[leo messi]

السلام عليكم ورحمة الله وبركاته .......!

فيه مثل صيني يقول :
اذا اردت ان تحظى ببطولة وتنسيق نامي : فعليك استقبال المدرب في المطار ( حتى يقولون ان الصيني ذا سمّا المطار والمدرب ) << اهببب ياوجهه
عاد يقولون والعهدة على الراوي .. ان ذا الصيني كان يشجع الهلال .. واختلف الرواة في الحاله اللي جاته يوم شاف عرضيات ابو نامي
الا انهم اجمعوا انه ( نبتت له لحيه وعوارض ) وثالول برأس خشمه << يحلفون ان الثالول بعد مباراة الاهلي الاماراتي بالرياض ......!

المهم مالكم بالطويله يالربع ... قبل شوي قريت الحوار مع الشيخ ابن جريتس .. وقال انه بيجي للمطار اليوم تقريبا الساعه 7
او 7 و دقيقه وحده .. مااذكر بالضبط

لكن شوفوا وش اجابته على هالسؤالين :

اقتباس

ما الذي تتوقع أن تجده عند وصولك إلى الرياض؟
لا أدري ربما سيكون هناك عدد من أنصار الفريق في انتظاري في المطار.
ربما سيكون العدد أكبر مما تظن فالجماهير الهلالية تعلق عليك آمال كبيرة في قيادة الفريق نحو المزيد من البطولات؟

حقاً أتمنى ذلك فأنا حين قررت المجيء للسعودية كان لدي مسئولية واضحة المعالم و كبيرة القيمة تجاه أنصار النادي و لكي أصدقك الحديث أنا أتيت ألتمس النجاح في مهمتي من أجلهم و سأحاول أفضل ما لدي لكي أتمكن من إسعادهم

يعني الرجال متوقع انه بيلقى استقبال حافل ...! ويتمنى ذلك بعد .. لذلك يالربع نبي بياض الوجه عند ( ال جريتس ) كلهم وانتم

تعرفون ان ال جريتس حموله طيبه ورجاجيل يقدرون اللي يقدرهم ... لذلك يالربع انا قررت ( واحد من بعاريني )
اليوم اذبحه لجريتس اول مايطلع علينا بصالة المطار << ظنكم بيجوز له الوضع ؟ ذبح وهياط واكيد انه يسمع بالارهابيين وتخيل اول مايطلع ولاني ناحرٍ بعير بوجهه

المهم يالربع موعد رحلة الرجال اليوم بالمطار الساعه ( 7 ) وبيكون فيه تغطيه كبيره من الصحافه السعودية وحتى العالميه

فيكفي انه يوم جاء اول مرة ( تحدثت الصحف العالميه ) بأنه استقبل استقبال ( الملوك ) رغم ان العدد لم يكن كبيرا

ولكم ( ان تتخيلوا كيف ستكون ردة فعل المدرب عندما يرى شعب الزعيم في استقباله ) وكذلك ردة فعل الصحافه العالمي التي بالتأكيد ستتناقل أخبار قدوم المدرب ....................!

فاصله ،،

واصـل معك من كثرة ][ الشـوق ][ حـدي .....!

.