[الهلالي الناري]

بسم الله الرحمن الرحيم



هذي بعض الملاحظات على نجوم المعسر النمساوي اللي بصراحة كان افضل من معسكر كوزمين اللي راح بـ(1000) مرة .

وهذا توقع مني عن (هلال الموسم القادم) : الهلال سيأكل الأخضر واليابس .

ايريك جيريتس

احنا بصراحة كهلاليين مللينا (طفشنا)(فش خلقنا) من طريقة لعب الهلال آخر 7 مواسم تقريبا لأن ربي وفقنا بمدربين الله يصلحهم اسلوبهم دفاااااعي بحت . (من باكيتا الى كوزمين)

وان شاء متفائلين بالسيد البلجيكي اللي مايعرف الا الهجوم ... والدفاع خلوه على حبي اسامة (لبى قلبه)

اريك جريتس الذي انتزع مرسيليا من ظلمات القاع الى وميض الأضواء ... بعدما ان كان مارسيليا بربيري ونصري مهددا بالهبوط ثم جاءهم جريتس بدور المنقذ وبدون النجمين السابقين ليحل وصيفا للدوري . علل ؟

لأن جيريتس مدرب هجوووووومي والدليل الـ(9) وهذا مطلبنا كجمهور عاشق للكيان الأزرق .

النجوم

° ياسر القحطاني : تفاءلنا بالقرعه وان شاء الله تكون فال خير .

° عيسى المحياني : ستحسم للهلال كم بطولة الموسم الجاي ان شاء الله .

° أحمد الصويلح : الله يفكك من الاصابات ونبغاك كذا علنطول .

° محمد العنبر : لاعب اشبهه بتريزيقيه صراحةً نفس ستايل اللعب .

° محمد الشلهوب : آآه لو تستمر يالموهوب ويرتفع مستواك زيادة وترجع شلهوبنا للي حنا عارفين .

° كريستيان وليهامسون : متفاءلين بنيفيز الى جانبك ولكن ...

° تياقو نيفيز : اذا هذا اوله شلون تاليه والله ياهاللاعب اقده يالبيه بس يالفاولات والفايدة الفنيه للفريق مو كعبات
كبري غصب ونفسيه زفت .

° احمد الفريدي : وزنك ياكابتن ... انتبه .

° عبدالعزيز الدوسري : الموسم القادم بيحكم عليك اما بالنجاح والنجوميه واما بـ ...

° ميريل رادوي : حسنة كوزمين .

° خالد عزيز : رجع ابشركم <محجر نور> لمستواه .

° عبداللطيف الغنام : نجم والله وان شاء الله عزيز ثاني .

° سلطان البرقان : استفدت كثيييرا من تجربة الاتفاق ونبغى نشوف هالفايدة في الملعب .

° لي يونق : الجوكر الهلالي ... انسيتنا الدوخي وفكيتنا من نامي .

° عبدالله الزوري : يقول الثنيان ... ان يأتيك ظهير بهذا الطول وبهذه القدرات الدفاعية والهجومية فأنت تمتلك
لاعب متكاااااااااامل .

° محمد نامي : بسراحة نحبك ولاتزعل علينا وتصلح كبديل للي يونق .

° عبدالعزيز الخثران : لسا الولد يعطي ماشاء الله تبارك الله .

° اسامة هوساوي : احذر ... هذا لاعب فوق النقد .

° ماجد المرشدي : انتبه المنافسة اشتدت مع خيرات ... حذاااااااااااري فقدان المركز لأن صعود الجبل ليس كنزوله
واللبيب بالاشارة يفهم .

° حسن خيرات : لسا صغير والمستقبل امامه ونشوفك والميدان يا حميدان .

° محمد الدعيع : بنزيمه ... انا معجب بهذا الحارس (هذي تكفي) .

° حسن العتيبي : وش تحط لجيريتس في صحن الأكل ؟

° فهد الشمري : المظلوم المسالم ... بصراحه ودي أعرف ليه مايلعبك جيريتس حتى في الوديات ولو شوط ؟؟؟



ولاننسى ان اللاعبين بشر ومعرضين للخطأ ويتقبلون النقد بدون تجريح ولاننسى انهم يكرفون ويتمرنون وجريتيس يشتغل ليل نهار وشبيه الريح شغال تعاقدات وشغل ميه الميه لكن عندي همسة :
( لاننسى دورنا كجمهور للهلال وكعشاق له ليس بالكاتابات وطولة اللسان بل بالحضور في الملعب والمؤازرة وملأ الاستادات )

وفي النهاية : شكرا شــ ــبيه الريح ...

شبيه الريح وشباقي من الالام والتجريح
شباقي من الاحلام.. وشباقي من الاوهام
غير اني ألاقي في هجيرك في
وألاقي في ظلامك ضي
وأوقد شمعتي في الريح.. شبيه الريح

ـــــــــــــــــــــــــــــــــــــــ

سبحان الله وبحمده ... سبحان الله العظيم

تقبلو تحياتي ... اخوكم : عبدالرحمن