[ابـــراهيـــم]

بسم الله الرحمن الرحيم

موضوعي عباره عن رساله لكل الشعب السعودي المحب للعبة كورة القدم

ابخلي كلامي عامي

قبل ماتقراء الموضوع خلي ميولك على جنب انا اكلمك كاشخص محب للعبة كورة القدم
الميول ماله دخل بالموضوع سواء انت هلالي او نصراوي او اتحادي او اهلاوي او شبابي او...... كل مشجعين الفرق لهم كل التقدير والاحترام

لكن انا ابي اكلمك انت كمواطن سعودي

ندخل بالموضوع

ART ومادراك ما ART
مثل مانتم عارفين الناقل الحصري للدوري السعودي ART

ياعالم اقسم بالله قمة الاستغفال من الشركه هذي للشعب السعودي يحسبون الشعب السعودي عايش على كنز

اشتراكهم السنوي 1800 ياخي والله حرام تدفع المبلغ على قنوات فاشله بالاخراج فاشله بكل شي مافيه اي ابداع يجذبك انك تشترك فيها

مره انا شفت مباراة على قناة ESPN وكثير منكم يعرفها المهم كانت مباراة كورة قدم بين جامعتين بامريكا عاد تعالو شوفو المباراة كانت بايخه لاكن وش مجملها الاخرااااااااج اقسم بالله يوم شفتها سرحت بخيالي وقعدت اقارن بين الاخراج الي قدامي واخراج قنوات الغفله داريت اننا مستغفلين منهم

ندفع مبلغ كبير عشان الاشتراك ومافيه اي ميزه يجعلك تقول مو خساره فيها

يالجماهير السعوديه اصحو الى متى الاستغفال هذا جاء وقتنا.
الشي هذا تقدرون تغيرونه اتركو اشتراكتهم لهم
تصدقون ان في مصر الاشتراك ارخص من السعوديه تدرون ليش؟؟؟؟؟ (لان الشعب السعودي عطوهم وجه) هذا وقتنا لنغير المسخره الي قاعده تصير

والي يقول انا اقدر اشترك يعني المبلغ مناسب لي ( اقوله انت انسان وفاهم وماتحب تستغل والمبلغ انت جايبه من تعب واكيد ماترضى ان يجي واحد يستغفلك وياخذ المبلغ)

والي ماقتنع يناظر مباراة على قنوات اخرى اي قناة متطوره ويشوف الفرق


تكفوووووون يالجمهور السعودي خلو نصير يد واحده. نقاطعهم جميع ولو راضونا بفصل القنوات واصلو المقاطعه. شفو اشتراك الجزيره بكم واخراجها كيف وقارنها بقنوات الاستغفال

تكفووووووووون يالجمهور السعودي خلونا نسويها

اتمنى من اي مشجع سعودي ان يطالب بالمقاطعه بمنتدى فريقه او ينقل الموضوع مافيه مشكله

اهم شي نقاطعهم جميع ليعرفوووون الى متى الاستغفال

ولاتنسون ميولك ماله دخل بالمقاطعه انا كلمتك كمشجع سعودي

وبكرى بالجرايد يكون العنوان الجمهور السعودي يقاطع ART

ياليت انكم تنشرون الموضوع بكل المواقع او اكتب انت موضوع ورساله للجمهور السعودي


اسف على الاطاله

اخوكم ابوخليل