السلام عليكم ورحمة الله ..
تعاقد الهلال مع تياقو نفيز لاعب المنتخب البرازيلي الاولمبي .. احد اللاعبين المميزين على مستوى العالم ..
الهلال (ان شاء الله) سوف يستفيد من هذا اللاعب من خلال اداءه في المواسم القادمه ويستطيع ايضا الاستفاده من بيعه مستقبلاً .. وكأنه لعب للهلال بالمجان ..
اللاعب اكثر من مميز .. واي شخص تابع لقطاته يقدر يجزم بهذا الشئ ..
لكن ..
تابعت قبل فترة موضوع لاحد الاعضاء حول كيف ودع جمهور فلومنزي نفيز .. والي ما شافه يقدر يشوف كيف الجمهور ودع اللاعب من خلال هذا المقطع ...
http://www.youtube.com/watch?v=KMbPE5tOKao
معقوووله؟؟
كذا الجمهور كلهم صوت واحد؟؟؟
السؤال .. كي كيف راح يلعب نفيز مع هذا الجمهور:
http://www.youtube.com/watch?v=vA7Ii...eature=related
شفتو الفرق يا ناس؟؟
وانا اتحدى اذا كان جمهور فلومنسي في هذي المباراة اكثر من جمهور الهلال في مباراة الاتحاد الاخيره في الدوري ..
من حضر مباراة الاتحاد في الدوري الاخيره
يتأكد ان الجمهور الهلالي جمهور غير مخيف ..
جمهور الاتحاد في هذيك المباراة يعتبر على اكبر تقدير خمس الجمهور الهلالي، ومن حضر المباراة يتذكر كيف كان الجمهور الاتحادي مسكت الجمهور الهلالي
كثير العدد قليل الحيلة !!!
فرق مثل الوحده الاماراتي والكويت الكويتي وام صلال القطري المفترض انها تخسر قبل لا تنزل الملعب من الخوف ..
الجمهور الهلالي ما يقصر ويحضر .. ويعتبر الاكثر حضور على مستوى السعودية .. لكن يحتاج هذا الجمهور لترتيب .. يحتاج لشغل كثير .. حقيقة انا اتضايق كثير لما اشوف جمهور هلالي كبيييييير ما يقدر يأثر في اللاعبين ويفيد الفريق.
العامل النفسي للاعبين لايمكن ان يتجاهل .. وخير مثال مباراة ام صلال الاخيره .. لو كان الهلال بقمة عطاءه النفسي لكان شفنا 11 مقاتل .. لو لعب الهلال الي لعب مباريات الاتحاد قبل موسمين فريق مستقتل الي اخر لحظه .. لحصدنا جميع القاب هذي السنه .. الهلال حاليا لا يحتاج لخامات لاعبين بقدر ما يحتاج لتحسين جانبهم النفسي وتقويته ..
ميزانية الادارة في الموسم الماضيه قد تكون قارعت الـ100 مليون ريال .. اتوقع لو استثمر منها 200 الف ريال في الجمهور لكانت كافيه ..
شخصيا.. لا اعتبر البلاستيكات الي تلبس وتتوزع وقت المباراة دعم مناسب .. اتوقع الجمهور يجب ان يعرف اساليب واهزوجات وترتيب لها .. ورأيي الشخصي .. الجمهور يجب ان يتدرب على بعض الاهزوجات في مدرجات الهلال (زي مالاعبين يتدربون) .. يعني يكون شخص قائد للمجموعه بحيث لا يكفينا ان يكون صوته مناسب.. بل لابد انه يعرف متى يقدر يصحي الجمهور لما يكون جالس وكيف يوزع لياقة الجمهور التشجيعية (اتوقع بعض قليلي الاطلاع راح يتعارض مع هذي النقطه بالذات) ..
اتمنى ان تهتم الادارة بالجمهور وتفعله اكثر .. وتستثمر فيه اكثر واكثر.. فلو كان هذا الجمهور الغفير كثير العدد موجود لاحد الفرق الاوربية لكانت استفادت منه لدعم فرقها ..
ايام الاخ حقوي (رغم انه كانت عندي ملاحظات عليه) الا انها كانت جيده لان الجمهور ترتب شوي .. ركزوا على كلمة شوي .. فكيف راح يكون الجمهور لو ترتب اكثر ..
رأيي في نقاط:
1- الجمهور الهلالي وكما نعلم جمهور كثير العدد لكن قليل التفاعل، لذلك يجب ايجاد طرق لتفعيله وجعله مساند للفريق اكثر واكثر.
2- قائد الرابطه الحالي ارى انه غير مناسب على الرغم من اجتهاداته (هذي وجهة نظري ويحق لي طرحها) .. لاننا نحتاج لقائد في الرابطه يتفاعل مع الاعضاء في المنتدى وفي النادي ويكون موظف ويستلم راتب .. ويتميز هذا القائد بشيئين: اولا: الصوت الممتاز .. ثانيا(وهي الاهم):ان يكون يملك شخصية القائد .. واذا تواجدت هذين الميزتين يقدر يتعلم طرق واساليب تشجيع الجمهور.
3- ارى ان يكون للجمهور الحاضر لمتابعة تدريبات الفريق تدريبات على الاهزوجات والصيحات وطرق التشجيع. اي شخص يحضر للتدريب حتما هو من الناس الي تحضر المباراة، وكذلك من يحضر مباريات فريق الهلال للناشيئن والشباب. فهذي فرصه لقائد الرابطه والجمهور للتدريب على الاهزوجات. يعني ما يجينا قائد الرابطة في مباراة الاتحاد ويعطينا بيت شعر طويل وينتظر الجمهور الي اول مره يسمع هالبيت يردد وراه!!!
لازم يكون تدريب على الاهزوجات .. لازم لما تجي المباراة يكون الجمهور عارف الاغنية او الاهزوجه واول ما يبدأ بها القائد علطول الجمهور يتفاعل معه.
4- النقطة الاهم، هل شفتو جمهور يشجع وهو جالس؟؟ تابعوا اي لقطه لاي جمهور تشجعيه مخيف وقوي، او تذكروا اي لحظه كان جمهور الهلال يخوف، هل كان الجمهور جالس؟ او واقفين؟؟
يا حبايبي .. احنا ما نروح للملعب علشان نتكي ونسولف ونفصفص، ولله في البيوت وعند المكيفات السواليف والفصفصه احسن من الملعب. احنا جينا للملعب علشان اولا الهلال يفوز وثانيا نستمتع بالتشجيع. تذكروا يا شباب لما تصير هجمه خطره الكل يقوم ويستمر الجمهور يشجع .. لكن لما يبدون الكسالى في الجلوس ويقولون لباقي الشباب اجلسوا خلونا نشوف يوقف التشجيع.. المفترض ان قائد الرابطه ما يخلي احد يجلس ابد. لان الجالسين ما يشجعون مثل الواقفيين.
5- لما يكون الجمهور متفاعل ويكون فيه حماس للاعبيين هذا راح يكون عامل جذب لباقي الجمهور انه يحضر الملعب. ومن كذا راح يزيد دخل الفريق من التذاكر، وايضا لما يكون الجمهور غفير يزيد مطالب الادارة من الشركات الراعية بزيادة المبالغ حيث ان الحضور جدا كبير وراح يفيدهم.
عندي افكار اكثر .. لكن ما ابي اطول عليكم ..
واذا كان المسؤليين عن الجمهور يشوفون في كلامي منطقيه ويبون مني اتساعد معاهم فأنا على اتم الاستعداد ..
الاهم، نشوف جمهورنا مرعب ..
تحياتي للجميع ..
ابو دم ازرق
الوضع الشجري
