[20 الكاسر ياسر 20]

بسم الله الرحمن الرحيم

كثير من الهلاليين وبهذا المنتدى على وجـه الخصوص هم ممن يردد عبارة " الانديه
تشتغل وحنا نايمين " وبصراحه لا اعلم على أي اساس قال هالكــلام وعلى أي منطق
وهل رأى احتياجات الهــلال من لاعبين اجــانب وماهي تلك المـراكـز ؟؟ لا اعــتقد ان
مرددي تلك العبــاره طبقوا تلك النقــاط التي وضعت تحتـها خـط عريــض

تعــالوا معي نشــوف وش احتياجات الهلال من لاعبين اجــانب :

1ـ ظهير ايمــن على مستوى عالي يفيد الهلال ويشيل الجهه اليمنى لأننا بصراحه عانينا
كثير من هالمركــز خصوصا من بعد رحيـل الدوخي من الهــلال ،، اذا الهلال يحـتاج ظهير

والاقــرب لهذه الخـانه هو لاعب آسيوي وتم الاعلان عنه وهو للاعب الكوري " لي يونغ "

ولكن لم تَسلم الاداره من بعض الجماهير يوم قالوا هذا شايب عايب ومصيره مصير سـول

انا نفسي اعــرف ليه التشـائم الى هذه الدرجه من البعــض واستباق الاحــداث ؟؟ ليه دايم
يائسين ودايم ننتقد بشده كل بعض التعــاقدات مثل لي يونغ ؟؟ اللاعب الى الآن لم يرتدي
شعار الهلال والى الآن لم نرى مســتواه وقيمنــاه ،، واعــتقد ان اللاعب طلبه غيرتس
بالاسم وهذا شي يبشر بالخيــر لأن المدرب يوم يخــتار اللاعب ماينتظره الا توفيق رب
العالمين وهذا بعلم الغيب طبعــا

الظهيــر وخلصـنا منــه ،، نشـوف اللاعب الثاني اللي يحـتاجه الهلال :
2ـ صـانع لعب يعوض رحيل الـتايب من الهلال واعــتقد البديل منــاسب وموجود ولله
الحمد وهو " تيـاقو نيفيز " واتــوقع هاللاعب راح يصيير حديث الكل في الموسم المقبل
وان شاء الله يقدم افضل المسـتويات مع الهلال ،، ولاتنسون ان اللاعب لاعب منتخب
البرازيــل واكيد امكـانيـاته هائله وكافيه لتعويض طــارق ولخدمــة الهلال في خط الوسط
وبالتحـديد صــانع اللعب .

بوجهــة نظــري ان الهـلال هذا مايحــتاجه الهـلال اما باقي الصفوف فهي مكـتمله تماما
ويمكن يجي واحد ويقــول ان الهلال يحــتاج مهاجم هــداف ،، طيب انا اوافقك الرأي في
هذه النقــطه ولكــن المحياني موجود وهو كفئ لأن يكون مهاجم الهــلال ،، المحياني هــداف رائع ويملك
امكــانيات هائـله امام المرمى وراح يشكل ثنائي خطيــر مع ياسر بإذن الله واعــتقد اننا
لانحــتاج لمهـاجم اجنبي في حــال وفق عيسى مع الهلال ووفق في تشكيل ثنائي مــع
ياسر القحطـاني

والبعض اصبح يخــاف من ان قلة قلوب الدفــاع في الهلال في حال غياب النجمين هوساوي
والمرشدي لظــروف اصابه او ايقاف – لاقدر الله – ولايوجد بديل سوا حســن خيــرات ،
لكنكم نسيتوا رادوي ونسيتوا فزعــاته يومه يلعب في اكثر من مركز ، وعلى فكره ترا
رادوي يجيد اللعب كـ : ظهير ايمن وكــ : قلب دفــاع وكــ : محور ايضاً هذا ان غابوا
الاساسيين ، وان شاء الله لاتكــون هناك اصابات او ايقافات لأكثر من مبارتيـن بحيث
يكــون رادوي حـل مؤقــت وليس دائــم

...

:: نقــاط سريعه ::

ـ غيرتس قال ماوعد الهلال ببطــولات ،، واجل ليه جاي الله يهديك ياقيرتس !! شباب ترا
الموضوع عادي وتصريح قيرتس في محله ،، لأن اولاً البطـولات والمستقبل في علم الغيب
ولا يعلمه الا الله سبحانه ،، ثانياً اتــوقع قيرتس ماقال هالكلام الا لإبعــاد الضغط النفسي
عنـه وعن اللاعبين لأنه لو وعد ببطولات راح تشكل عليه وعلى اللاعبين ضغوط لا لها
اول ولا تـالي ،، فــ تصريح قيرتس في محله ولعبها صح ابو ايريك وموعــدنا المنصات
بإذن الله

ـ لاتستغربون لو الاجانب الجدد (( نيفيز – لي يونغ )) ماقدمـوا مستوى ممـتاز في اول
مباراه لهم مع الهــلال وللأسف بعضنا يقيم اللاعب من اول مبــاراه ومن اول لمسه له
وهذا غلط لأنك راح تشكل ضغط نفسي كبير على اللاعب لأن صافرات الاستهجان ضدك
تخليك تفقد حتى ثقتك في نفسـك ،، عشان كذا لانكون حنا السبب في عدم تأقلم اللاعبين
الجدد مع الفريق ولندعمهم لكــي لايفقدوا الثقه وبالتالي لايقدم مستوى يليق بالهــلال
وجمـاهيـره .

ـ طــارق والجمهور الازرق ،، معك حق يوم تزعل لأن التايب ترك الهلال ، ولك حق
انك تعشق ذا اللاعب المجنون ، ولك حق ايضا انك تفكر وتقول ربما نفقد المتعه الكرويه
من بعدك ياطــارق ، لكن تعال بقلك كلمة راس واعتبرها نصيحه من اخو لأخوه ،، تذكر
يوم اعــتزل الثنيان ؟؟ كلنا وش قلنا ؟؟ قلنا راحت المتعه مع ابو يعقوب بل البعض اعتقد
ان الهلال سيقف على لاعب ،، الله يازين ذيك الايام يابو يعقوب ليتها ترجع بس ،، وكذلك
الحال مع سامي وكلــنا خفــنا على الهجوم من بعده ولكــن الهلال لم يقف تعرفون ليش ؟؟
لأن الهلال منبع النجوم ، يعتزل اسطوره ويجي نجم ثاني ويعتزل وثم يجي نجم آخر وهكذا
هو الهلال دائمــاً ويعلم الله اني الى هذي اللحظ هوانا حزين على رحيل سامي والثنيان وبقية النجــوم اللي كانوا في الهلال ولكــن هذا هو الحــال ، وهذه هي سياسة اللاعب
هي ان يأتي يوم وتعتزل اللعب .
ولاننسى يوم رحــل تفاريــس ،، والله الى الآن اذكر بعض الردود اللي قالت ان الدفـاع
سيصبح " شـوارع " من بعد تفــاريس ،، ولكن ماذا حصل ؟؟ جا ابو كلبشه وجنبه ابو
مرشد تأقلموا بسرعه وقدموا افضل المسـتويات مع بعض ونسـونا تفــاريس .

ـ ادارتنا والله ماقصرت في شي الموسم الماضي واللي ينكر هالكلام ويقول ان الاداره
قصــرت بشي ولو بقليل من خدمتها للنادي يعذرني اسميه " كــذاب " او " جاحد "
لأن الهلال قبل رحيــل كوزمين كان يسير بشكل ممــتاز والامور على مايـرام الى ان
رحل كوزميــن ثم انقلـبت الموازيــن وهذا طبيعي جــداً ،، ولو فريق غير الهلال لكـان
خرج من كل البطـولات مبكــرا ولم ينافس عليها حتى " في ظل الظــروف القاسيه "
التي مرت بهلالنا ،، ومايهزك ريح يازعيـــم .
...

إقتباس على أثر عارض صحي ألم به أمس أٌدخل صاحب السمو الملكي الأميرمساعد بن عبدالعزيز العناية المركزه فأكثروا من الدعاء له خاصه في هذااليوم الفضيل ( الجمعه ) فهو أخ مسلم وشيخ كبير ووالد لرئيسنا المحبوب

لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..

لا إله إلا الله وحده لا شريك له ..

له الملك .. و له الحمد و هو على كل شيء قدير ..

الحمد لله الذي لا إله إلا هو .. و هو للحمد أهل .. و هو على كل شيء قدير ..

و سبحان الله .. و لا إله إلا الله .. و الله أكبر .. و لا حول و لا قوة إلا بالله ..

إلهي ..
أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً ..

إلهي ..
أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين ..

إلهي ..
إني أسألك من عظيم لطفك وكرمك و سترك الجميل أن تشفيه و تمده بالصحة و العافية ..

إلهي ..
لا ملجأ و لا منجا منك إلا إليك .. إنك على كل شيء قدير .

الكــاسر