[الموج الأزرق M]

اول شي احيي أعضاء ومشرفي هذا المنتدى المميز، وحبيت اتكلم عن خطة جيريتس بناءً على ماشاهدناه بالمباريات الوديه.


بصراحه استغربت قبل قدوم جيريتس واستلامه للفريق ان اغلب الآراء اتجهت الى ان المدرب تطغى عليه العقلية الهجوميه البحته.

بس اشوف ان جيريتس اوضح انه ذكي ويتماشى مع امكانيات الفريق، وانه لايمكن ان يجازف، واذكر اني انتقدته ببداية مبارياته لأننا نختلف عن مرسيليا كثيرا في خامة اللاعبين، والواقعيه يجب ان تكون حاضرة وليس مجرد وضع احد عشر لاعباً يجرون وراء الكرة كمقطوعه هجومية اغلب عازفيها يميلون الى الدفاع!!!! فهل ياترى ستكتمل المقطوعة؟
واسمحولي بتكلم عن المحاور لأنهم عمود الفريق وهم الزبدة في اغلب خطط الفريق.
في حالة الهجوم ، سيحتاج جيريتس الى :

اولاً: محاور هجومية بحته ، وحنا عندنا ( عزيز ورادوي والغنام كلهم محاور دفاعيه) يعني لو هاجمت فيهم بتذكرني بالطليان يوم خسروا قدام هولندا بأمم اوروبا، لأن ايطاليا خامة المحاور اللي عندها كانت دفاعيه ( قاتوزو وامبروسيني اذا ماخانتني الذاكرة) والمدرب جازف وقتها بخطه هجوميه وكلاها بالاربعه.
يعني مثلا لو عندك عيال عطيف او تيسير الجاسم او اي محور هجومي كان كلنا هاجموا وبضراوه.


وفي حالة الطريقه الدفاعيه وهي الامثل حالياً لتشكيلة الازرق:

ايضاً بيحتاج لمحاور دفاعيه بحته مع القيام بشي بسيط بالادوار الهجومية، واعتقد رادوي وعزيز هما الانسب للادوار الدفاعيه مع مساندة رادوي قليلا لخط الوسط.
صحيح تاريخياً الهلال معروف عنه انه فريق هجومي بحت، بس صدقوني هذا هو الواقع حالياً، الهلال يحتاج الى ترميم كامل وسنين طويله عشان يغير من خامة لاعبينه ويرجع لطريقته الهجوميه، لأن اصعب تكتيك بكرة القدم هي الطريقه الهجومية حيث انها تحتاج للاعبين عندهم مواصفات خاصة، وانا لا انتقص من لاعبينا بالعكس هم نجوم ولدينا خامة لابأس بها، وعندي لكم الادله:

خالد عزيز: لاعب مايمزح ويغطي العمق بشكل مميز وبصراحة افتكاكه للكورة بطريقه رائعه، بس لو جينا لادواره الهجوميه نلقاها ضعيفه جداً.

رادوي: يحرث الملعب حرث ويساند الهجوم بشكل مميز، بس مشكلته انه متشتت مابين الدفاع والهجوم، وهو من خامة اللاعبين اللي ممكن يلعب لك بأي طريقه.


هناك نظريه تقول لكل قفل مفتاح خاص يقوم بفتحه، ولا تستطيع فتحه بمفتاح آخر.


يارب نشوف الهلال على افضل حال وترجع هيبته مثل ماكانت، وبصراحه استغرب لبعض الاعضاء اللي يتنكرون لكوزمين وكأنهم ماكانوا يتغنون فيه، مع ان الفريق وقتها كانت له هيبه وشخصيه مميزه يهابها كل الفرق، واعتقد جيريتس قادر على ذلك.


لانريد ان نكون مثل الجار الحالمي نستبق الاحداث وننقل الفريق من مرحله الى أخرى قبل بداية الدوري، حيث ان الواقعيه هي اساس النجاح، ولكن تبقى آراء تحتمل الخطأ والصواب.