[هلالي يموت في القناص]

السلام عليكم ورحمه الله وبركاته

اسعد الله مسائكم وصباحكم



حين اتذكر المعاناه الموسم الماضي
وماحل بنا من مشاكل النقل التلفزيوني
ومشاكل اي ار تي الزعيم
ومعلق لسان حاله يقول نامو وارتاحو بلا مباراه بلا هم ..

تنتابني روح وفسقه واقول على الحراج يالدغبوس

وطق لك دريم وانسى هالمعاناه

الي يعاني منها جميع الشعب السعوي وليس فقط عشاق الزعيم

المواطن السعودي يحرم حتى من مشاهدة منتخب بلاده

طيب وش ذنبي اذا ماعندي دراهم واشترك ..
مايقارب 80 % من الشعب رواتبهم تحت الخمسه الاف
اروح اشترك بربع الراتب بهالقناه

الي حتى راعيها حط نفسه شيخ وصار يتكلم ويفتي حتى؟؟؟


في يوم من الايام الماضيه قلت خلني انزل للحراج واخذ هالدريم

ومن محل لثاني وحصلته بمتوسط سعر بــ 700 ريال

قلت اخذ ماخذ واذا خرب وين اودي وجهي من الشيبان

وارجع الى حي العريجاء حيث مسقط راسي واحسب الجدول واقول ليش اخذ الحين والدنيا هاجده

خله بشهر 11 ابرك لان مباريات الهلال قبلها منقوله

واذا بي نفذت من لعبتي بالجداول والحساب ومشاهده الجدول
وارغب بالدخول الى شبكة الزعيم لشاهد الجديد ووجهات نظر الاعضاء
واذا بشاشه حمراء تظهر بوجي عنوانهاا سبيد تشش

ياسلاااام يعني لو اخذت هالدريم والاتصالات حتى تعاونت مع اي ار تي وكل يومين يفصل النت
وش الدبره

ان لله وانا اليه راجعون


ورفع من معنوياتي ذالك الخبر ان قناة الزعيم بتصير بــ80 ريال

ومنها الى اقرب محل اشتراكات والــ 100 ريال بالجيب ويبقى 20 ريال حق العشاء

واذا بالاشتراك يطق 1050 ريال

صرخت بوجه المصري وقلت شويه رحمه ياراقل
ليش مايجي الاشتراك بقناه الزعيم فقط

قال النادي يبي رسم وقتها ماراح يكون اي فائده لشركه وبدا بالفن المتبع من قبلهم بمحاوله كسب الزبون
ومايدري ان الي معاي 100 ريال بس قلت الي يسمعك يقول هالاشتراك بيحطونه بجيبك الا انصح العالم بدريم
وخلهم يفلونهاااا
وبدا يخوفني انهم قريبا راح يفصلونه وانهم بيفعلون ويعملون



الى متى وهالمعاناه مستمره
يعني كل مباراه للهلال تطلع عليك بحول 90 ريال
والله الشي الي يقهر
الملعب كلها 20 ريال والاعاده موجوده بالشبكة
او حسبي الله على من كان السبب المقهى اذا المباراه بعيده
وكلها 20 ريال ومخمخ واستمتع بالزعيم


اتمنى من اداراه الهلال فض الشراكه مع هذه القناه الي مايشوفون الا الهلال وجمهورة باستغلالهم
ولقطات حصريه لاتشاهد الا مع الهلال

وان شاء الله نشاهد الجزيره الموسم المقبل معنا ونستمتع بسعر معقول يتناسب مع جميع فئات المجتمع


اعتذر على الاطاله والى اللقاء





اتمنى ان تفعل عضويتي بدال مايقعد هلالي يموت بالقناة يمن علي هالعضويه

[مثل حضرمي]

يا اخوة فيه قناة اسمها مثل حضرمي الزعيم
ترددها 546231 على قمر حضرموت سات


مزحة ثقيلة





ذا كله عندكم بالسعودية
أما عندنا السعر ليس غالي وهمنا نشوف المباراة وبس ولو بدون معلق وحتى بكيمرة واحدة
أهم شيء نشوف الزعيم وبس بلا اخراج بلا برامج بلاخرابيط


تقبلوا تحياتي وتحيات كل عشاق الزعيم من حضرموت

[هلالي يموت في القناص]

إقتباس الرسالة الأصلية كتبت بواسطة مثل حضرمي يا اخوة فيه قناة اسمها مثل حضرمي الزعيم ترددها 546231 على قمر حضرموت سات مزحة ثقيلة ذا كله عندكم بالسعودية أما عندنا السعر ليس غالي وهمنا نشوف المباراة وبس ولو بدون معلق وحتى بكيمرة واحدة أهم شيء نشوف الزعيم وبس بلا اخراج بلا برامج بلاخرابيط تقبلوا تحياتي وتحيات كل عشاق الزعيم من حضرموت

الف شكر على مرورك يالغالي..

طيب جيب لنا اشتراكات من عندكم

[twam_rw7e]

استغلال لعشق الجمهو للزعيم

حسبي الله عليهم

وشكرا لك

[هلالي يموت في القناص]

إقتباس الرسالة الأصلية كتبت بواسطة twam_rw7e استغلال لعشق الجمهو للزعيم حسبي الله عليهم وشكرا لك

مشكور على مرورك يالغالي..

وكل مايدار قمه في الاستغلال

[ميلا هلالي ـني]

اقول لا تعب نفسك
فيه رسيفر اسمه دريمر يشتغل على القمر التركي يعني اضمن ما فيه تقطيع
يطلعلك ارتي والجزيره والشوتايم والاوربت من دون دي اس ال

بس جبلك عامل ويضبط كل شي ب 1000 ريال
وتحديث كل سبع شهور ب 150 على ما اظن !!

[عصفوره الثلج]

صح لسانك اخوي
بصراحه معناه واتمنى ان لا تتكرر هذي السنه
فيه ناس مايقدرون يدفعون قيمه الاشتراك وفيه ناس تكره ان احد يستغلها ويسرق فلوسها عيني عينك وياليت نقلهم يفتح النفس بعد الا نقل فاشل
اتمنى انهم يوقعون مع الجزيره اصرف
ويعطيك العافيه

[هلالي يموت في القناص]

إقتباس الرسالة الأصلية كتبت بواسطة ميلا هلالي ـني اقول لا تعب نفسك فيه رسيفر اسمه دريمر يشتغل على القمر التركي يعني اضمن ما فيه تقطيع يطلعلك ارتي والجزيره والشوتايم والاوربت من دون دي اس ال بس جبلك عامل ويضبط كل شي ب 1000 ريال وتحديث كل سبع شهور ب 150 على ما اظن !!

ربك يعين
ياتشترك وتدعي ربي يعوضك
او تاخذ دريم وكل يوم النت مفصول
ياتاخذ الرسيفر الي على القمر التركي والمحل مايضمنه يعني اذا خرب ربي يعوضك

[هلالي لي العز والفخر]

الله يصبرنا بس على هاالقنــــــاة الفـــــــاشلة ونبي الجزيرة حتى لو ماتنقل مبــاريااااااااات

[هلالي الجنوب 07]

والله يالحبيب عندي دريم بوكس بصراحه يقطع

بس بعض الاحيان تمر عليه شهور زي اللوز

[حامية هلاليتها]

ومعلق لسان حاله يقول نامو وارتاحو بلا مباراه بلا هم ..


ههههههههههههههههههههههههههههههههههههههه

>>شو هالتعليق الخنطور






طيب وش ذنبي اذا ماعندي دراهم واشترك ..
مايقارب 80 % من الشعب رواتبهم تحت الخمسه الاف
اروح اشترك بربع الراتب بهالقناه


وربي صادق صح لسانك ويسلم يمينك ع النقل


ياربي صبرك
بس انا عندي احساس ان ابن مساعد بيوقع مع الجزيره>>احساسها يصيب

[هلالي يموت في القناص]

إقتباس الرسالة الأصلية كتبت بواسطة عصفوره الثلج صح لسانك اخوي بصراحه معناه واتمنى ان لا تتكرر هذي السنه فيه ناس مايقدرون يدفعون قيمه الاشتراك وفيه ناس تكره ان احد يستغلها ويسرق فلوسها عيني عينك وياليت نقلهم يفتح النفس بعد الا نقل فاشل اتمنى انهم يوقعون مع الجزيره اصرف ويعطيك العافيه

مشكور ياعزيزي على مرورك

لكن مشكله الجزيرة ان المباراه ماتقدر تشوفها الا بعد مرور 24 ساعه على بثها في اي ار تي