[veron_14]

السلام عليكم ورحمة الله وبركاته ..

كيفكم يالزعمـاء ..

والله أكتب هالموضوع من القهر اللي فيني ..

نحترق علشان الهلال ونسهر ونبكي ..

أدري بتجي بعض الردود إني مندس وإني ماني هلالي وإني وإني وإني ...إلخ

بس والله ما كتبت هالموضوع إلا من حبي للهلال .. ( وإللي مو عاجبه الموضوع مو لازم يرد .. هذي وجهة نظري)

..

في حياتي كلـها ما شفت الهلال زي الموسم السيئ إللي راح .. والموسم عدّا بخيرهـ وشرهـ ..

وأحس إن هالموسم ما تغير شي ..!! بس يمكن تغير للأسوأ


...

طارق ..!!!!! طارق اللي يحبه الصغير والكبير .. وإللي بنى شعبية للهلال في السنوات القليله الماضيه .. بنبكي عليك مثل ما بكينا على كماتشو ..

الخثرااان ..!!!!! يقولوا إنك إنت إللي وقعت المخالصــه .. وأنا مستعد أحلف إن المدرب هو اللي (طردك) وإعذرني على هالكلمه .. بس عرفت هالكلام من أشخاص مقربين من نادي الهلال ..

الشمري ..!!!!! أفضل حارس بعد الدعيع وأفضل حارس يرد بلنتيات .. يسون لك معسكر في النمسا ويودونك القادسيه (ياسسسلاااام)..!!؟؟

..

الأندية المنافسه لنا .. غيرت في لاعبينهـا واجد .. وإحنـا ولا لاعب محلي هالموسم .. والمحياني من الموسم اللي راح موقعين معه هو ويا العنزي (فيصل على ما أعتقد) إللي ما شفناهـ ولا في مباراه ..

المكتوب واضح من عنوانه .. إذا صار هالموسم سيئ للهلال فلا تستغربون ..

وإن شاء الله يكون ناجح .. بس أعتقد إن إحنا ما سوينا الأسباب ..



..

مقدرين تعب الإدارهـ والتوفيق من رب العالمين ..

وبالنسبه للمدرب .. يمشي اللاعبين عشره كيلو ؟ في أول أيام المعسكر وقبل أداء التمارين .. وبعد هالعشره كيلو ولا لاعب كمل التمارين الأخرى من الأرهاق < على ذمة جريدة الرياضيه ..

(10) كيلو .. قد تكون المسافه المناسبه .. بس مو بالطريقه هذي .. إنت تدرب بالسعوديه مو بـ أوربـا ..


......


أخيراًََ .. الله يوفق الهلال فوق كل أرض وتحت كل سماء .. وانا هذي وجهة نظري قد تكون صح وقد تكون غلط ..

وإذا فيه سلبيات واضحه مثل عين الشمس لازم نقولها .. وعلى الإدارهـ إنها تتلافاها .. والله يوفق زعيمنــا