[يا واحشنا]

السلام عليكم ورحمة الله وبركاته

اهنئكم بالشهر الكريم جعلنا الله واياكم من صوامه وقوامه ...

بعد الجولة الأولى وبعد انتهاء مباراتنا مع القادسية ... بالله عليكم هل راضين عن مستوى الهلال في هذه المباراة ؟

أعلم أن الرطوبة كانت مسوية شغل في الملعب لكن الملعب فيه فريقين والرطوبة مو على لاعبي الهلال بس ؟

انا ما راح اتكلم عن القادسية خلني في فريقي بس .

من بداية المباراة شارك عيسى المحياني مهاجماً مع القناص ولكن اللي لاحظته هو ابتعاد عيسى عن خط الثمانية عشر وتركيزة على الوسط الأيمن ... وكلنا نعرف خطورة المحياني داخل الصندوق . ولكن يظهر ذلك واضحاً للعيان بأن
هذه تعليمات من المدرب .

بعدين خروج المحياني ودخول الدوسري ... لاعب وسط متقدم .... أذا ليس بمهاجم صريح ...

ثم بعد ذلك خروج ياسر ودخول الصويلح ....

أموت وأعرف ليش نلعب بمهاجم واحد بس ... رغم إننا نلعب قدام فريق قادم من الدرجة الأولى ؟؟؟!!!!!!!

أكثر من هجمة ضاعت على الفريق للقلة العددية في خط الهجوم وكادت المباراة أن تسلب منا لولا لطف الله بنا

وتسجيل الصويلح في آخر دقيقتين هدف الفوز .

أدري إن فيه بعض الردود يمكن تقول لا تحكم من البداية إحنا في أول المشوار والدوري طويل لكن صدقوني أي نقطة راح نخسرها خاصة مع الفرق الأقل مستوى منا راح تكلفنا الكثير وربما تكلفنا الدوري .. وهذا ما حدث العام الماضي .

تعالو شوفوا فريق الإتحاد في أسوأ مبارياته يفوز بـ 2 وما يفرط في المباراة بسهولة ورغم بعض الأخطاء الدفاعية لديهم إلا أن هناك خط وسط وهجوم يلغي الثغرات الدفاعية لديهم بتسجيل الأهداف والتقدم على الفرق الأخرى بسهولة .

أنا ما أقول الكلام هذا عبث .. الدوري السنة هذي يمكن يكون أقوى دوري مر على الملاعب السعودية وأصبحت الفرق قوية فالهلال والإتحاد والشباب الأقوى حالياً ومستوى الإتفاق وتوقع نصر مختلف هذي السنة وأهلي جديد تجعل من الصعب جداً الفوز في مبارياتك إذا لم تحسب ألف حساب لجميع الفرق .

لا أريد أن أتدخل في عمل المدرب فهو مدرب عالمي وقدير ...

لكن من خبرة بسيطة في الملاعب حبيت أشاركم برأيي ....

تذكرون الهلال ليش تسيد بطولات الدوري زمان ؟؟؟ هل لأنه يلعب بمهاجم واحد !!!!!
طبعاً لا ... كنا ندخل المباراة ونفوز بالثلاثات والأربعات وناكل الفرق أكل وبكل سهولة .
لكن الحين ما نصدق يجي هدف ويالله يا حكم صفر انه المبارة خل ناخذ الثلاث نقاط أبرك .

وإذا لم تلعب بمهاجمين صريحين في المباراة الواحدة فسلموا لي على الدوري .


تحياتي للجميع وأتمنى ما يكون كلامي ثقيل عليكم