[الزعيييييييييييييييم]

من جد ياناس
تبون الصدق
الصحافة لاعبين فينا لعب ..
شفنا اول ماجا ويلي
ماتكلموا عن لعبه مهاراته تمتيره للملعب ماشاء الله
لالالالا ..
في بداية الشتاء
يقولون
ويلي مايقدر يلعب في الصيف ...!!
ليش طيب ..؟؟
لانه لاعب اوربي ..
والمشكلة مو انه الاشاعات تنتشر في البداية
لا بالعكس
بالبداية اصلا هي المطلوبة علشان نعرف اللاعب ..
لكن المشكلة العظمى انه الى الان في ناس تقول ويلي مايعرف يلعب في الصيف ..
ليش ياخي ..!!
ماتشوف لعبه ماشاء الله عليه
تلقاه يقمز هنا
وفجأة تلقاه عند الدعيع وفي النفس الدقيقة تلقاه مسجل لك قول هناك ..!!
ماشاء الله
والمشجع كأن في رماد على عيونه ..
وحط في باله ان ويلي مايلعب في الصيف
طيب ياعزيزي ترا الصيف الحار مافيه الا مبارتين ثلاث والباقي في الشتاء ..
لكن لا ..
يقول مايعرف يلعب وبس ..

ليش ياخي ...؟!!!
يقول اللاعب هذا اوربي يعني مايلعب الا في البراد ..

هنا عاد اسئله اقوله طيب رادوي افريقي ..!!؟!!!
طيب ورادوي ..؟!
هنا بيسكت ..
يقول لا رادوي غير وبيتلعثم ومو عارف يتكلم ..

احنا مشكلتنا اننا نردد كلام الصحافة من اول مايجي اللاعب الييين مايروح

يعني اذا نذكر برونو
اول ماجا شوف كيف الكلام
لاعب مغمور في الهلال ومدري ايش
واحنا رددنا هالكلام مع انه مالعب الا تقريباً 40 دقيقة بس ..!!
ونيسنا او تناسينا ان اصلاً 90% تقريباً من لاعبينا مغمورين ..
ونسينا ان تفاريس مغمور ..!!!!
لكن رددنا هالكلام وراح اللاعب واحنا ماشفناه

طيب
نفس الشي رادوي
جا والمديح كله وراه وانا كنت ممن ينشر اخبار عنه ..
وكوزمين يمدحه
والصحافة تمدحه
ومشينا على هالمدح الى اليوم
ولاقلنا انه اوربي يمكن يحتر ..
بس ويلي اللي يحتر لان اوربي اما رادوي مايحتر ..
مو شي غريب فعلاً .....؟!!؟

يمكن بعد نيفيز تلقا بكره الصحافة تتكلم وتقول مايتحمل الغبار ..
ويالله عاد...!!!!
لاعب المنتخب البرازيلي بيصير سيء عندنا ..!!
ليش لانه ما يتحمل الغبار ((بنظرنا بسبب الصحافة))..!.!!

انا استغرب من البعض اللي يستهزي ويقول بعدك يالتايب بنضيع وما ادري ايش
ياخي احنا عارفين ان الهلال مو متوقف على لاعب
وماراح نضيع بعده ان شاء الله
لكن احنا ليش نشيل التايب
مدامه نافع الفريق
ياناس التايب لاعب غير طبيعي ماشاء الله
يشيل الفريق عن بكرة ابيه
طيب احنا عندنا لاعب مميز ليش نشيله ونروح ندور غيره ..!!!
هذي اسمها حماقة وربي ..!!
يعني اجل خلاص خلونا نشيل هوساوي والمرشدي والدعيع وعزيز وياسر ونقول الهلال مو متوقف على لاعب ...!!

بعنب تخيلوا مانشستر يشيلون رونالدو
ليش ..؟!
يقول مانشستر مو متوقف على لاعب
طيب من بتجيبون مكانه
بنجيب كاكا
طيب خلاص عندكم رونالدو ليش تجيبون كاكا
لالا بنجيب كاكا ..!!
يعني حماقة بدون سبب ..!!

على الاقل هذولي بيجيبون كاكا ..!
واحنا الله العالم من بنجيب ..

زي سالفة الدوخي بالضبط

وابقول الا طارق .....!!
يارب مايرحل
كيف نفكر نشيل لاعب شايل فريق ........!!!

عبدالرحمن بن سعيد
اول شي حاب ارد على الحمقاء اللي تكلموا على شيخ الرياضين
ونسوا او تناسوا انه مع هذا التصريح قال
((انا مطعون من ظهري من قبل النصراويين))
بعدين المسألة واضحه جداً
يعني هل يبي لها تخبئة ..!!
ويعني علشانه قال انا اكره النصر
ياناس بيكفه ..!
غصب يحبكم ..؟!
الحب من الله ..!

بعدين انتوا ناويين تقنعونا بانكم تحبونا ..؟!!
اما اذا على ولده
فهو ما يقصد الذبح يعني القتل زي ماقال الروقي
واذا كان يقصد فهو ولده وهو حر انت وش حارق رزكم

وبعدين الله اكبر ياللي تحبونا انتم ..!
نسيتوا يعني تصاريح المرحوم عبدالرحمن بن سعود ..؟!
والا حلال عليكم وحرام علينا ...!!!؟!
غير الغمز واللمز الكثييير من الوليد بن بدر وطلال الرشيد وممدوح وفيصل بن تركي
اعطيكم امثلة
طلال الرشيد يوم يقول عن كابتنية الاخضر
الوليد بن بدر يوم يلمح ان الصحافة الهلال تمشي الاتحاد السعودي
ممدوح يوم يسب الصحافة الهلال
فيصل بن تركي يوم يقول بصريح العبارة عن الصحافة وكذا وقالها ((أبد الاعلام الهلالي))

وغيرها الكثير
لكن بتصريح واحد من شيخ الرياضين
قامت الدنيا ولاقعدت
ومحي كل تاريخه ونسي انه يعتبر ثاني مؤسس للرياضة بعد فيصل بن فهد
ونسي ايضاَ تصريحه
((انا مطعون من ظهري من النصر))
اللي اتمنى من كل قلبي انه يطلع لنا الشيخ ويبين هذا الشيء

فتحت كل الرياضية
والقى فيصل بن تركي يقول ويلي راحت فلوسه على السويد
انا متسحف اني ماسمعته كلها ..
ياخي هالنصراويين عجيبين كل شي يحطون فيه هلال ..

الا صدق سالفة السهلاوي انه بـ13 مليون بس ....؟؟

هاللي يقولون الاخضر يديريه ازرق
وان المحياني راح للمنتخب على طول يوم تعاقد مع الهلال ..
ابي افهم وينهو الحين عن المنتخب ..
ياخي ناس يغطون الصدق بالكذب عيني عينك
المشكلة يكذبون الكذبة ويصدقونها ويخلون الناس يصدقونها

يمكن فيه منكم سمع كلام ابو عبدالله الزوري
انه كان في النهضة وعرض عليه النصر ورفض هو
وقاله عبدالرحمن بن سعود ترا ابشيلك من المنتخب ..!!!
*على كلام ابو الزوري في برنامج سيره على قناة الرياضية

أتمنى تكونون انبسطتوا في سواليف المجالس هالايام
واتمنى من الادارة انها تشوف حل في التايب ..
والا ترا ..
حتى انتم يالهجمهور اذا مشيتوا ورا الصحافة ياويلكم ..
واتمنى تستفيدون من هالكلام اللي قلته ..<<<< بالقوة ..

أخيراً
بالتوفيق للاخضر يارب
واكيد اذا ماكان كلكم فمعظمكم شاف القناص وهو يعطي شارة القيادة لنور ..

::أخوكم::