[&&سم سم&&]

بسم الله الرحمن الرحيم
والصلاة والسلام على اشرف الانبياء والمرسلين


اما بعد


مصادري الخاصة تؤكد ارجاع ياسر الياس لتمثيل الهلال من جديد

مع الابقاء على نامي للموسم القادم

يعني بالعاميه
سنه يلعب فيه الياس وسنه يلعب فيها نامي

لاتستغربوا ما اقول

فالهلال في القريب الماضي قد ادهشنا بتعاقدات مثيره للجدل

الهلال يتعاقد مع رادوي

ولديه خالد عزيز والغامدي والغنام والدوسري والبرقان

بتقولي رادوي صاحب نزعه هجوميه

اقولك ياكثرهم في الملاعب الخليجية والعربيه والاسيويه في نفس مواصفات رادوي


عندك الاتحاد عندهم احمد حديد
الاهلي تعاقد مع العماني الجديد واجزم انه سينجح
ونشأت راح
وفوزي بشير مدري وينه
هذا الخليجين بس
عاد كيف الاجانب العرب والاسيوين

وايضا الهلال
تعاقد مع ويلهامسون
وهم يعرفون اجواء الرياض

ويعرفون كان عندهم طارق التايب
الفريدي
الشلهوب
عبدالعزيز الدوسري
وغيرهم بعد

ويعرفون بعد ان نامي اللي بيسانده

في هذي الله يلوم اللي يلومك يا ويلهامسون

ايـــــــــــــــــضـــــــــــــــــــا

الهلال يتعاقد مع سيول المهاجم

واخر شي طلع لي وسط ما يدري وين الله حاطه

لا ويقول انا وقعت للهلال لكي اعرف مستوى الكره السعوديه والاسيويه لاستعد للمستقبل التدريبي

استعد يا سيول يمكن الهلال بعد سنه بالكثير يجيبك مدرب

يا ناس يا عالم يا بشر

نسب ياسر وياسر ما عنده مهاجم يسانده

نسب نامي ونامي هذا مستواه وراضين عليه الاداره في الموسم السابق
بس بعد ما راحت البطولات قلنا خلاص نامي ما ينفع

كلنا دارين انه ما ينفع بس العين بصيره واليد قصيره

مشكلة الاداره الهلاليه انها تعشق التعاقد مع الاسماء الكبيره بغض النظر عن المستوى والعوامل الاخرى

واذا فشلوا تدرون وش يقولون

يقولون المدرب طلبهم مخصوص


يا ابن مساعد

يا سمو الامير


اللي اعرفه ان المدرب يختار الخانه اللي فيها الخلل والاداره تبحث عن اجانب فيها

علشان ما تتداخل امور السمسرة مع امور اخرى

انت يا سمو الامير قد اعترفت بغلطك وانت رئيس نادي

فهل المدرب معصوم عن الخطأ


ختاما


لكل عضو في المنتدى يقول الادارة اخطأت في تنسيق لاعبين بدون مقابل

اقوله

تعال وانا اخوك

قرب ابيك بكلمة راس

قرب اكثر


ثم يجيه مخمس يمشي ثلاثميه

الله يذكر زمان المواضيع اللي تقول


نسقوا نامي

لو العب برجل وحده صرت احسن منه

واللي يقول

العتيبي عمره وصل الخمسين

نسقوووه اطردوه



وباقي المفرج

الله يالمفرج

انت قصتك قصة

29 يوم في الشهر سب

ويوم واحد يجيك شوية مدح

والله يعينك اذا كان الشهر ناقص

والحين يقولون ليش تنسقون المفرج ولا تعيروونه


اخيرا

الله يوفق الهلال في القادم


وشكرا