حملة النقد العالمية وبرشلونة في اعتزال التمياط - نادي الهلال السعودي - شبكة الزعيم

الزعيييييييييييييييم · #1 01/07/2009, 11:03 AM

حملة النقد العالمية بقيادة جمهور الزعيم

لايكاد يطاق هذا المنوال سنوياً
في كل موسم وكل سنة
نقد نقد نقد

يحسبون هذا زين ..!
فاهمين النقد غلط ..

تذكرون الموسم قبل الماضي
طلعت علينا اصوات نشاز تقول مانبي يامحمد بن فيصل ..

سامي الجابر اعتزل ..

التمياط ياخي ليه تلعب ..

هذولي غير اللي مستواهم اقل ولاعبين غير جماهيريين ..

والموسم الماضي
الشلهوب وويلي وياسر والجابر وحتى عبدالرحمن بن مساعد ..

وغيرهم كثير ..

نقد فيه نقد بدون توقيف
يدور اي شي
((((((( يخترعه )))))))
من عنده علشان ينتقد ...!!!!

زي الموسم الماضي بالضبط
تذكرون الفترة الثانية ..؟
وش كنتوا تقولون ...؟؟
يا ابن مساعد الى الحين ماسجلت الاجنبي

انا شخصياً اقول
الحمدلله ان الاجانب محددين بعدد معين ..

والا ان كان شفنا كل الفريق اجنبي
ترا على فكرة ..
الاجانب موضوعين كاضافة ..!
فاهمين الاجانب غلط

...!!

نكمل ..
يا ابن مساعد ويابن مساعد ..والله يعيين هالابن مساعد ..

جب لاعب وجب لاعب
جب اللاعب الفلاني ليه ماتجيب لاعب
كل الاندية سجلت الا احنا
بتسكر الفترة الثانية واحنا ماجبنا ..

<<< بقاله هي ..

وفي الاخير
هالاندية اللي جابت لاعبين لهم هاللاعبين
واحنا لنا البطولات ..

وطلع ابو فيصل
وصرح وقال ..
احنا مانبي نجيب لاعب على انه اسم لاعب
احنا راح نجيب لاعب يخدم الفريق ونحتاجه

وجاب لنا رادوي ..

وهل رادوي افضل من حديد ..؟!
وهل رادوي افضل من غالي ..؟!

((انا اتكلم عن الفترة الثانية ))
يعني هذا غير ويلي ..

والحين يتكرر نفس الموال
انا مدري من لاعب عليهم وقالهم ان اللعيبة اللي جابوهم الاندية الثانية كويسين ..!

ونسوا ان احنا جبنا المحياني ونيفيز

خلاص يا ابن مساعد ..

انا عندي اقتراح ..
ثاني مرة اعلن تعاقدك مع اللاعبين قبل بدابة الموسم ..

علشان بعض الجمهور الله يهديهم ..

اعتزال نواف
تشاع اخبار كثيرة منذ الصيف الماضي ((وقبل اعلان نواف عن الاعتزال ))
اللعب مع ميلان
ثم ارسنال
ثم ليفر بول
ثم وثم وثم ..

وللاسف ..
اني قريت كل هالاندية
لكن ماقريت اسم برشلونة ..

هاتوهم خلونا نكسر راسهم وناخذ حق ريال مدريد ..

من جد
برشلونة افضل فريق اوربي الموسم الماضي ..
اين هو من الحسابات
ومقابلة ابو فيصل معه الموسم قبل قبل الماضي
وين راحت ..؟
واحتفالية الخمسين
وتكريم الدعيع
لكن انا من وجهة نظري تكريم الدعيع بعد اعتزاله افضل

كي لاتكرر غلطة سامي بانه اصدر شريط اهدافه قبل اعتزال ..

لكن الخمسينية ..؟
واعتزال نواف التمياط
وين برشلونه عنه ..؟
خصوصاً ان برشلونه ماجا للسعودية في اعتزال احد
كما اشيع مؤخراً اعتزال حمزة واحمد جميل ..

هنا تقرير طارق العبودي - جريدة الرياض - ليوم الاربعاء 15/11/1427هـ

إقتباس


	((..... وكذلك تحديد موعد حضور فريق برشلونة للرياض لملاقاة الهلال في احتفالاته بمناسبة مرور خمسين عاماً على انشائه.....))

لاتهمني الخمسينية اكثر من اعتزال نواف ..

اللي اتمنى نقابل فيه برشلونة بكامل نجومهم ..

فالنسيا ومانشستر ومدريد ماصارلهم على بعضهم خمس سنوات زايرين المملكة
بقي اندية كثيرة
اهمها وافضلها البرسا ..

قفلة
اللهم رد لنا نواف بن سعد وابنه سالمين غانمين

::أخوكم::