[المحارب]

بسم الله الرحمن الرحيم

السلام عليكم ورحمة الله

أولا الحمدلله على الأخبار الجميلة التي تتوالى على مسامعنا كجمهور هلالي متابع بكل شوق للقادم من المفاجآت والبطولات لزعيمنا المحبوب

ولو إني عتبان على بعض الجماهير اللي جالسين كل يوم طالعين لي بتصميم لقناة الجزيرة !!

الموهيم< كاتبها كذا عناد مالكم بالطويلة أبد بس حبيت أرسل بعض الرسايل الخاصة لجمهور الزعيم كل أبوهم

الأولى \\ قبل عام من الآن كلنا شهدنا مفاوضات الأدارة مع الراعي أو الشريك الرسمي لزعيمنا وكان الكثير منا يؤيد والأكثر يعارض ولكن الحمدلله وبعد توفيقه قاد المسؤول عن ملف الرعاية سمو الأمير عبدالله الصفقة للنجاح ,, ولكن كان ودّي يومها أقول لهالجماهير ياناس إثقلو شوي خلّوا الناس تشتغل ..

الثانية \\ اليوم الإدارة تفكّر في تجديد عقد مشغل قناة النادي وأشوف الجماهير وأنواع المراكض هذا يبي الجزيرة وهذا يقول لأ .. واللي متعبٍ نفسه ومسوّي بعد تصميم ,, ياناس إثقلوا شوي خلّوا الناس تشتغل ولا تنسون ترى المناقصة ستطرح لكل القنوات وش يدرّيكم يمكن روتانا تدخل وتفوز بعقد القناة ,, الموهيم إثقلوا شوي وخلّوا الناس تشتغل !!

الثالثة \\ المدرّب يلغي عقد لاعب ويعير لاعب والجماهير أنواع البكاء والتباكي ,, ياناس إثقلوا شوي خلّوا الناس تشتغل .. ترى مانشستر باعوا كريستيانو تتوقعن خلاص مايحتاجونه هم ,, لكن هذا حال الكورة ولازم يصير كذا !!

الرابعة \\ لجماهير الرياض التي تستطيع الحضور اليوم ,, تروا نبي إستقبال يليق بنادي القرن إذا جدّ إنتم جمهور نادي القرن .. وأظن ماهي صعيبة عليكم يارجال !!

الخامسة \\ للإدارة الناجحة أقدم أسمى كلمات الشكر والعرفان على ماتبذله ومابذلته لإسعادنا كجمهور لهذا الكيان العريق ,, تجديد للنجوم بدون ضجيج أو إشاعات فلله درها من إدارة ثلاثة من لاعبي المنتخب تجدد لهم الإدارة في ليلة واحدة أتحدّى كل إدارات الأندية أن تعمل نصف ماقامت به إدارة الزعيم ,, ليعرف الآخرون أن الإدارة فنّ لا يجيده إلا أبناء الملووك ,, ياجماهير الزعيم تكفون إثقلوا شويّ خلّوا الإدارة تشوف شغلها ...
الأخيرة \\ رسالة شكر لكل شيء يمثّل الزعيم من اللاعبين والكادر التدريبي والإداري نتنمى لكم التوفيق بإذن الله والوعد الدوري !!