[Toly Mak]

خير الكلام ما قل ودل






بالله عليكم فيه مدرب عاقل في العالم يقدر يستغني عن التايب والخثران والبرقان والشمري ...

التايب شايل الهلال . ولا فيه احد يقدر يوصل الكوره للمهاجم بشكل صحيح غير التايب ،، حتى انه استطاع ان ينسينا ابو يعقوب خصوصا
بتمريرات انت وضميرك ،،

ويأتي المدرب لا وبكل ثقه ويقول التايب لاعب فنان ولكن لا يخدم خطتي .
وين عايشين ، لو تقول هذا الكلام للاعب اخر غير التايب
ممكن اقتنع بكلامك ...
بس انت هنا تتكلم عن التايب ، يعني اصلن ما تحتاج خطه والتايب معك
التايب هو لحاله مدرب ،، التايب بس خله بالملعب وانت اقعد وريح بالك لا تشيل هم ،، هو رح يسوي الي عليه واكثر بعد ،، بس المشكله تكمن في الي معه هل يستثمرون ما يصنعه لهم التايب ،،
وخير دليل على ما اقول مباراة ام صلال الاخيرة
عمل فيها التايب المستحيل ،، وفعل كل شيء ،، صنع راوغ تجاوز
بس بالاخير لا يوجد معه احد ... وهذه معضلة التايب مع الهلال .

ولكن المدرب لم يقتنع فيه ، وهو الذي اقتنع بويلهامسون !
اللاعب الاشقر الطائر ، الذي لو ألمسه بورقه يتقلب
هذا اللاعب يصلح يلعب كراتيه

( احب اقول التايب مرحلة وعدت والمفروض ما نتكلم في الماضي
ولكن الي قاعد يحصل الان يجرنا الى ان نرجع للماضي اكثر واكثر )



الخثران فنان مقاتل جوكر قل عنه ما تشاء ... ومن افضل اللاعبين في توصيل الكوره بشكل صحيح ،، وقد كان من اهم اسلحة كوزمين الهامة التي تنفذ خطته
بدقة ،،، وهذا ما ساعد بعد توفيق الله في تحقيق الهلال للبطولات في عهد كوزمين ...


البرقان يقدم مستويات جميله مع الاتفاق في الموسم الماضي
واعتقد انه افضل من الغنام ( وجهة نظر ) .. وكذا فجأة تتم إعارته !!
طيب وش السبب .. في نظري انه يقدم مباريات ودية رائعة مع الفريق في المعسكر الخارجي وكذلك عمره صغير ،، بس يبدو ان المدرب ما يعرف وش الطبخة ..
اعذروني على بعض الالفاظ ،، ولكنها حرقة في قلبي ،، ولابد ان اخرجها .

فهد الشمري يتم إعارته دون تجربته في اي مباراة ودية !
حتى من الممكن لم يعرف المدرب مستواه الحقيقي !
بس المشكلة ما وقفت على كذا ..
المشكلة تكمن في اعتماد المدرب على اللاعب حسن العتيبي
الذي لم يقدم ما يشفع له في حراسة الهلال اثناء تجريبه في المباريات الودية في معسكر النمسا ،، وكذلك كبر سنه الذي قد تجاوز الثلاثين .
بينما فهد الشمري لازال عمره في العشرينات ،، ولم يعطى فرصه !!