكذاا وينرجم بدكة الاحتياط حراام..! وصدقة بكلمتك يعطي الاعبين فرصة مثل رادوي والشلهوب ونيفيز

[مساحه حره]

فريقنا قابل فرق عاليه المستوى في النمسا


وقابل فريقين وتم سحقهم


الهلال كبير حتى لو ماوجد التائب


اذا الهلال فقد يوسف الثنيان ولم يتاثر فكيف بالتائب ..؟؟؟


الهلال فقد سامي الجابر وحققنا بطولتين في الموسم اللي بعد الاعتزال وحنا نتكلم عن سامي مو التائب



التائب قدم مستوى معنى لكن كان يأخر اللعب في اكثر من هجمه فقط لا غير


اما عن عزيز فاعتقد اذا ماثبت نفسه مانبيه يطلع مثل اللي طلعو


عندنا لاعبين قادرين على كل شئ باذن الله


(الغنام _ رادوي _البرقان _ صالح الدوسري _ الفريدي ) كلهم يلعبون في المحور وصناعة الاهداف


حنا نتكلم عن لاعبين قادرين على اخذ المكان بسهوله ويكفي الفريدي لو لعب في المحور راح يكون مثل

سيسك فابريقاس

[كريزي]

الهلال مع قيريتس هجوومي ولعب جماعي وبالتوفيق للهلال انشالله




××××××××××××××××××××××××××××××××××××××

[هلالي فوق الجبال]

بدء الموسم و بعض الجماهير مزعجينا بـ التايب !

[فالح الدليمان]

فريق هجومي يذكرني بهلال سامي والثنيان

[AZIZ-11]

""اتمنى ان يعطي المدرب جيريتس الفرصة لعدد من اللاعبين بالتسديد من خارج المنطقة واخص رادوي وتياقو ""

كلام جميل ...

لان التسديد سلاح فعال ويعطي الفريق هيبه ويرعب الخصوم

اشكرك على موضوعك ... وننتظر منك المزيد

[^هلاليه غيوره^]

بصراااحه استغرب كيف انتم لسه تتكلموا عن التايب
وش سوا لنا التايب بالاسيويه قدام ام صلال
وبعدين عزيز هذا لاعب مايعرف معنى الاحتراف غلطته اللي افقدتنا الدوري وغياباته المتكرره عن التمارين بدون عذر
خله ينرك بالاحتياط شوي
اوما التسديد من خارج منطقة الجزاء بهاذي انا معك
تقبلوا مروي

[AKRM4]

ياخي نسيتو اللاعب العام الماضي الي جيريتس رماه بالاحتياط بسبب تاخره عن تمرين

و بالاخير عاد بقوة وحماس واخذ افضل لاعب

صبركم على جيريتس

بالنسبة للتايب

انا أأيدك انه بيبدع مع الشباب اكثر من الهلال لانه صانع لعب

وبالشباب يكون يصنع لعب لمهاجمين سريعين ومتحركين

اما بالهلال كان يصنع لياسر فقط وللاسف ياسر كان طايح مستواه ولا يجري ولا شوي

بالتوفيق للهلال

[AKRM4]

إقتباس اتمنى ان يعطي المدرب جيريتس الفرصة لعدد من اللاعبين بالتسديد من خارج المنطقة

معك في هذي ولا تنسى الزوري ما شالله عليه

[حضور طاغي]

كلامك عين الصواب حبيبي

التايب صار ماضي بالنسبه للهلال واتمنى محد يجرح فيه وصدقوني ما يجرح فيه الا خاين العشره واللي اتمنى اننا مانكون منهم


الله يذكرك بالخير يا ابو نادين


تشكر اخي نوكيا على الموضوع اللي يفتح النفس

[هلالي وافتخر]

إقتباس الرسالة الأصلية كتبت بواسطة هلالي فوق الجبال بدء الموسم و بعض الجماهير مزعجينا بـ التايب !

جمهور لاعبين ما ينشره عليهم ...

[يمكن عشقتك..!!]

ههههههههه انا استغرب من اللي يقولون ان التايب بيبدع مع الشباب

ياناس ياعالم

التايب ماينفع مع الشباب التايب لاعب مهاري ولازم كل كوره تمر من عنده

والشباب لعبه جماعي يعني ماينفعون لبعض

هي وحده من الثنتين

اما ان التايب بيخرب لعب الشباب مثل ماخرب لعب الهلال

او انه مايعطيهم ولا شئ

وبالنسبه للهلال ياعزيزي الهلال فريق كبير لا يقف على لاعب والله لو هو زين الدين زيدان

واذا انت متحسر على التايب روح وراه للشباب

الهلال موب واقف على احد

[Carizma]

شـكــ وبارك الله فيك ـــرا لك ...

..

[يابدايات المحبه]

إقتباس الرسالة الأصلية كتبت بواسطة (عاشق كرستيانو) فريقنا قابل فرق عاليه المستوى في النمسا وقابل فريقين وتم سحقهم الهلال كبير حتى لو ماوجد التائب اذا الهلال فقد يوسف الثنيان ولم يتاثر فكيف بالتائب ..؟؟؟ الهلال فقد سامي الجابر وحققنا بطولتين في الموسم اللي بعد الاعتزال وحنا نتكلم عن سامي مو التائب التائب قدم مستوى معنى لكن كان يأخر اللعب في اكثر من هجمه فقط لا غير اما عن عزيز فاعتقد اذا ماثبت نفسه مانبيه يطلع مثل اللي طلعو عندنا لاعبين قادرين على كل شئ باذن الله (الغنام _ رادوي _البرقان _ صالح الدوسري _ الفريدي ) كلهم يلعبون في المحور وصناعة الاهداف حنا نتكلم عن لاعبين قادرين على اخذ المكان بسهوله ويكفي الفريدي لو لعب في المحور راح يكون مثل سيسك فابريقاس

كلام في الصميم
وما ازيد على كلامك