[روحي الوجله]

مسائكم ورد.....

ابي ابدا مباشره في الموضوع...

كما في العنوان بالفعل هذا مارايته خلال السنه الماضيه وهذي السنه

انحصار وتساقط تلو الاخر للاعلام الهلالي القوي والكل يعلم ان النادي

الذي يملك اعلام قوي وذو مصداقيه ومساحه كبيره يكون في طليعة الانديه

وعامل مساعد على الانجازات والتفوق لان الاعلام يبرز النادي ويدعمه

ويوضح له مكامن الاخطاء ويوجهه التوجيه الصحيح..

ويبدو لي ان هناك (خطه محكمه) بدات من العام الماضي في الانتشار

من نادي معروف ذكره الاخ(ابو فهد الهلالي ) في موضوعه وهو النادي

الاكثر ضجيجآ وكرهآ للهلال ولذلك راينا ابعاد سلمان المطيويع ومن ثما

ابعاد خلف ملفي من الشرق الاوسط عدم اعطاء الفرصه للهلاليين بالظهور

في قنوات العارتي تزايد النصراويين وبشكل كبير في القناه الرياضه

وتزايد المساحات في الجرائد والصحف للانديه المعاديه للهلال ...

واتمنى من كل قلبي ان الهلاليين يلتفتون للاعلام الموالي لهم ويدعمونه

ويثبتونه لاننا لو فقدنا الاعلام سوف تحل كارثه بالهلال واكبر دليل نادي

النصر صاحب الشعبيه الكبيره وهي بعد الهلال من حيث الكثافه في السابق

لايملك صحف ولا اعلام قوي وابتعاد عن البطولات 12 سنه وكذلك على العكس

الاتحاد لمن قوى اعلامه واصدر مطبوعه له اخذ البطولات وصار يزاحم الهلال

على كثرت اعلاميه وصحفه ولاتنسون المدينه وعكاض كلها تدعم الاتحاد

فالاعلام مطلوب وظهور الهلالين بكثافه والدفاع عن حقوقهم امر لابد منه

لان الهلاليين يمثلون اكثر من نصف سكان المملكه... ولاتعجبني المثاليه الزائده

في اغلب الهلاليين وانا منهم في السابق على كثرتهم اصواتهم ضعيفه بسبب

المثاليه واضرب لكم مثال بسيط:في اي مكان سوى جلسه او في المنزل او في مناسبه

خاصه تجد اي الهلاليين الاكثر في الجلسه ولكن الذي يرد على الاتهامات شخص

واحد بينما النصراويين يردون بصوت مرتفع وكأنهم واحد والاتحاديين كذلك

والاغلب من الهلاليين يلتزمون الصمت وكأنه يستحي يتكلم او خايف ليه هذا

لو استمر الامر هاكذا راح يوم يضعف الهلال والسبب (المثاليه الزائده عن الحد)

والله ولي التوفيق...