[نزيه المشاعر]

أول شي يا اخواني الزعماء قبل ما أتكلم عن الصفقه

سواء رحل طارق أم بقي والكل يعرف ان البرنس صانع العاب مميز

لكن تذكروا شئ واحد اخر بطولتين او ثلاث اسيويه ماكان عندنا صانع العاب صريح

وياليت لو ترجعون للأهداف والمباريات بس كانت خطة الزعيم 4 4 2

يعني ان شاء الله مافيه مشكله اذا رحل طارق ولا تضيقوا صدوركم

وأتمنى انكم تعرفون ان المدرب هو اللي بيحدد اللاعبين الأجانب

ثاني شي يا اخواني لاتصدقون كلام الجرايد

أنا سئلت واحد من اخوياي واللي يحبون الزعيم اكثر من اي شي

سئلته عن اذا كان يقرأ جرايد ورد علي وتتوقعون وش قاللي

قالي انا حلفت اني ما أقرأ اي جريده لين تنتهي فترة الانتقالات او تكتمل صفوف الزعيم

فكلي رجاء انكم لاتصدقون اي شي الا من ادارة الأخبار بالموقع

نبدأ بالصفقه


الصفقة وهي تخصكم ياجمهور الزعيم فقط

عندي سؤال

س/ تخيل انك حضرت مباراة مهمه للزعيم وكان خويك يقولك ان اللاعب الفلاني ليته مالعب

وأنت قاعد تدافع عنه وفجأه نفس اللاعب يحرز هدف وش تكون ردة فعلت

بجاوب عنك اكيد بتصرخ صرخه بتسمع اللي في الثمامه صوتك وبتقول قايلك هذا لعيب

بس موب نجم علشان كلام الأمير شبيه الريح يمشي علينا قبل اللاعبين

هذا في حالة ان المباراة على درة الملاعب لكن لو كانت في ملعب الامير فيصل بن فهد

صوتك وين بيوصل أعتقد بيتعدى البطحاء أو يمكن يوصل لاخر الرياض

الموضوع المهم صوت الجمهور ماينسمع الا في الهجمات والأهداف ؟؟؟؟

يفترض علينا ياجمهور الملعب يهتز على طول مباريات الموسم

مو بس الأهداف حضوركم يازعماء قل بنسبة 50% عن المواسم الماضيه ليش

كلنا عندنا ظروف وكلنا عندنا أشغال لكن ياليت نترك أشغالنا شوي ونوقف مع الزعيم

ياليت من الموصم القادم الحضور الحضور واجمعوا حق تذاكر موسم كامل من الحين

هذي أكبر صفقه أشوفها مهمه لزعيمنا الغالي

وياليت نفرح شبيه الريح بالحضور وان شاء الله بنفرح بالانجازات

تقبلوا تحياتي

أخوكم نزيه المشاعر