[معزوفة الأنامل]

يعتقد البعض ان المراسل الميداني ومعلق ارت الزعيم هلاليين من منطلق ان القناة هلالية وربما البعض الآخر لا يهتم بذلك كون المطلوب هو العمل المقدم والمهنية لكن ماذا لو كانت المهنية منعدمة كما هو حادث الان في ارت الزعيم الا يحق لعشاق الهلال ان يطالبوا بالتغيير!!

محمد غازي صدقة اهلاوي الميول كأبيه .. طبعا جربوه في قنواتهم كلها من 1 حتى 9 ومانفع قالوا نعطيه دورة تدريبية على شان ابوه في ورشة ارت الزعيم لعل وعسى يتطور ومع ذلك وبالرغم من مرور سنة لا نسمع في تعليقه الا التهويل والقصص الخيالية والالقاب المضحكة!

عبدالرحمن الحميدي مقدم ومراسل ميداني لو اقول ميوله قد تنصدم شريحة كبيرة من شعب الهلال فهو نصراوي الميول! طبعا هو كان احد مذيعي الرياضية السعودية وحصل له موقف لا ينسى على الهواء مباشرة مع ياسر في اول سنة لياسر مع الهلال.. فلقد كان في كل لقاء مع ياسر بعد المباراة يسأله: هل انت راضي عن ماقدمته؟ وعندما زودها رد عليه ياسر : انت ماتقابلني الا تسألني هالسؤال خخخخخخخخخخخخ فأرتبك الحميدي وعقل بعدها وماصار يسأل هالسؤال.. على العموم هو مثال لعنصر آخر غير هلالي في القناة.!!

طبعا الامر ينطبق على المصور والمخرج وغيرهم .. وحتى لا نُفهم بشكل خاطئ! نحن لا نطالب بتحويل استديوهات ارت وموظفيها الي هلاليين لكن على الاقل نطالب ممن يعمل في قناتنا وهو غير هلالي بالمهنية وعدم اقحام ميولهم وتعصبهم في العمل فما يحدث من استفزازت مستمرة من اول عقد تم توقيعه حتى يومنا هذا يؤكد بان هذه القنوات لا تعرف من المهنية شئ ولن يلام الامير عبدالرحمن او نائبه في المطالبة بطاقم هلالي كامل يشرف على القناة ويسيرها.! لذا اتمنى من الامير عبدالرحمن ان يضع هذا الشرط في اولوياته فكما استطاعت القناة جلب خالد السعيد الهلالي ونجيب الامام وعادل التويجري واليوسف ليست عاجزة عن اكمال بقية الطاقم كما يحدث في قنوات الاندية الاخرى!

بالمناسبة هذا اهم شرط وان لم يحقق فلا فائدة من التجديد لان الاستفزازت ستستمر يوما بعد آخر فهذه القناة ورغم عمرها الكبير لا زالت لا تعرف من المهنية الا اسمها بل حتى اسمها يجهله كثيرون ممن يعملون داخلها..!!

[وافي زمانه]

فععلا
صراحه معلق تعيس
ومراسل ميداني اتعس
اعتقد ان الحميدي ليس له اي علاقه بكره القدم
والغريب انه كان بالخشبيه وفشل وجابته قناه الزعيم
صوره مع التحيه لمن يهمه الامر

[الاسطوره ميسي]

السلآم عليكم,,
صح إني أفـضل تكون قناة خاصه للنادي ,,
بس بهالشكل أقول بلاش قنواااااات خاصـه إذا بتطلع على هالشكل ,,
ع العموم ماراح أنتقد أو أمدح القناة لأني ببسـاطه
ماإشتركت فيها ولا شـفت إلا كم برنامج
لامعلقين زي الناس .. ولابرامج زي الناس .. ولامراسلين زي الناس..
القناه يبغالها إداره مستقله .. مانبي نقل مباريات بس
نبي قناه إحترافيه بعملها وتكون واجهه للأزرق
أما إني أدفع فيها فلوس ولازم تكون مع باقه من باقات صالح كامل ..!
وفي الأخير لا أشوف عليها مباريات بسبب التعليق
إللي ياحدى معلقين الـ art أو صريخ محمد غازي ومدحه طول المباراه ..
وإستديو كأنهم بعزى .. ومراسلين عاديين ..!
على كذا خلوني أشوف مبارياتنا على الخشبيه
ولا على سبورت7 ولا على أبو ظبي .. أفضل ..!

[ثلاثيني الزعيم]

والله يا الأي ار تي دابلتن تسبدي جعلها الماحي

[كيفي بحب الهلال]

محمد غااازي صدقه والله مدري من اللي لاعب(ن) عليه وقايله انك تعرف تعلق


ياصرااخ ولا القاااب مضحكه


الصرااحه كلااامه درر



تسلم انااااملك يابعدهم ...!

[احبك موووت]

فـعلاً أصبتي الوتر الحسّـاس ..

محمد غازي نحترمه كشـخص ,, بس بالـتـعـليـق , ][ مـاعندك أحد ][ ..

يـحاول في أغـلب الـمبـاريـات تـقـليـد عبدالله الحربي , وعيسى الحربيـن ..

ويـحاول بالصـراخ إطلاق الألقـاب على اللاعـبيـن , حـتـى لـو مـايجي على اللاعب أو خـانـتـه ][ آخر مبـاراة يقول أن الصـويلح هو ( الكـمبيوتر الهلالي ) ][ أنا من خبرت الكـورة ولقب الكـمبيـوتر يطلقونه على لاعبين الـوسط , كيف صـار المهـاجم هو الـكمبيـوتر هذي جديدة ..!!!!

أما الحـميدي فـمن المعروف أن أي مراسل أمـنية حيـاته ترك الرياضية الـسعودية , لـعدم وجود الإحترافيـه والتـطور مثل الأي آر تي , يـعني يوم يجيبونه للأي آر تي ماجـابوه عن أنه مراسل كفو وراعي أسأله صريحـة , اللهم قل التكلفة , وتلزيق المراسلين ومن هم جديدين في مجال الإعلام , بمثل هالقناة الجديدة , واللعب على الـناس بأن الطاقم كـامل هلالي ..

وانا حالـياً مـا أتوقع أي ردة فـعل مـن عبدالرحمن بن مساعد , لأن الأي آر تي شارية الدوري لـ ثلاث مواسم قدّام , ولا ولن تبيع حقوق المباريات لأي قناة تجارية تحـاول انها تـنافسها , فـما بالكم لوو كانت الجزيرة الرياضية هي المشغل الأساسي لقـناة الزعيـم ..!!!

عمـوماً أن شاء الله يسـتحي على وجهه محمد غازي صدقة ويقدم أستقالته أو يقول خلوني على مباريات الدرجه الأولى اللي يلعبون بالعصر أحسن له وأحسـن لنـا ,, لأن الواحد مـن يسـمع صوته للأسف يجيه ضيقة صدر ,, لا لغـة عـربية صح , لاكلام متـنـاسق كل اللي عنده صراخ , وأحيي جمهور الهلال و تـكفى يا أبو مساعد ][ تقل يجلس معه كل يوم ][ ...

[هلالي واحب9]

محمد غااازي

انواع التأليـــف ياشيخ

كذب في كذب

[MAS 999]

انا معك في كل كلمه ماعدا الحميدي انا اعرفه معرفه شخصيه ميوله هلالي متعصب

اما المدعو محمد غازي صدقه والله ماشفت معلق يكذب اكثر منه اجل يقول انه سولف مع حارس

ماتري وقاله انه يقتدي ببيتر تشيك صدق المثل اللي يقول ((هذا الجرو من ذاك الكلب))

موضوع في الصميم ((ومن القلب اغلى هديه ومن القلب مصافحه وفيه))

[مطـلق الهاجري]

ارجوووووو ان يتفهم المووضوع سمو الامير ..


ويشوووف لنـا حل ..


فاوالله العظيم (( انها قناة فاشله .. ولاتليق بمستوى الزعيم ))

..


لابد من حل (( طال الطوويل ))

[ќ н α ι є ď ~]

كلامك عين الصواب ..!
طرح رائع ومميــز أختـي ووضحتي بعض الأشياء المخفيه على الجماهير ,,

وعنوان موضوع قـوي بماتعنيـه الكلمـه ..

وان شاء الله أبوفيصـل مراح يقصـر ويأخذ حقنـه منهم ..

والله يكتب اللي فيه خير لزعيمنا ..

.,

[**الـــــــــواوا**]

يعطيكي العافيه على موضوعك.

وأتمنى يكون فيه مذيعين أو معلقين ويعشقون الزعيم.

احترنا مالنا غيرهم ومع اني ماني مشترك بقناة الزعيم

وفي النادر اتابع مباراه ويعلق عليها ابن غازي صدقه واشوف

ان جل المعلقين يزودونها شوي بالهياط موبس هو المبتدئ

أما الحميدي ماعندي اي ملاحظه عليه وكل اللي نحتاجه أن

تعمل القناه بإخلاص للنادي وتقدير للجماهير الهلاليه الغفيره.

[I don‘t know]

لابالنسبة للحميدي هلالي ونص ...

الحميدي اذكر له صورة مع السامر وولده راشد ... ومعروفة هالصورة ..!


وبالنسبة لصدقة أكيد ماهوب هلالي ... انا من يوم شفته يسوي نفسه شرقاوي وانا غاسل يدي منه ...


الإصلآح ماهوب من الميول الإصلاح من الإدارة وحتى لو كانوا كلهم نصراويين وعندهم ادارة جيدة صدقيني بتصير قناة روعة ..!

[♥ N E V E S ♥]

والله كلام 10 على 10 وما ازيد شي....!

عوآفي

[خا20لدي]

فععلا
صراحه معلق تعيس
ومراسل ميداني اتعس
اعتقد ان الحميدي ليس له اي علاقه بكره القدم
والغريب انه كان بالخشبيه وفشل وجابته قناه الزعيم
صوره مع التحيه لمن يهمه الامر

[هلالي قلبا وعقلا]

كتبتي فأبدعتي أختي معزوفة الأنامل ،،،،


بالنسبة لابن غازي صدقة فأغتقد أنه بالواسطة قبلوه في art وهم غير مقتنعبن فيه ،،، ووجدوا القناة اللي تضفه هو ومن على شاكلته وهي قناة الزعيم ووضعوه فيها ،،، لأنهم عارفين انه فيه ادارة طيبة جدا ومتسامحه جدا جدا ،،، ولن تستطيع تغيير هذا الأمر مهما حصل على الرغم من مطالبات الجمهور الكبير المغلوب على أمره ،،،


نتمنى من الإدارة إنها تتحرك شوي وتحس بمعاناة الجمهور الهلالي ،،، وتدرك أنه جمهور الهلال يتعرض لعملية نصب واحتيال منظمة لم تجد من يقف في وجهها ،،، زألا تكتفي بإصدار البيانات العقيمة والمخدرة للجمهور ،،، لأنه اللي يده في المويه ماهو زي اللي يده في النار ،،،



تحياتي لك ،،،،