[وسن الهلالية]

السلام عليكم ورحمة الله


ياجماهير الهلال ياجماهير الزعيم وش قصتكم انتم الحين وش صاير لكم
لاحول ولا قوة الا بالله

فجأة كذا انقلبتوا على الادارة وش صاير لكم

صراحه ماعرفنا لكم ابدا


معقولة نسيتوا بهذي السرعة
نسيتوا مواضيعكم إللي لجيتونا فيها بعد مباراة ام صلال نسيتوا وش كانت مواضيعكم عنه

مواضيعكم كانت اكثرها تطالب بابعاد طارق التايب والاستغناء عن خدماته وفلقتوا رؤوسنا فيه
قعدوا حول الاسبوعين تطالبون بابعاده


كنتم تكتبون وتطالبون الادارة بانقاذ الفريق

كنتم تحاولون انكم توصلون للادارة اسماء اللاعبيين إللي ماتبونه بالفريق

كنتم تتهجمون على الادارة لانها كانت مدلعه اللاعبيين وتاركتهم على راحتهم

كنتم تتهجمون على اللاعبيين إللي كنتم تشوفون انهم متخاذليين في الفريق


كنتم تضعون لائحه تلو الاخرى باسماء اللاعبيين إللي مايستحقون تمثيل الشعار

كنتم تطالبون بوجوه جديدة في الفريق من لاعبيين درجة الشباب في الفريق


كنتم تتمنون تغيير الفريق تغير كامل



فرحتم عندما سمعتهم الامير عبد الرحمن يقول ويتحدث عن الاستغناء عن كل لاعب

لن يمثل الهلال خير تمثيل

استبشرتم خيرا بتصريحات ابو فيصل وتحدثه عن لاعبيين قد خذلوه في الموسم الماضي



وش فيكم ياجماهير الهلال
معترضين على الاستغناء عن طارق
معترضين على تنسيق المفرج وتوقيع مخالصة مع الخثران
معترضين لان المدرب مستخدم العين الحمراء ومايفرق بين الاعب النجم والاعب العادي

معترضين لانهم ماصاروا يحترمون اللاعبيين المخضرميين في الفريق
معترضين لان المدرب بدأ يطلع قائمة اللاعبيين إللي سيتم الاستغناء عنهم
معترضين لان المدرب يعاقب الكل ولا يجامل احد سوى كان نجم ولاغيره


ليه تعترضون مالكم حق تعترضون
وحنى لو اعترضتوا الادارة ماراح تسمع كلامكم

تدرون ليه؟
























































لان هذي كانت رغبتكم
من البداية
هذي طلباتكم إللي في المواضيع والردود في المنتدى
الان الادارة تنفذ طلباتكم
يتم تنفيذها على ارض الواقع
على بالكم ان ادارة نادي الهلال ماهي عارفه نحن وش قاعدين نقول في المنتدى
ترى المنتدى باختصار مكشوف من قبل الادارة




ياجماهير الهلال اتمنى كل واحد منكم يفتح على الردود الخاصة فيه
ويشوف وش كان كاتب بالردود والمواضيع هذيك الأيام


انتم تعودتوا انكم تكتبون مواضيعكم في لحظة غضب الواحد فيكم يقوم من قدام المباراة
او يرجع من الملعب مفقوعه مرارته وموصله معه ويدخل للمنتدى ويحط هذيك الردود
إللي ماهي صاحيه وبعدها بكم يوم ينسى لكن في وقت الادارة كانت في وضع تفكير بعقلانيه
ومحاولة لضبط الاعصاب لمواصلة مشوار الموسم

لكن
بعد مباراة ام صلال الوضع اختلف كانت الكل زعلان ومقهور ومرتفع ضغطه
الكل الأدارة والجماهير واعضاء الشرف ورئيس النادي
احتمعوا كلهم على راي واحد ان الفريق يحتاج لاعادة تغير وغربله بالكامل
وتم الاخذ بكل الاراء أراء الجهاز الاداري والجماهير وحتى الاعلام

ويكذا تصير النتيجه كل شي نشوفه في المعسكر من تنسيق للاعبيين
وابعاد لكبار السن واعطاء الفرصة لصغار السن

الدلع مافيه
العقاب على الطالعه والنازلة
اجازات مافيه الا بشق الانفس

مافيه الا تدريب ومباريات وديه
وكرف وتدريب ومدرب مهايطي قاعد لهم ماعنده شي اسمه نجم او لاعب محترف
او لاعب قدم مستوى مميز
او لاعب قدم للفريق الكثير وتاريخه يشفع له
او لاعب وفي وابن النادي
او لاعب نجم وننتظر عودته

كله مع بعض مافيه تفرقه بينهم

والحصيلة النهائية للفترة الماضية في المعسكر هي

1)مباريات وديه ومستوى الفريق في ارتفاع
2)اللياقه البدنية للاعبيين وصلت لمراحل متقدمة وهي مطمئنه
3)الجهاز الفني للفريق يقوم بجهد جبار بدات نتائج تظهر على افراد الفريق
4)المدرب مهايطي من اثقل عيار وهذا مايحتاجه الفريق
5)بدأتملامح القائمة المخصص لاسماء اللاعبيين الذين سيتم الاستغناء عنهم بالظهور والبداية مبشرة
حيث كانت تنسيق كل من (الموري والمفرج والخثران والخراشي والقائمة تطول) بالاضافه
لاعارة عدد من اللاعبيين
6)المحترفين الاجانب الجدد اظهروا تأقلم واضح ومطمئن مع باقي الفريق


الفريق الان وضعه ممتاز والمفروض اننا كجماهير مانعترض ابدا على طلباتنا
لانها بدأت تتنفذ

واي واحد معترض على قرارات المدرب والادارة اتمنى منه انه يرضى بالامر الواقع
ويكون هذا الشي درس لنا على بداية الموسم الجديد ويتلحص في التالي
(إذادخلتم المنتدى وانتم معصبين خذول لكم فترة استراحة في منتدى المجلس العام وسعوا صدوركم
هناك اول ماتحسون انكم روقتوا وهديت اعصابكم تعالوا لمنتدى الجمهور الهلالي وانتقدوا عشان ماتقولون كلمه
ويتم تنفيذها بعدين تندمون مثل الحين )


قائمة المنسقيين طوييييييييييييييييييييييييييييلة لاتعترضون عليه لو طلعت
لانها راح تتنفذ رضينا ام اعترضنا
لانها طلباتنا



عذرا على الأطالة
اختكم: وسن الهلالية