[a l - Z a e e m]

السلام عليكم ورحمة الله وبركاته .. وأسعد الله أوقاتكم بـ كل خير ومحبه وسلام جميع الزعمااء وجميع الجمهور الهــلالي الرائع والشامخ والمبدع والمميز بجميع طروحاته ومواضيعه وإهتماماته .. وبــعد

إلى الجميع .. أحب أطرح هالموضوع النقاشي .. وأتمنى منكم المشاركه فيه للـ ( وصول ) إلى سبب مقنع من بعض الطروحات إللي ماكنت أتمنى إني أشوفها

بصراحه كنت دايم أتفــائل وأتمنــى وهو الحاصل إن شاء الله بأن أرى تنوع بالمواضيع .. ولكن الحقيقه التي أراها هي عكس ما أنا متفاائل فيه ..!

البعض منكم يبني موضوعه على مواضيع آخرين .. يعني واحد نزل موضوع عن (( مخالصة الخثران )) يآتي عضو آخر يكتب نفس الموضوع ونفس مايحكي عنه الموضوع بموضوع آخر وبصياغه آخرى وبالنهايه .. جميعها تدور في محور واحد ..!

الصفحه الأولى كلها مواضيع عن الخثران ..!!
وجميع المواضيع تحكي عن نفس القصه ..!
طيب وش الجديد ..؟

وهناك أمر آخر أحب أتطرق له وهو هام جداً لأنه ليس من ثقافتنا ولا من رقي طروحاتنا ولا من سمو فكرنا بأن يآتي عضو يطالب وينتقد ويتهم ( ويشيل ويحط ) ويغالط ويصحح ويعترض على مدرب وعلى لاعب وعلى فلان وعلان .. والدوري أساساً لم يبداء بعد .. فـ على إيش تعارض وتنتقد ؟ هناك إداره وهناك مدرب عالمي آتى بخبره وعلم ومعرفه وإحترااااف .. يعي ويدرك تماما كل أين تكمن مصلحة النادي ..

فلما لا نترك مايعنيهم لهم .. ونأخذ مايعنينا ونعمل به ..!

نحن هنا أو بالملعب ( للمؤازره ) والتحليل والنقاش .. ولأننا نحب ونعشق الهلال

فلكل منا مهامه .. لهم مهام ولنا مهامنا .. فكلي آمل ورجاء بأن نترك المواضيع المكرره والنقد والإعتراض عن أسباب مخالصه أو تنسيق لهم .. فهم ( أبخص ) ونحن لا نبخص ولا نعلم ولا نرى ما يجري أمام عينهم .. المدرب يتابع ويشرف ويرى ويعي ولديه الخبره الكافيه ليقرر من يستحق المكوث ومن يستحق الرحيل وليس نحن ..!

وأرجو بالنهايه بأني لا أكون قد أطلــت عليكم .. فإن كان ! فأني أعتذر عن الإطاله

وأتمنى كل التوفيق للزعيم .. بجميع المحافل وفوق كل أرض وتحت كل سماء وهنا .. وهناك .. وبكل مكاااان

والسلام عليكم ورحمة الله وبركاته