[هـ حتى النخاع ـلالي]

جمهور نادي.......

جمهور الكيان .............

جمهور لاعب ..................

جمهور رئيس .....................

جمهور حارس المرمى..............

كل المسميات الي قلتها اشوفها متككره وصارت للاسف موضه الي يقول رايه بلاعب صار جمهور لاعب
والثاني هو الي ماشالله عليه جمهور الكيان .....

عشقت يوسف الثنيان حتى الثماله ويوم اعتزل بقى تشجيعي للهلال .....مادري لا يصير اول وانا اعشق الثنيان كنت جمهور لاعب .....مادريت بوقتها اسف .

انا ما تخيلت يوم من الايام يمر علي مشجعين,,, يصنفون المشجعين الى, جمهور نادي, وجمهور كيان

يمكن.... تغير الوقت وظروف البشر والناس .... واصبح الي يعجبه لاعب بناديه ويتمنى بقائه يصبح جمهور لاعب(حنا يمكن بعصر الاحتراف ) او بعصر العولمه او بالاصح عصر الدجه.....


للاسف مفهوم الحوار والاختلاف لدينا (ان لم تكن معي فأنت ضدي) والحقيقه انك لست معه ولكن لست ضده

من يطالب بطارق في الهلال يواجه اشخاص لا يرغبون بهذا الشي ...... ولكن المصيبه ان من لا يريد طارق (اقرب تهمه) جمهور لاعب .... يخوي قل رايك قل (انا رايي ان الهلال يستغني عنه ) بدون ما تدخلنا بتصنيفات جمهور(لاعب .نادي) انت بغنا عنها .....

كلنا عشقنا التيماوي وما صرنا جمهور لاعب ,,,,, كلنا عشقنا ابو اثنين وما صرنا جمهور لاعب ......كلنا عشقنا داهية الكره السعوديه يوسف وما صرنا جمهور لاعب .... ( مادري من وين طلع لنا هالقسم _جمهور لاعب_ ).
الاندريه الاوربيه تحسب للاعب صاحب الشعبيه مليون حساب .....
هل تعلم ان مانشستر يونايتد نعاقد مع كوري لجذب مشجعين من قارة اسياء...... فيرقسون ليش تجيب لناجمهور لاعب ..... هاه .... وكثير من الانديه على نفس المنوال.

بختصار من وجهة نظري الشخصيه......

طارق لاعب مهم جدا ويفيد الفريق

ابرز عيوبه النرفزه الزايده وويحتاج لنظام صارم ......

نظام صارم؟!!!!!!!!!!!

ايه نظام صارم ان مستغرب من ادارة الكره كيف ما تتعامل مع الاعبين اذا كانت هذه عيوبهم فالاداره تتحمل خطا بعدم الصرامه معه ومعالجة المشكله.

انا وجهة نظري التالي:

انا مع شبيه الريح اذا كان المدرب لا يريده معه ياتي بلاعبين اخرين

ولكن انا ضد فكرة الاستعنا عنه تقولي كيف تجي انا اقولك

لو ادارة الهلال جددت مع الاعب او ملكت بطاقته يمكنها اعارته لأي نادي (مثل نيفيز لاعب هلالي ويلعب بالبرازيل)

اما انك تستغني عن التايب كذا بسهوله اكبر غلط .... لا سمح الله الاجانب الجدد لم يوفقو مع الهلال (يمكن الحر ما ناسب نوع البشره الاوربيه او الغبار اثر على الجهاز التنفسي ,او زوجة اللاعب قالت له اترك الفريق وإلا تر اتوطى ببطنك _تر حريمهم قويات_ ) لابد ان يكون عندك لاعب تعرفه ومشارك بأنجازات للفريق سابقا ...
انا ضد ترك التايب انا مع التجديد وينظر ماذا يريد المدرب

اذا بغاه, يبقى... واذا ما يحتاجه المدرب, يعيره لأي نادي بس يبقى ملك الهلال

صراحه اخاف يردد الجمهور بعد الاستغناء عن طارق نهائيا

اخاف يوم تجي ماعاد تلقاني

[Dr.raied]

فعلا اخوي انا معك بكل نقطة واظن فكرةر امتلاك بطاقته راح تكون اقل الخسائر

وانا مستغرب من جمهور لاعب هاذي

غير كذا ان الفريق يعاني من عدم وجود مهاج بمستوى ياسر اي صحيح جاء المحياني لكن مو مثل ياسر مهما كان

والحين بيروح طارق يعني بنصير نعاني بالهجوم ومركز صانع الالعاب واضف اليها خانة الظهير الايمن اللي انسحبت الادارة عنها مؤخرا

والله ما ابي اكون متشائم ولكن يبدو اننا نمشي على خطى الجـــــار لكي نجد انفسنا فيما بعد نصارع على البقاء

تمنيت ان نرى صفقات مدوية لكن لم نرى شيئا الى الان

[دوق فليد]

ما أقول إلا اللهم طولك يا روح..!!

[شامل ومباشر]

يا طارق متى يفهم هؤلاء أنك:
- دمك حاروحامي... ولست انفعالي.
- تثق في إمكانيتك ... ولست مغرور.
- تحتفظ بالكرة لعدم وجود الحلول ... ولست لأنك أناني.
- تتفنن حتى تروض الكرة وتلعب بنفسية مرتاحة ... وليس للإستعراض فقط.
- تعمل الباص عيون لأنك تتقنه .... ولاتتقن التمرير التقليدي من 13 سنة.
- تعمل بلنتي عيون وتماس عيون ... لأنك جبلت على ذلك وسجلت عشرات البلنتي عيون قبل حتى أن تأتي لهلال ولم يتكلم أحد.
- لا ترضى الإهانة ويسبقك ردك لها ( وهذا عيب إنساني وكفى).
- قلبك طيب بس يحتاج من يدق عليه حتى يعرف مدى طيبته.

[20 الكاسر ياسر 20]

بالنسبه لجمهور اللاعبين مثل ماذكرت اخوي ، ان كلنا نعشق لاعبين معينين ولكن هذا لايعني
اننا جمهور لاعبين فقط !!

كلنا نذكر كيف كنا نحب سامي والثنيان واعتزلوا ومازلنا نشجع الهلال ، وهذا ماهو عيب انك
تحب لاعب او لاعبين معينين في فريقك

اما التايب فهو مفيد للهلال ، وللوسط الهلالي بشكل خاص ، ولكن اذا المدرب طلب الاستغناء عنه
اتوقع الاداره ماراح تتردد في هذا الشأن لأن المدرب هو من سيقود الفريق فنيا وهو من يقرر
من يبقى ومن يرحل

نحب طارق ونحترمه ونقدر ماقدمه للهلال ، ولكن تجري الرياح بما لا تشتهي السفن ياطارق

[زرقاوى مغترب]

آآآآآآآآآآآآآه يازمن بكرا نتندم

[شروهي]

للمرة المليووووووون لا لرررررررحيل طاررررررررق التايب

بس وين اللي يفهم؟؟؟؟؟

[الأمـيـر الـهـلالـي]

مصيبه كبرى سيندم عليها كل هلالي واولهم سمو الامير عبدالرحمن بن مساعد لو تم الاستغناء عن طارق التايب

[هلالي بقولي وفعالي]

طارق اهم في الهلال اذا صار المدرب يبي يجيب مدافع

عاد دورلك احد يصنعلك كوره لياسر وش قال المدرب مدافع
والله غبنه بعد مراح تفارس تجبون مدافع

ومشكور اخوي

[نزيه المشاعر]

انا عن نفسي اتمنى رحيله

والله يوفقه

[سامي أنت الهلال]

كلام من ذهب

كلام عسل

كلام يعبر عن مافي داخلي

كلام عين العقل
كلام يريح القلب


بالعربي موضوع جداً ممتاز



طلع لنا كثير يقولون انت جمهور لاعب جمهور تائبي وليس جمهور هلالي

ههههههههاي شي غريب

يعني عشاني اطالب بنجم مثل التايب يقولون انت مشجع للتائب فقط ؟


من جد فيه عاده لازم نخليها وهي ماذكرت يا صاحب الموضوع

كلنا جماهير الهلال وكل واحد وله رأي ولازم نحترم ارآء بعضنا

اللي يبغى طارق من حقه يطالب بالشي ذا
واللي وما يريد طارق من حقه يطالب بالشي ذا

ولكن


فكووووووووونا من كلمة انت جمهور لاعبين

لازم نحارب الكلمه هاذي ونقف ضدها لنوحد صفوف الهلال



ولازم تعرفون ان اكثر المشاركين في منتديات الهلال هم من المندسين اصحاب الفنايل الصفراء
شي ما راح تصدقونه بس بعدين راح تتأكدون من كلامي ان اكثر اللي يشاركون هم بالعربي نصراويين

يحاولون تفرقة الجماهير يحاولون زعزعة الفريق والتشويش

يفتنون بين جماهيرنا اصبحة جماهير الهلال الى قسمين هم كالتالي

جمهور لاعبين طارق وياسر وسامي وغيرهم
وجمهور هلاليين

استحووووووو على وجهيكم ولنحارب كلمة انت مشجع لاعب









تحياتي لك يا صاحب الموضوع كلامك من ذهب لابد ان يثبت الموضوع لكي يعرف الجميع ان ما يفعلونه هو غلط







كلنا جماهير الزعيم

[وسن الهلالية]

احب الهلال اكثر من طارق
.....................................................

[حميد الجبر]

يافديتك يابو نادين اااااااااااااااااااااااااه بس

[@أميرة الورد]

والله خسارة
نفرط بالتايب
على عيوبه اللي تذكرونها

هو الوحيد الصاحي
بالفريق

اذا قلت الحلول
مانلقى غير التايب عنده الحل

حرام والله
مع احترامي للادارة
ليش تاخذ راي المدرب

انتم ماتشوفون مستوى التايب
المدرب لو صدق شايف اشرطه
كان عرف ان التايب اهم لاعب بالهلال
اهم من ويلي وغيره

شكلكم ملخبطين بالاشرطه
ومعطينه شئ ثاني

هذا التغير اللي وعدتنا الاداره فيه

التايب هو التغير بس

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[هلالي من عفيف]

إقتباس الرسالة الأصلية كتبت بواسطة سامي أنت الهلال كلام من ذهب كلام عسل كلام يعبر عن مافي داخلي كلام عين العقل كلام يريح القلب بالعربي موضوع جداً ممتاز طلع لنا كثير يقولون انت جمهور لاعب جمهور تائبي وليس جمهور هلالي ههههههههاي شي غريب يعني عشاني اطالب بنجم مثل التايب يقولون انت مشجع للتائب فقط ؟ من جد فيه عاده لازم نخليها وهي ماذكرت يا صاحب الموضوع كلنا جماهير الهلال وكل واحد وله رأي ولازم نحترم ارآء بعضنا اللي يبغى طارق من حقه يطالب بالشي ذا واللي وما يريد طارق من حقه يطالب بالشي ذا ولكن فكووووووووونا من كلمة انت جمهور لاعبين لازم نحارب الكلمه هاذي ونقف ضدها لنوحد صفوف الهلال ولازم تعرفون ان اكثر المشاركين في منتديات الهلال هم من المندسين اصحاب الفنايل الصفراء شي ما راح تصدقونه بس بعدين راح تتأكدون من كلامي ان اكثر اللي يشاركون هم بالعربي نصراويين يحاولون تفرقة الجماهير يحاولون زعزعة الفريق والتشويش يفتنون بين جماهيرنا اصبحة جماهير الهلال الى قسمين هم كالتالي جمهور لاعبين طارق وياسر وسامي وغيرهم وجمهور هلاليين استحووووووو على وجهيكم ولنحارب كلمة انت مشجع لاعب تحياتي لك يا صاحب الموضوع كلامك من ذهب لابد ان يثبت الموضوع لكي يعرف الجميع ان ما يفعلونه هو غلط كلنا جماهير الزعيم

كتبت الي بخاطري

لا والف لا لرحيل التايب