[هلالي من قلب 15]

لوماحبك ماقلتها لك يابوفيصل سمو الامير عبدالرحمن بن مساعد هالمره بقولك لا الدوري الاسيوي اللي راح كنت انت اكثر واحد انضغط من خروج الهلال من دور الثمانيه في الاسيويه وكان السبب مباراة ام صلال والخروج هذا بسبب اننا ماتعاملنا مع ام صلال على انها فريق عادي وبسهوله راح نتخطاه لكن كثرت التصريحات وام صلال فيها وما فيها احب اقولك اني من كثر ماتاثرت منها ماشفت الشوط الثاني .
والحين يابوفيصل تتخوف من نجران لاحول ولاقوة الابالله ترى فوزهم العام بسب ظروف غريبه وتحكيم بس شف المباراة الثانيه يوم التفتوا عليهم اسود الملاعب والله صاروا فرجه زبدة الكلام اقول لاللتخوف الزايد احترام الخصم ايه اما الخوف منه اسمح لي هالمره غلط خل كل فريق يعرف حجمه قدامنا لاتصير مثل الطالب اللي مذاكر صحومن شدة المذاكره الين طلع من الامتحان وهو خايف لكن ابقولك شي طال عمرك مدامك قدمت خلاص خل ايمانك بالله قوي ولا عليك هالفرق انا ماودي احتقرها لكن بقولك شي ناظر وجيه لعيبتهم في الملعب لااحتياط ولااساسين تلقاهم كلهم منعمين لانهم بيقابلون الهلال كل كم سنه بيلعب قدام الهلالوجمهور من اقاها لاقصاه .
عموما ابوفيصل ريح راسك وروق كلمتين من بعيد للشباب وخلاص ترى حتى حنا نرتبك ونت اوزنها طال عمرك لا تخليها عاليه في الراحه ولا تخليها نازله في الخوف . وتستاهل كل خير يازعيم الزعيم وكل عام ونتم بخير .