[ابوشادي الجابري]

أولاً مساء الخيرات على الزعماء وأبارك لكم هذه البداية المفرحة بالنسبة لي
وللمتابعين من الجمهور

ثانياً/ خطوة الادارة بالتعاقد مع الشريك الرسمي كان من بين خدماته للجمهور
استخدام الرسائل على أنها مصدر رسمي وخاص لأخبار النادي
والملاحظ حقيقة أن هناك خربطة كبيرة بالخدمة وأنا كواحد من الناس
اللي حول جواله لموبايلي علشان الخدمة ما أحس إنها مفيدة إلا بنقل
أحداث مباريات الرائد وأبها ونجران
أما غيرها الله يخلي لي الشبكة مصادرها أول بأول
مثلاً:

ماعقدني في الجوال إلا رسائل التتابع اللي تجيك متواصلة ومجزأة
يجيني الجزء الأول وخلاص أكأنه يقول إرجع للشبكة
وما أتذكر جتني كاملة إلا بتصريح سامي قبل أسبوع
وحتى رسائل الأخبار تجي يوم وماتجي غيره

الإشكالية الثانية واللي محرقة دمي التعاقدات
طلع جوال الهلال جريدة الجزيرة والرياض مو موبايلي
يعني أدفع إشتراك وآخر من يعلم أنا
مثل التعاقد الأخير مع الكوري أنا آخر من يعلم
لاحد يقول ما أتموا التعاقد ياخي الجزيرة حاطة موعد انظمامه
والنادي إلى الآن ما أرسل
والتعاقد مع جريتس آخر شي علمونا إننا متعاقدين معه والجمهور حاطينه تواقيع
شخصية بالمنتدى
وإذا هي على إتمام التعاقد الصحف الفرنسية متكلمة مع المدرب وناشرة المقابلة
قبل يخبرنا سعادة الجوال
اللي أبغى أوصل له هي واحد من اثنين:
1/ إذا كان المشكلة من المركز الإعلامي والإدارة أرجوا منهم إنهم يقدرون الجمهور
ولا يتركونه مثل الأطرش بالزفة (أهم شي اشترك وحنا على كيفنا نعلمك)

2/ إذا كان الخلل من موبايلي يشدد عليهم مثل ما يشدد على الإي آر تي
ويخبرون بأن الجمهور الهلال مو مكان لتجارب قوة شبكتهم وإرسالها

ودمتم على خير

ابوشادي الجابري