[هلاليه محترفه]

بسم الله الرحمن الرحيم

...أخواني .. زعمـاء وزعيمات .. كان الله بعونـنـا ..
ولله يصبر الأميرعبدالرحمن بن مساعد والأمير نواف بن سعد ..

هل هذا مايستحقه الأمير عبدالرحمن بن مساعد .. من إجحاف وظلم له ولناديه !!
من قبل الإتحاد السعودي لكرة القدم .. أصحاب الخطط العلميه المدروسه ..

)(الأتحاد السعودي)(

الي اين سنصل بخططه العلميه المدروسه ..!!!!
تم إبرام عقد رعاية لدوري .. دون أخذ رأي الأنديه ..
هل هذا خطه علميه مدروسه ! . .

يتم عقد الرعايه وفي الأخير يقولون بنحل المسئله ونجمتع مع الأنديه !!
بعد أيش ...!! بعد ماطاح الفأس في الراس قالو نجتمع !!

)(الإتحاد السعودي)(

سبق وان ظلم الهلال الموسم الماضي .. بطرد المدرب كوزمين في فتره حرجه جدا في فترة الحصاد تم طرده .. حققو مبتغاهم ..

* تدهور الفريق فنياً
** تدهور الفريق نفسيا ومعنوياَ
*** وكل هذا خرجنـا ببطولة واحده ..

ومافرحنـا بالبطولة قد ماحزنـا على خبر الطرد السياسي ..

قيل أن على المدرب يجب أحترام الدوله وسيادتها وغيرهـا من الأمور
وهم لايحترمون العقـــود ومن المؤسف ان العقود موثقه من الإتحاد السعودي !!

)( يحلمون يوصلون للإحتراف يحلمون !!)(

قال ايش قال الدوري السعودي بيكون أفضل 20 دوري في العالم ..!!

==============

وينكـ يـا عبدالله بن مساعد تفهمهم معنى الإستثمار ..
وينكـ يا محمد بن همّام .. تشوف الإتحاد السعودي و"تخبطاته"

عذراً

أقصد

.. الخطط العلميه المدروسه ..

إقتباس الرياض: مركز الأمير فهد بن سلمان الإعلامي بنادي الهلال أبلغت شركة اتحاد الاتصالات ( موبايلي ) إدارة نادي الهلال بتعليق الدفعات المالية للنادي من بداية هذا الموسم وذلك للمستجدات التي طرأت بعد توقيع هيئة دوري المحترفين مع شركة زين لرعاية دوري المحترفين السعودي والتي رأت موبايلي فيها تنقيص من حقوقها الحصرية والتي على أساسها تم إبرام عقد الشراكة مع نادي الهلال . وبطبيعة الحال فان هذا الأمر يجعل النادي غير قادر على الوفاء بالتزاماته تجاه لاعبيه ومنسوبيه وتعاقداته ومصاريفه ومنشأته ، حيث أن الإدارة وضعت خططها في التزاماتها على الدخل الذي يأتي من عقد الشراكة مع موبايلي والذي يمثل نسبة تفوق 50 % من موارد النادي بالإضافة لما يتكفل به سمو رئيس النادي مع دعم بعض أعضاء الشرف ، ومما لاشك فيه إن هذا الأمر سيسبب أزمة مالية حادة بكل المقاييس للنادي تجاه تعاقداته والتزاماته . لذا فإن رئيس مجلس إدارة نادي الهلال يناشد صاحب السمو الملكي الأمير سلطان بن فهد رئيس الاتحاد السعودي لكرة القدم و نائبه صاحب السمو الملكي الأمير نواف بن فيصل بن فهد إيجاد حل لهذا الموضوع ، لاسيما وأن إدارة الاستثمار وخصخصة الأندية قد أقرت وصدقت على عقد الهلال مع موبايلي واطلعت على بنوده ، وإدارة النادي كلها أمل في سمو الرئيس العام وسمو نائبه في الحفاظ على مصالح الأندية واستثماراتها ، وإذا لم يتم حل لهذا الموضوع سيتعرض النادي لمشاكل مادية وقانونية يصعب التعامل معها.

بخطتهم العلميه المدروسه .. خزينة الهلال بتتأثر .. وبتكثر الميزانيه والمصاريف على الاميرعبدالرحمن والامير نواف ..

الأميرعبدالرحمن بن مساعد

الأمير نواف بن سعد

الأمير عبدالله بن مساعد

الله يصبركم .. ويصبرنا معكم

وكلـنـا معاكمـ

..نقاط..

* الأمير نواف بن سعد .. الأمـــاكـــن كــلــهــا مــشتــاقــهـ لـــكــ

* تم التعاقد مع الظهير الايمن الاسيوي لي يونغ .. وان شاءلله يكون أحسن وأفضل من سول

* تم توقيع الرسمي لأنضمام عيسى المحياني لنادي الهلال .. وان شاءلله يتوفق مع الفريق وكلي شوق أشوف عيسى بفنيلة الهلال وبرقم 16

* إرسال 15 لاعب شاب الي البرازيل .. خطوه جيده للأهتمام بـ شباب الهلال ..

في الأخير:-

....كافــي صدمات بحياتي

جاي تصدمني بعد

والله هالدنيا غريبه

وش بقى فيها بعد.... !!!

أختكم : هلاليه محترفه

[هلاليه محترفه]

>>>>>>>up up up up up up >>>>>>

[Crazy Madrid]

لن نسمح لأحد بأن يسيء إلى الكيان أو أحد رجالاته أو نجومه، فالهلال ليس جداراً قصيراً

كلمات جميلة والهلال لن ولا يقف على موبايلي واذا موبايلي مهي راضية تدعم حنى ندعم لو بعشرة ريال باليوم (فكرة هههه*)

[أحــبــه حــيــل]

ما نقول الا حسبي الله ونعم الوكيل على من كان السبب

[20قناصه هلاليه20]

الله يقطعهم ياشيخه

حسبي الله ونعم الوكيل ولاحول ولاقوة الابالله

ياويلي كل هالحقد ع الهلال

ياربيييييه ع التخلف يقولون دوري محترفين اقول طير بس هذالعب بزارين مو دوري محترفين

ارضو بالقضاء والقدر وسلمو امركم لله والهلال بياخذ حقه غصب عنكم ياشلة حسب الله قطيعه تقطعكم ماتدرون ان الظلم حرام ومن يظلم الناس عمره مايفلح

اصبرو اصلا هذي مو هيئة دوري المحترفين هذي هيئه الناس المتخلفين


اخيرا انصحكم التزمو بالاخلاق السعوديه على قولة بعض الناس

[*تـَمَـَيَـَمَـَ*]

أنا أستغرب من اللي جالسين يقولون مؤامره وما ادري ايش
احنا مشكلتنا ( انه أي شي يحصل ) نقول مؤامره وان الهلال مظلوم << هذي بحد ذاتها مشكله
يعني نجلس ونحط رجل على رجل ونقول العالم ظلمتنا
اللي ما يآاآكل بيده ما يشبع
وبعدين أنا ما أشوف انها مشكله ( لكن موبايلي زودتها حبتين )
يعني وش ذنب الهلال في الموضوع ؟؟!!
إذا كانت هي تضررت تحاول حل مشكلتها بعيدا عن الهلال
وإذا ما عجبها الوضع وما وجدت حل ( تفسخ العقد ) والهلال لم ولن يقف عل موبايلي

[هلاليه محترفه]

إقتباس الرسالة الأصلية كتبت بواسطة *تـَمَـَيَـَمَـَ* أنا أستغرب من اللي جالسين يقولون مؤامره وما ادري ايش احنا مشكلتنا ( انه أي شي يحصل ) نقول مؤامره وان الهلال مظلوم << هذي بحد ذاتها مشكله يعني نجلس ونحط رجل على رجل ونقول العالم ظلمتنا اللي ما يآاآكل بيده ما يشبع وبعدين أنا ما أشوف انها مشكله ( لكن موبايلي زودتها حبتين ) يعني وش ذنب الهلال في الموضوع ؟؟!! إذا كانت هي تضررت تحاول حل مشكلتها بعيدا عن الهلال وإذا ما عجبها الوضع وما وجدت حل ( تفسخ العقد ) والهلال لم ولن يقف عل موبايلي

اخوي شاكره لـتواجدكـ

من حق موبايلي أن تدافع عن حقوقهـا .. وهي الشريك الرسمي لنادي الهلال ..
والشركه الراعيه شركه منافسه لهـا .. وغير ذالك ان موبايلي تدفع للهلال أكثرمماتدفعه زين لرعاية ..

المشكلة هي أن يتم التعاقد .. دون مشورة الأخرين .. من الراعيين الرسميين للأنديه .. وكـان من الأولى أن يتم الإستشاره فيما بينهم قبل مايحدث اي مشكله بين أي نادي وشريك الرسمي ..

أتمنى أن اكون وضحت وجهة نظري ..

[صرخة مشتاق]

إقتباس الرسالة الأصلية كتبت بواسطة *تـَمَـَيَـَمَـَ* أنا أستغرب من اللي جالسين يقولون مؤامره وما ادري ايش احنا مشكلتنا ( انه أي شي يحصل ) نقول مؤامره وان الهلال مظلوم << هذي بحد ذاتها مشكله يعني نجلس ونحط رجل على رجل ونقول العالم ظلمتنا اللي ما يآاآكل بيده ما يشبع وبعدين أنا ما أشوف انها مشكله ( لكن موبايلي زودتها حبتين ) يعني وش ذنب الهلال في الموضوع ؟؟!! إذا كانت هي تضررت تحاول حل مشكلتها بعيدا عن الهلال وإذا ما عجبها الوضع وما وجدت حل ( تفسخ العقد ) والهلال لم ولن يقف عل موبايلي

هذا وانت مجموعه اقلام ومدري ايش المقصد انك تعرف تكتب

وش الي ماياكل بيده مايشبع وانت شايف الهلال ماسوى شي هذاه موقع عقد وراح عليه وجا شركه زين وضيعت عقده


مع احترامي الشديد لك ردك غلط وتقبل رايي

[هلالي بس قصيمي]

ماأأقووول الا الله يصبرنا ,, ويوفق زعيمنا وأميرنا بن مساعد ~

[عبدالله محمدالانصاري]

كافي صدمات بحياتي عنوان جميل ومعبر

نعم انها الصدمات والضالم الذي يتعرض له الزعيم

والله من كثر الضلم اللي تعرض له الهلال اتمنا من الاتحاد الدولي يوقف الاتحاد السعودي

عشان العنصرية الواضحة الله يعوضك يا هلال

ولا اخشى احد من هنا لان الزعيم تعرض من الاسما التالية لي الاجحاف بنادي يمثل الوطن

سلطان بن فهد

نواف بن فيصل

ويحسون بالضلم في الاخطاء اللتي يتعرض له المنتخب ولايهتمون بالضلم الذي يتعرض له الزعيم
ولماذ يهتمون وهم من يخطون في حق اعظم الاندية الاسيواية والعربية ان لم يكن هو الاول

[جدعان]

خلوا عندكــم اخــلاق سعوديــه وارضوا غصــب
يتأثر النادي مايتأثر يهبط مايهبـط اهم شي الـ 300 مليون في الجيييييب


بالتوفــيق لبن مساعد والله يقويه ويتحمل هالحــروب العلنيه اللي ماتخــلص

[ќ н α ι є ď ~]

وربي شي يقهــر ..!

لكن بأذن اللـه وأنا متأكد ان شاء الله تنحل المشكلـه ..

ويعطيك العافيه أختي هلاليـه ع طرحك الجميــل ..

.,

[القناص zv]

ألف شكر لك
هلاليه محترفه
وتقبلي مروري

[المعجزه السـ20ـعودية]

الهلال فوق الجميع وجماهير الهلال مع الهلال في اي حال هل سمعتم..........

[xsami9]

حسبي الله فيهم ..
اجل دوري زين هع هع
ما قصرتي يالغلاً يعطيك العافيه ..