[ندور..لكن الدم أزرق]

السلام عليكم
مساء / صباح الخير
كوني زعيم من الزعماء .. وكوني هلالي منذ الصغر .. وكوني مسجل بالمنتدى قبل سنتين .. وكوني متابع للدوري السعودي والهلال بالاخص خلال الخمس سنوات الماضية وبقوة ولافاتتن ولامباراة ... وكوني .. وكوني ........

اتوقع بيكون لي الحق انقد بالمنتدى وباذن الله بدوووون تجريح ..




نخش بالموضوع سيييييييداااا ..

__ تعاقدااااات والهلال ناااااايم :


النصر تعاقد مع السهلاوي
والاتحاد تعاقد مع الرهيب
والفريق الفلاني تعاقد مع النجم الفلاني ... وحنا يالهلاليين جالسين نناظر ونتفرج ..
ياشباب كل الفرق السعودية عنده نقص وبدت من الان بسد الثغرات وانا ملاحظ ان الهلال من فترة وهو
ياله لاعب واحد او لاعبين بالموسم الواحد .. ليييييييييش ؟؟

هل الهلال فريق متكامل ولايعتريه اي نقص .. هل الفرق الثانية هي اللي عنده نقص بس ؟؟
ياخي مو معقول الطيور طارت بارزاقه وحنا جالسين ندور ظهير اجنبي ..
والله حرااااااام ياخي قهههههر ..

ورى ماتحرك الادارة من الان ورى مانسمع خبر حقيقي عن مفاوضات للاعبين نجوم وراه .. هل الهلال مايقدر يجيب لاعبين ؟؟
انا كمشجع بسيط ماانكر مجهود الاداره .. لكن ليش مانكون زي الاتحاد .. من 3 الى 4 لاعبين بالموسم الواحد .. اتركونا من كلام تكديس وماتكديس ياخي هذا احتراف ..
يبي يجي احد الاعضاء وبيقول : نعطي المواهب فرصة !!

اقولك هالمواهب ماراح تادي مثل مايادي النجم ..

ياجماعة الخير انا ضد مقولة :: مانجيب الا الاعب اللي نبيه .. خطأ والف خطأ .. انا اقول نجيب اي نجم يستحق ويريد ارتداء شعار الزعيم ..

يعني ياشباب ابعطيكم مثال ..
__ مثلا النصر جالس يفاوض عبدالغني ! ليش مانفاوضه كذالك بتقولي ليش ..
بقولك اذا الهلال عنده نقص بالمحور (مع اني الى الان مادري ليش جابيين رادوي) نسد الثغرة بعبد الغني ونستغل المكان بجناح ايمن صح ان عبدالغني مو مثل رادوي ورادوي افضل بفااااااااارق كبير لكن انت تبي شخص يسد الثغرة لو سنتين كويس ..
__ عندك مثلا عبدالرحمن القحطاني ياخي ليش مانجيبه الشلهوب ومانقدر نعتمد عليه والدوسري مايصنع الفارق ..
ونيفيز مثلا اذا جا ولافيه جناح ايمن اتوقع بنحطه يمين او خلف المهاجمين ..
والامثله كثييييييييييرة واللي انا اقصده ياشباب ليش مايجيب الهلال نجوم تصنع الفارق ..
ليش مايكون عندنا مبدا اشري من هنا واعير من هنا ..

ليش اضطرينا نجيب ظهير يمين اجنبي .. ليش مو قادرين ندفع 10 ملايين !! ندفع ليش لا ياخي هذا احتراف مو جمعية خيرية ..
هاذانا جبنا ويلي وموش ولابد .. لكن بكم مليوووووووون ؟؟

هل الهلال تنقصة اليد الاحترافية في التفاوض مع الاندية ؟؟ ..




___ كنت اتمنى واطمح واود واحلم ان نبقي طارق التايب ليس لانه يسحب او يلقم كباريات او او او ...
لا ولكن لانه صانع العاب حقيقي وحقيقي جدا .. ياخي عنده ايقاف مو مشكله اتعاقد معه واجيبه بالفترة الثانية اذا فيه نقص والا اعيره .. ياكثر اللي يبونه .. وش ذنبه اذا صار يصنع وهالعالم تضيع .. يشقق ثيابه ..

مع احترامي للجميع ومن وجهت نضري ان الهلال في طريق الهاوية بسبب هذه السلبيات ..


والشكر موصووووول لادارة المنتدى على كل هذه الثقة ..!!!!!!!!!!!!!!!!!!!!!!!!!!!!!!!!!


واعذرونا على الاطاله ..

[هلالي والكل غالي]

اول شي مشكور على الموضوع
ثاني شي وربي كلنا مستغربين من الاداره اللي للحين مافرحتنا في اي صفقه بس ان شاء الله
قريب بينهون صفقه افضل ظهير في دوري الدرجه الاولى ظهير الطائي عبدالرحمن حسن الشمري

[القحـ20ـاني]

ياعزيزي تتعاقد معا مين وانت عندك 3 محترفين وباقي واحد اسيوي وبيجبونه بأذن الله

وزي ماقال شبيه الريح امور اللاعبين عند المدرب وبتشوف هذولا اللي انتقلو الان مصيرهم الاحتياط وبذكرك الموسم الجاي

[الموج الازرق..]

مااوافقك الرأي ,,
يعني انت تبي لعيبة وبس .. حنا فريقنا كامل .. بس ينقصنا ضهير ايمن مكان نامي ..
وشكرا ,,

[هلالي تو ايفر]

بالنسبـه للظهيـر الايمـن ما ادري ليه عنـدي ثقه الحين ان الظهيـر الجاي بيكـون افضل ظهيـر في المملكـة

^^
^
ما ادري بس احس كـذا

اما من ناحيـة طـــــــــــــــــــــــــــــــــــــارق التــــــــــــــــــايب

فانا اقول انـه على الخطـه الهلاليـة القديمـه اللي كانت بمهـاجم واحـد واعتقد انها هي اللي
ما اقول دمرت الهلال ولكن اقول هي الخطه قللت الفرص الهلاليـه في تسجيل الاهـداف
فـ طارق صنـع مالم يصنـعه غيره من هجمآت خطيره جدا ولا تفـوت رغـم تواجـد ياسر او غيره من المهـاجمين امام
4 مـدافعين او 5 وهو صانـع اللعـب اللذي يحرج المهاجــم امام المــــرمى .....

عنـدي امل ان طــارق ما بـ يروح <<< نقــول انشــاء الله

وشكـــــــــــــــــــــــــــرآآ

[سع ـود]

حياك

الحمد لله فريقنا كامل والكامل الله

بعدين من يقول ما تعاقدنا عيسى ونيفيز وين راحوا

بعدين اجانبنا على مستوى عالي ومن أفضل الأجانب بالمملكة ولله الحمد

برأيي ما في لاعب يحتاجه الهلال الا حسن معاذ أو شهيل وما في أمل الشباب يسغني عنهم

والحمد لله نامي مجتهد لكن يخطئ دائما وان شاء الله يطور مستواه

لكن السؤال اللي يطرح نفسه

هل هناك لاعب يستحق ان يفاوضه الزعيم غير حسن أو شهيل ؟!!!

[صـــ الهلال ــــدى]

باذن الله

مع شبيه الريح فا لاتخاف

وان شاء الله افضل لاعيبه بيجوا الهلال

سواء اجانب او محلين

بس انتا اصبر الصبر جميل

تقبل مروري

[! وتـر حـسـاس !]

صدقت يالغالي

وبصراحه غبنه

رحيل طارق

طارق وربي كان له هيبه داخل الملعب

يصنع يمرر يبدع يحرك الوسط والهجووم

لاكن

خلاص صار اللي صار

[باجيـg]

إقتباس وش ذنبه اذا صار يصنع وهالعالم تضيع .. يشقق ثيابه ..

اعجبتني هذه العباره بجد ( يشقق ثيابه آآآآه ياطارق )

[محور ارتكاز]

اختلف معك اختلاف كلياً

ياحبيبي الهلال تعاقد قبل الانديه مع
1. المدرب الاشهر والافضل في فرنسا وفي اوربا جيرتس
2. تعاقدنا مع نجم منتخب البرازيل الاولمبي نيفيز
3. تعاقدنا مع النجم الكبير عيسى المحياني

الهلال فريق كبير ويضم 8 لاعبين دوليين ولاعب برازيلي دولي ولاعب روماني دولي ولاعب سويدي دولي ونضم افضل حارس في اسيا ومن افضل 10 حراس في العالم اللي هو ابو عبدالعزيز يعني الهلال منتخب ...

الهلال لاينقصه سوى الظهير الايمن وان شاء الله الامور بتتيسر وفي الطريق ..

اما عن كلامك عبدالغني فعندنا اللي افضل منه وبمراحل عزيز رادوي الغنام الغامدي البرقان والزوري والذياب

واختلف معك بأنه لازم نفاوض اي لاعب فالاهم هو اللاعب اللي يخدم الفريق والا وش الفايده اجيب لاعب واخسر فيه واحطه في المدرجات ..

[! وتـر حـسـاس !]

إقتباس الرسالة الأصلية كتبت بواسطة هلالي تو ايفر بالنسبـه للظهيـر الايمـن ما ادري ليه عنـدي ثقه الحين ان الظهيـر الجاي بيكـون افضل ظهيـر في المملكـة ^^ ^ ما ادري بس احس كـذا اما من ناحيـة طـــــــــــــــــــــــــــــــــــــارق التــــــــــــــــــايب فانا اقول انـه على الخطـه الهلاليـة القديمـه اللي كانت بمهـاجم واحـد واعتقد انها هي اللي ما اقول دمرت الهلال ولكن اقول هي الخطه قللت الفرص الهلاليـه في تسجيل الاهـداف فـ طارق صنـع مالم يصنـعه غيره من هجمآت خطيره جدا ولا تفـوت رغـم تواجـد ياسر او غيره من المهـاجمين امام 4 مـدافعين او 5 وهو صانـع اللعـب اللذي يحرج المهاجــم امام المــــرمى ..... عنـدي امل ان طــارق ما بـ يروح <<< نقــول انشــاء الله وشكـــــــــــــــــــــــــــرآآ

صدقت وانا احس

ان طارق بيرجع للهلال ماادري ليه

وبصراحه صدقت

مهاجم واحد صعبه على 4 مدافعين

[m00di]

ينقص هلال حاجتين ...حسن معاذ _ عبد الرحمن القحطاني ...

ولا ننسى المهاجم الأجنبي

[هيمو الازرق]

إقتباس الرسالة الأصلية كتبت بواسطة محور ارتكاز اختلف معك اختلاف كلياً ياحبيبي الهلال تعاقد قبل الانديه مع 1. المدرب الاشهر والافضل في فرنسا وفي اوربا جيرتس 2. تعاقدنا مع نجم منتخب البرازيل الاولمبي نيفيز 3. تعاقدنا مع النجم الكبير عيسى المحياني الهلال فريق كبير ويضم 8 لاعبين دوليين ولاعب برازيلي دولي ولاعب روماني دولي ولاعب سويدي دولي ونضم افضل حارس في اسيا ومن افضل 10 حراس في العالم اللي هو ابو عبدالعزيز يعني الهلال منتخب ... الهلال لاينقصه سوى الظهير الايمن وان شاء الله الامور بتتيسر وفي الطريق .. اما عن كلامك عبدالغني فعندنا اللي افضل منه وبمراحل عزيز رادوي الغنام الغامدي البرقان والزوري والذياب واختلف معك بأنه لازم نفاوض اي لاعب فالاهم هو اللاعب اللي يخدم الفريق والا وش الفايده اجيب لاعب واخسر فيه واحطه في المدرجات ..

هذا هو الكلام

مشكلة جمهور الزعيم انه الآن يظن ان الهلال

لم يتعاقد ولم يعقد اي صفقة والمشكلة ان صفقاتنا

اعلنت بدري من الموسم المنتهي

كان المفروض الادارة ما تعلن عن نيفيز ولا المحياني

ولا جيريتس ولما الجمهور يطالب تعلن هذه التعاقدات

والصفقات المدوية وقتها نشوف انواع التهليل والافراح

والليالي الملاح

[new10]

الهلال سبق الكل في تعاقدات هذا الموسم

سجل عندك : المحياني ( صفقة داخلية )

نيفيز ( صفقة خارجية )

ويا ريت لو تقرا مقال صالح السليمان لهذا اليوم .. اتوقع بيفيد كثير


وشكرا لك يالغالي

[المحترف التميمي]

نادي الهلال خط دفاعه كلهم بالمنتخب وتقولي نجيب الكديشه عبدالغني ان صاحي
رادوي وعزيز افضل خط محور في اسيا
نفيز افضل لاعب برازيلي لدرجه الشباب
ولهامسون جناح وياسر والمحياني
وان كانه على نامي فتراهم بيجبون ظهير اسيوي
ومدرب عالمي قلي وش ناقص هلالك انت تناظر النصر اللي فريق حارتنا اقوى منه وتحسدهم على السهلاوي وعبدالغني




تحياتي