طريقة اقتصادية لمشاهدة ودعم الزعيم واطاحة الـ ART - نادي الهلال السعودي - شبكة الزعيم

@ F.A.I.S.A.L @ · #1 22/07/2009, 06:41 AM

سعر الإشتراك في قناة الزعيم كم ؟؟

400 ريال ؟؟

قل 400

الفريق يلعب 22 مباراة في الدوري 11 منها في الرياض في أرضه وبين جماهيرة

وسعر التذكرة 20 ريال و يعني 220 ريال لـ 11 مباراة

مع ملاحظة انك بتدفع الـ 220 على دفعات كل دفعة 20 ريال مما يسمح لك بإستثمار باقي المبلغ ( لا تشرهون أدرس اقتصاد هندسي بالصيف

)

وهذا غير ان ربع قيمة التذكرة تبرع للجمعيات الخيرية يعني كل مباراة تحظرها تتبرع للجمعيات بـ 5 ريال

وبالإضافة الى الـ 11 مباراة اللي في الرياض مباراة الشباب والنصر الذهاب ولاياب في الرياض يعني صار المبلغ الحين 260 ريال

باقي 9 مباريات ومن ضمنها مباراتنا مع الأهلي والاتحاد في جدة وهذي أكيد منقولة على الرياضية

كم يبقى الحين ؟؟ يبقى 7 مباريات اللي هي مباراتنا مع الحزم والرايد في القصيم والقادسية والإتفاق والفتح في الشرقية والوحدة في مكة ونجران في نجران

قل الرياضية بتنقل مباراتنا مع الاتفاق والوحدة والحزم

يبقى اربع مباريات عاد هذي المباريات مقدور عليها وتقدر تشوفها في اي مكان مقهى,كوفي,عند واحد من العيال....

قل انك بتشوفها في مقهى بالكثير بتصرف 20 ريال على كل مباراة يعني 80 ريال للأربع

كم صار المبلغ الحين 260 + 80 = 340 ريال

مع ملاحظة ان كاس الملك منقول كامل على الرياضية وولي العهد منقول وفيصل الأدوار النهائية منقولة

أكيد الطريقة هذي لسكان الرياض بس

وللجماهير خارج الرياض دريم بوكس واعطي راعي الزنوب بوكس واللي يبي يشترك من أهل الرياض يشترك ماعندي مانع بس أهم شي يحضر <<< أجل ماعندك مانع

وسن الهلالية · #2 22/07/2009, 07:15 AM

روح الله يفتح عليك ياشيخ
والله انك ذيب فصلت المئسله صح
بدل ما يشتركون ويدفعون دم قلوبهم وبعدين مايشوفون شي
خلوهم يحضرون ويساندون الزعيم

لكن في مشكلة البنات إللي مرتزات في البيت شلون يشوفون المباراة؟
يالله جاوب

20 الكاسر ياسر 20 · #3 22/07/2009, 07:18 AM

ماشاء الله عليك

حسبتها صح وياليت اللي بالرياض يسمعون كلامك

لاهنت يالغالي

hima1209 · #4 22/07/2009, 07:26 AM

إقتباس

الرسالة الأصلية كتبت بواسطة وسن الهلالية


	روح الله يفتح عليك ياشيخ والله انك ذيب فصلت المئسله صح بدل ما يشتركون ويدفعون دم قلوبهم وبعدين مايشوفون شي خلوهم يحضرون ويساندون الزعيم لكن في مشكلة البنات إللي مرتزات في البيت شلون يشوفون المباراة؟ يالله جاوب

تفكير صحيح اخي الكريم واحترافي لأبعد الحدود

بالنسبة لك اختي وسن , صراحه كسرتي قلبي انتي وباقي البنات بـ ردك

الشباب ما عليهم خوف ويقدرون يدبرون عمرهم وكل واحد معه سياره بس المشكله انتم مافي يدكم شي .!

عموما الله يسهل امرك وتشوفين كل مباريات الهلال وانتي بأتم الصحه والعافيه , انتي وباقي الزعيمات

بو فيصل 20 · #5 22/07/2009, 07:28 AM

ماشاء الله عليك و الله إنك جبتها فكرة حلوة و راح تدعم الهلال زي ماقلت إنت
تحيااااااااااااااااااتي لك

@ F.A.I.S.A.L @ · #6 22/07/2009, 07:29 AM

إقتباس

الرسالة الأصلية كتبت بواسطة وسن الهلالية


	روح الله يفتح عليك ياشيخ والله انك ذيب فصلت المئسله صح بدل ما يشتركون ويدفعون دم قلوبهم وبعدين مايشوفون شي خلوهم يحضرون ويساندون الزعيم لكن في مشكلة البنات إللي مرتزات في البيت شلون يشوفون المباراة؟ يالله جاوب

بسيطه

الحين انتم يالحريم اذا وحده منكم راحت لعرس وقامت تسولف على باقي الحريم وتوصف لهم بالتفصيل الممل

أم أخضر راحت وأم أحمر جت وفلانة مدري وش سوت وفلانة وش زينها والعروس فيها وما فيها والطقاقة صوتها مب زين وعشاهم بارد .......... الخ ( والله ماظنيت هالسوالف فيها الخ

)

اعاد انتي علمي اخوانتس طريقتكم في وصف الأشياء وهم اذا رجعوا يشرحون لتس وكأنتس معهم في الملعب

عاشق(20)الكاسر · #7 22/07/2009, 07:33 AM

^^^^^^^^^^^^^^^^^^^^^^^

هههههههههههه

والله فكره ولا اروع اهنييييك انا هالسنه عاطل باطل

بسويها << مع ان عندي دريم بوكس

لكن خلنا نجرب وش ورانا

اما انتي يا وسن بجيب لك الدريم بوكس حقي وقت المباريات بس << يعني لاتفلينها

والله يكون بعون الجميع

تسلم لي ع الفكره يالذيب

وسن الهلالية · #8 22/07/2009, 07:42 AM

إقتباس

الرسالة الأصلية كتبت بواسطة @ F.A.I.S.A.L @


	بسيطه الحين انتم يالحريم اذا وحده منكم راحت لعرس وقامت تسولف على باقي الحريم وتوصف لهم بالتفصيل الممل أم أخضر راحت وأم أحمر جت وفلانة مدري وش سوت وفلانة وش زينها والعروس فيها وما فيها والطقاقة صوتها مب زين وعشاهم بارد .......... الخ ( والله ماظنيت هالسوالف فيها الخ ) اعاد انتي علمي اخوانتس طريقتكم في وصف الأشياء وهم اذا رجعوا يشرحون لتس وكأنتس معهم في الملعب

على اساس انك حليتها يعني

المشكلة في اخواني كلهم نصراويين

عاد تخيل واحد من اخواني يرجع من الملعب بعد مباراة الهلال والنصر
وياسر جالد حارسهم بكم هدف
وويلي مسحب في الوسط
ورادوي مستقعد للمهاجمين
وفريقهم مهزوم من اول 15 دقيقة
وتبيه يوصف لي وش صار في المباراة
والله قوية في حقهم
انا اصلا مااشوفهم بعد مباريات الديربي ياينامون في الاستراحه
ولا ينخمدون في المقلط
لانهم لو دخلوا البيت بيلاقوني في وجيههم وخذ على هياط للصبح

لكن انا واثقه في ابو فيصل بياخذ حقنا منهم وبإن الله بنشوف المباراة

(((C.RONALDO))) · #9 22/07/2009, 08:24 AM

إقتباس

الرسالة الأصلية كتبت بواسطة وسن الهلالية


	روح الله يفتح عليك ياشيخ والله انك ذيب فصلت المئسله صح بدل ما يشتركون ويدفعون دم قلوبهم وبعدين مايشوفون شي خلوهم يحضرون ويساندون الزعيم لكن في مشكلة البنات إللي مرتزات في البيت شلون يشوفون المباراة؟ يالله جاوب

لقيت لكم حل كويس ..

أنكم إذا انتهت المباراة تحملونها من الشبكه وتشوفونها ،،

وشرايكمــ؟؟

وسن الهلالية · #10 22/07/2009, 08:37 AM

^
^
^
الظاهر مافيه الا هالحل

NUMBER(1 ) · #11 22/07/2009, 08:49 AM

هذي بس بطولة وحده الهلال يلعب بخمسين بطولة عاد الحين وش نسوي
أتمنى تلقون حل

الحرس الوطني · #12 22/07/2009, 10:04 AM

لااااااااااعب فيك ذا الصيفي الله يعنيك هههههههههه

بس طريقه مش بطاله

هلالي حبابي · #13 22/07/2009, 10:09 AM

ماشاء الله عليك

حسبتها صح وياليت اللي بالرياض يسمعون كلامك

لاهنت يالغالي

ابراهيمفيتش · #14 22/07/2009, 10:59 AM

وللجماهير خارج الرياض دريم بوكس واعطي راعي الزنوب بوكس

ياعيني على السجع وبالنسبه للأخت وسن نسوي قطه ونشتري لها دريم بوكس

هلالي +برشلوني · #15 22/07/2009, 11:08 AM

من ناحيتي مدام مباريات الهلال على العارتي راح أتنازل عنها لو قلبي يتمزق أرباً أربا

أهم شي كرامتي ومستعد أشترك في أي قناة اسرائيلية أذا بتنقل مباريات الزعيم ولا أشترك في في قنوات

الاستغلال والجشع واقعد تحت رحمة أبو زنوبة والفراج اللي كن وجهة مقفى بربري