[.{.. بنت الزعيم ..]

بسم الله الرحمن الرحيم ..
وكل عام وانتم بخير وصحه وعافيه ..
وينعاد عليكم يارب ..

اولاً بدون مقدمات ولف دوران << يازين الصراحه
اقلقتونا بمواضيع ياسر ..

كل يوم ادخل القسم ( منتدى الجمهور الهلالي ) نفس الموضوع نعيد ونزيد فيه
ياسر نزل مستواه .. ياسر وينه .. ياسر ليه مايرجع .. << هذا موضوع
يجي واحد ويرد عليه ينزل موضوع ثاني .. ياللي ناكرين مستوى ياسر .. تعالوا شوفوا فنه يامندسين

نفس زبدة الموضوع ينزل بس يتغير شيين ..
اولاً: كاتب الموضوع ..
ثانياً : صيغة الكلام "محتوى الموضوع" ..

ياسر مبدع ولا شك في ذلك ..

ما راح ننسى جهد ياسر وياما حطيتوا تواقيعكم عن فنه .. وابداعه داخل المستطيل الاخضر ..
لا تنكرون مجهوده طول هالسنين بهفوه منه ..

خلاص خلونا من ياسر وسيرته خل الرجال بحاله ..
فهمنا وعرفنا كل واحد ورائيه بمستوى ياسر ..
منكم من كان مؤيد ومنكم من كان معرض وبشده ..

خلوونا نكتب مواضيع تفيدنا وتهمنا ..
مب نفس السيناريوا ينعاد

اكتب مثلاً
1/ عن اعجابك او انتقاد ايجابي عن لاعب ..
2/ تحليلك للمباراة ..
3/ تقرير ..
4/ اشياء الرابطه تبون تسويها (( بس اذا ماخاب ظني فيه موضوع مثبت للموضوع هذا )) ..
5/ تصاميمك ..
6/ ابداعات وفن لاعب ..
7/ ابداعات جماهير الزعيم ..
8/ انتقادك او اعجابك بخطة المدرب ... الخ

وبالنهايه هذا الموضوع ..
فقط لـ نعطي جمهور الهلال في تنوع بالمواضيع ..
واتمنى اني ما طولت عليكم ..
واسفه اذا غلطت على احد بكلامي ..

إضافه بسيط ..

مدام كل اللي ردو موافقين على كلامي ان المواضيع بايخه وماله داعي ..
واللي اكتفوا بالمشاهده يمكن اغلبيتهم موافقين على كلامي واتمنى هذا ..
ماندخل المواضيع اللي زي كذا عشان كل كاتب يشوف مافي احد يرد على مواضيعه ..
يعتبر الاعضاء الثانين .. ولا ينزلون مواضيع زي كذا ..
واتمنى هذا يصير من كل قلبي ..
عشان ترجع المواضيع المميزه في(( منتدى الجماهير الهلاليه ))