[ابو طـــــلال]

اللهم بلغنا وأياكم شهر رمضان المبارك ويجعلني وإياكم من المقبولين .. << ( إقتراح يكون فيه فيس واحد يدعي ) >> محتاجينها في رمضان للتعبير


يازين رمضان ...

ويازين الصويلح اليوم ... ويازين الزعيم كل يوم ...

ويازين دوري زين بوجود ( الهلال )

اليوم سلمكم الله .. ماحد يبي يشره وينتقد ... وأحمدوا ربكم على هالثلاث نقاط .. لعدة أسباب

خامسها > : قصدي اولها : إنها أول مباراة في الموسم

- نسبة الرطو بة العالية واللى أثرت على حتى فريق القادسية واللى المفروض يتعود على مثل هالأجواء

- جمهور يبي يشوف فريقة ... ونجوم تأ ثروا بهالحضور الجماهيري الكبير

- القادسية فريق قوي .. وكان في يوم من الأيام عقدة للهلال .. وينشب في حلوقنا دايم

- نتيجة مباراة الإتحاد بالأمس وتصدرة ... أثرت على اللاعبين .. خصوصا إن نظام الدوري هالمرة واضح وضوح الشمس .. والنقاط ولاغير النقاط شي للحصو ل على البطولة

- بعض اللاعبين أول مرة يلعبون بجانب البعض الآخر في مباراة رسمية جماهيرية .. أكيد بيكون فيه ( لخبطة ) وخصوصاً إن اللاعبين يدرون إني أتابع المباراة .. فأكيد بيكون عندهم رهبة و خوف

========



-- الجمهور الشرقاوي بطل ... وترى من هالحين نبي نقول للجمهور الأكثر حضور ماقصر توا .. والأقل حضور تراكم مقصرين ... حتى ماحد يزعل علينا وخصوصا جمهور الرياض هع هع

-- ألوان فنايل وشورتات لاعبي الهلال بصراحة جازتلي ... طلع العيب مهوب من اللون النيلي ... إلا من اللي يلبسه شوفوا يوم لبسه الهلال صار كشخة ... واول يوم لبسوه الربع كان يحوم التسبد

-- مازال ماجد عبد الله يهذر ( عساش = على أساس ) و ( الفريق موب طيب ) و ( جوا الصندوق ) وبو طبيع مايجوز عن طبعة .. ومصيبته إنه جنب خالد الشنيف

-- السؤال اللى يطرح نفسه .... وش وضعنا الحين مع قناة أبو ظبي الرياضيه !! نقاطع وإلا فيه أمور جدت ؟؟ علموني تراني الله يتوب علي شفت عليها الشوط الثاني ..

-- رئيس القادسية أول مايشطح ينطح .. واليوم يشكك بالتحكيم .. وبكرا وش ناوي عليه ..

وبالختام ... الله يجعلنا وإياكم من الصوامين التوابين ويجعله شهر مبارك علينا وعليكم وعلى الامة الإسلامية


أخوكم الصغير ابو طلال

( من خلال قراءه الموضوع تلاحظ إني كاتبة قبل رمضان في يوم مباراتنا مع القادسية .. ومن ذاك اليوم وانا أرسلة وأحاول لين مازبطت الأمور الحين .. لأني إكتشفت إن المشكلة من مزود الخدمة .. ) عاد حلفت ومسكت معي لو ينتهي الموسم والله مااخلي هالموضوع بقلبي إلا أنزلة .. والحمد الله نزل ..

بس شرايكم ....

عاد لايجي بكرا واحد يتميلح وينزل موضوع عن إعتزال سامي الجابر ويقول إني كاتبة من ذاك اليوم ومامشت الأمور إلا اليوم !!