[almjroooh]

الســـــلامـ عليكمـ حبايب :


بما أن الجو هادي وقضينا من أهم المواضيع

أكتب لكم موضوعي ( ترفيهـ + نقاش+ حوار)
بالمختصر هناك ناس ذو عقليات صغيرة تكاد لا تكفي الطفل , هذا إن وجد للطفل عقل !!!

الموضوع أحبتي هو قصتي مع دكتور إتحادي (يستثنى من المشجعين المثاليين)

والزبدة من الموضوع هو أن عندي سبحه هلاليه زرقاء اللون ياحلوها ويازينها !!! (سبحهـ عاد مدري وش يسمونها بعظكمـ )

من بداية الترم وهي موجودة معاي وفعلا لاحظت نظرات الدكتور لي مش ولابد

وكان كل محاظرة مع الشرح لو يقولون النفط جاب نادي الإتي ودخله بالموضوع

طبعاً أنا ومن قرادة الحظ ما أقدر أسكت يعني لازم أجيب طاري الهلال !!! << قرادة لاصارت مع المتعصبين

وكنا في تحدي من بداية الموسم أن الدوري للهلال وإلا الاتي ....

وكان كلامه ينم عن شخص متعصب جدا جدا جدا .....

حتى أتت الكارثة والقرار المحبط لجميع الهلاليين (إقالة الداهية)

بعدها مباشرة أول ما واجهت الاتحادي باركت له الدوري !!!!!

حتى بدى يلاحظ أن الحماس طفى وراح وأن الكل كان يسكت لأن القرار كان ... والهلال خلاص وقف .

طبعا تحرك الهلال واستبشرنا وقلنا الدوري لنا (مع العلم أني كنت واثق أن الدوري خلاص طااااااااار)

فاز الإتي ... وخسرنا من أم صلال ... والدكتور صافيه له الدنيا

المهم والخلاصة :

بالإختبارات وعلى أبواب القاعة(اختبار مادة الاتحادي)

قبل أسبوع ممكن , كنا واقفين أنا وأحد الزملاء

وطبعا أكيد كنت أكلمه وأبشر بالصفقات ووضع الهلال بالقادمـ

وإلا ما شاء الله الرجال هذا هو ( يالله صباح خير)

الدكتور:
فلان ؟

أنا:
نعم

الدكتور:
هات السبحة؟! (الظاهر حرة الاربعة تو يبدى أثرها)

أنا:
آسف هذي غالية على قلبي ولا أقدر أعطيها أحد!!

الدكتور :
الإختبار ماراح تدخله !!!

أنا :
وبأمر مين؟! (الظاهر كثرت حتى على أنصار الزعيمـ)

بعد تدخل عدد من الدكاترة والمعيدين قرر -حفظه الله- يختبر مع العلم بالرسوب !!!

الدكتور :
هين أوريك!!!

أنا :
خير خير إن شاء الله عساك ع القوة

المهم دخلت وإختبرت وأنا أتذكر نفس الصورة اللي الله لا يعيدها لشبيه الريح !!!!

حتى انه حاطيني بكرسي وبعيد عن الطلاب وكأن فيني إنفلونزا الــ....(أعزكمـ الله)

خلصت الإختبار وطلعت وفجأة أسمع صوت وراي يناديني باسمي ؟!؟!

إلتفت وإلا هذا هو (يالييييييييل وبعدين)

الدكتور :
أنصحك تاخذها ترم صيفي أوكي؟!

أنا :
طيب طيب بروح لجدة عشان أدرسها عند الناس الراقية ؟!

الدكتور :
الله يعين عليكمـ !!!

أنا :
والله يهدي الجميع.................. انتهت


والنتائج خلال أيام تطلع ....وباذن الله ننجح بدون منه من الخلق وغصبن عليهمـ

دعواتكمـ لي .... والله يستر




ما أقول الا الله يكون بعون الهلال وجمهوره والكيان بأسره لما يعانونه



وحـــســبـــي الــــلــــهـ ونعـــــم الوكيـــــل ...



& & & &


اللهم وفق الزعيم بكل مكان ياااااااارب



ودمتم بود