[Fahad Al Sudais]

حيــــــــــاكم

اومّـا كذا والا بلاش

الله يديم هالنشاط والحيوية والشهية المفتوحة

خمسة بعين اللي مايصلي عالنبي

شكل لعّيبتنا اليوم مفطرين خفّافي... وعوّضوا الجوع وشبعوا بالملعب

هذا هو الهلال اللي نعرفه... ونعشقه... ونشتاق له

تبون الجماهير تحضر ؟؟

امتعونا بمثل هالمستويات وابشروا بامتلاء المدرجات

ياسر اليوم كان غير

كل شي فيه يقول : انا ياسر... ومازلت ياسر... وراح ابقى ياسر

حسّيته من اول المباراة وهو يبي يرجع لنا ( ياسر اللي حنا خابرينه )

الشلهوب اليوم قال بملء الصوت : انا هنا

طلق المحيا صافح جماهير الزعيم وبارك لهم بالشهر على طريقته الخاصة

فيليهامسون... ممتع... مفيد... مؤثر... باختصار محترف اجنبي عليه القيمه

هلال ( الهجوم ) مرعب ياجماعة الخير

وهلال ( المحاور ) يرفع الضغط ويحرق الاعصاب

الهجوم ثم الهجوم ثم الهجوم... ولاشيء غيره

هذا هو هلالنا

الله يديم الخمسات والسبعات

.

.

.

تفحيطات

- طول المباراة وانا حاط ايدي على قلبي... خايف على العامري تجيه مزعه ويطيح الطوق

- الثور اللي رفس الصويلح... حاله حال الثور اللي نطح اسامة في الموسم الماضي

- ليش دائماً الاكواع والتصفيق والترفيس كلها ضد لاعبي الهلال ؟؟

- رئيس نجران... ( قال وين عاقلكم.. قالوا هالمربّط )... يابثرك بثرااااااهـ

- قمة الاحباط انك تتوهق بواحد ينشب لك علشان يخاويك للملعب.. ثم طول المباراة وهو جالس جنبك ( يبربر ) ويهذر ولاهو يم المباراة

[سهم 20]

الحمد الله على الفوز يا رب

الحمد الله على الفوز يا رب

الف مبرررررررررررررررروووووووووووك الفوز يا جماهري الهلال

بالتوووفيق للهلال ان شاء الله

[ќ н α ι є ď ~]

الحمدلله ع الفوز وان شاء الله الأفراح تتواصل على الزعامـه ..

ومشكور يالغالي ع طرحك الرائـع ..

[**الـــــــــواوا**]

الف مبرووووك الثلاث نقاط والمستوى الرائع.

فعلا ابداع غير طبيعي هاذا الهلال اللي نبي

الله يكون بعون اللعيبه بعد التوقف ان شاء الله

يكونوا بالفورمه بعد العيد...

شكرا الصخره على ماطرحت.

[حارقهم20]

الحمدلله على كل شئ وكان فوز رائع

تسلم يالصخرة عالموضوع

ومن جد وين الملز من زمان..!!؟

[ميلا هلالي ـني]

الحمد لله على الفوز
وعلى رجوع بعض الاعبين الى مستواهم مثل ياسر و الشلهوب ..

وجمهور الرياض اليوم ما قصر في الحضور
مع ان نص اللي وصلوا الملعب ما دخلوا بسبب سوء التنظيم .!!

تحياتي ...

[هلاليه محترفه]

الله يعطيك العافيه
وحملة خلوها تملز جابت نتيجه
والف مبروك الفوز و 3 نقاط
خربوها لاعبين نجران بـ المصارعه الحره
ومن شوط الاول وبن مسلم قال التحكيم ضدنـا ياراجل أتق الله !!
كابتن متنرفز ورئيس متنرفز وبالقوه التحكيم ضدنــا
ولب قلب ابو فيصل رد قوي قوي قوي سكتتتهم ..

[الزعيييييييييييييييم]

ياحبيلك ياشيخ وياحبي للملز على هاللعب اليوم ..

الـمــحلل الـعـبـقـري جـابهـا بالـصميـم.. تـعـجبـني الاثـارة

إقتباس الرسالة الأصلية كتبت بواسطة الزعيييييييييييييييم كل عام وانت بخير فهد

إقتباس الرسالة الأصلية كتبت بواسطة الزعيييييييييييييييم اما عن مباراة القادسية فلا تعليق وبانتظار مباراة نجران اذا استمر الحال على كذا فـ ((.....)) خلها بعد المباراة نشوف ونحكم

ماشاء الله علي حكيم انا ..
يوم موضوعك اللي راح وانا معصب ماقلت رايي قلت لك ابصبر المباراة الجاية ..

الـمـلـز يـنـاديـكـم .. خـلّـوهـا تـمـلّـز .. لاتـكـثـرون الـفـطـور

إقتباس الرسالة الأصلية كتبت بواسطة الزعيييييييييييييييم ان شاء الله نخلي الملعب ازرق مو برتقالي

إقتباس الرسالة الأصلية كتبت بواسطة الزعيييييييييييييييم بس ماشاء الله عليك كتبت القصة والسيناريو والحوار بس باقي الاخراج بس يارب يكون زي السيناريو .. والتصوير على الارتي .. والجرافيك على الشبكة .. وغناء المقدمة والنهاية غندر.. <<< مـتأثر بقوهـ ..

تم عرض الفلم بنجاح منقطع النظير الحمدلله يارب ..


الف طعش مبروووك ..

[عبدالعزيز الخرعان]

ثاني مرهـ اقول حلوهـ خلوها تملز ..

الهلال ظهر بروحه الجديده وامتعنا وكل ما قدم مستويات افضل كلما حضرت الجماهير اكثر

وبالتوفيق للهلال ونحن بإنتظار جماهير الغربية

[رجل من عالم آخر]

أهلين بالصخرة قلوب من هنا إلى مستشفى الأمن بالملز
أخبارك إزيك بعد الخمسة

إقتباس الثور اللي رفس الصويلح... حاله حال الثور اللي نطح اسامة في الموسم الماضي

بالله عاد أمانة في رقبك , كيف التصوير الخوقاقي مني صدت الثور هذا





و الله بعد هاللقطة لازم أدخل Getty Images


تحيآآتي

[Financial 3ziz]

يالله ان تحيي صخرتنا..

الفوز شئ..
و قراءة موضوع لك بعد الفوز..
شئ مختلف تماماً..

إقتباس - رئيس نجران... ( قال وين عاقلكم.. قالوا هالمربّط )... يابثرك بثرااااااهـ

تصدق جتني فكرة إني خلاص.. أترك متابعة الدوري السعودي..
و أصير مدمن على منتدى الرياضة العاليمة.. و ترجمة أخبار.. و جوجل و الوافي.!!

والسبب.. هالبثر..!!

شكرا شكرا شكرا شكرا شكرا..!

[سلنقر]

..


مصلح ماهمه خمسه ولا سبعه ماشفته وشلون متنرفز يبي يكسر واحد يلحق الفريدي

اجل تحكيم يامصلح !!

والله التحكيم اليوم افضل من مستوى فريقك وتفكيرك





..

[الزعيمة الهلالية...]

إقتباس قمة الاحباط انك تتوهق بواحد ينشب لك علشان يخاويك للملعب.. ثم طول المباراة وهو جالس جنبك ( يبربر ) ويهذر ولاهو يم المباراة

من جد هذا اللي يقهر .. هذا يبي له اقنور صافي مع شوية باند على دلييييييييييييت .....هههههههه

عموما يعطيك العافية اخوي صخرة على حماسك وزعامتك اللامنتهية ... والف مليون مبروك على فوز الهلال وعقبال الدوري ان شاءلله

وكل اللي حضر من الجماهير يعطيهم الف عافية والله يبييض وجيههم سواء كانوا كثار ولا قلال ... المهم انهم شرفوا وحضروا ....

وكل الشكر لك ياخوي ....

تحياتي ....

[Abo 3yham]

اية بالله صدقت ياالصخرة
هلالنا غير
لكني متحسر ع كل الفرص اللي ضاعت
وأكتفينا بخمسة فقط

[Меси]

عز الله نجحت حملتك المباركة

ياصخ صخ خلوها تملز

عاد حملتك الجايه وش هي؟