[تايسن المطيري]

بسم الله الرحمن الرحيم

السلام عليكم ورحمة الله وبركاته
اولا منتدى الزعيم بدأ يفقد حلاوته بسبب المطالبات باللاعب الفلاني واالعلاني

والا تطالبون ببناء ملعب وغيرهـ كثير .....

لكن مافكرتوا الاداره من وين تبي تجيب المصاريف هذي

انتم كل واحد جالس في بيته ولا عند خوياهـ ويجي في المنتدى ويطالب بلاعبين

والاداره جالسه تصرف من جيبها الخاص ادري فيه بعضكم او اغلبكم بيقول الدخل

اذا كان الدخل يجيب لو فرضنا 100 مليون هذي ماتغطي التعاقدات مع التجديد مع الرواتب

مع الصيانه ولاتنسون فئة الشباب والناشئين والألعاب المختلفه ومصاريفها كم تبي تكلف

وانت ليش جالس مالك فايدهـ بس شغلتك تفتح موضوع وتقول وتخربط على الموجودين


ولا انت بنافع النادي ...

طيب ليش ماتدعم النادي...مثلاً :

بدال ماتشتري تي شيرت ابو 15 ريال كل اسبوع واخرتها يخرب من الغسله الاولى

اشتر الاصلي منها لانك راح توفر لمدة سنه مثلا ومنها راح تدعم النادي.

وايضا ليش ماتشترك في اي ارتي الزعيم لان فيها دعم للنادي.

وايضا ليش ماتشترك في جوال الهلال لان فيها دعم للنادي او في الباقات.

وايضا ليش ماتشترك في عضوية النادي لان فيها دعم للنادي.

وايضا ليش ماتحضر بدال ماتتابع في البيت لان فيه دعم للنادي واذا كنت تقول مابي ادعم

الاتحاد السعودي مثل تصريفة واحد الله يستر عليه اقوله نبي نحضر مباراة الهلال يقول لا

مابي ادعم الاتحاد السعودي >>> يقال له انه زعلان من طرد كوزمين على الامير سلطان والاتحاد السعودي

طيب ترى فيه بالنادي مسبح وادوات رياضيه روح كلها 10 ريال وفلها هناك ترى فيها دعم للنادي.

وانا اللي رافع ضغطي اللي يكتب في المنتدى عن جمهووور الهلال في الرياض انه مايحضر

واذا حضر جلس ساكت كأنه في عزاء المصيبه ان كاتب الموضوع تلقاهـ من القصيم او الشرقيه واذا كانت

المباراة عندهـ ماحضر ..

مثال على ذلك : فيه واحد الله يستر عليه من القصيم وفي مره من المرات كتب في المنتدى عن جمهور

الهلال في الرياض ويقول ليش ماتحضرون ومن هالكلام لكن المشكله انه مايحضر واذا سألته قال والله مشغول

>>>> يعني اهل الرياض هم الفاضين ماعندهم اي شغل...


احس اني زودتها وطولت عليكم

والسلام عليكم
دمتم بحفظ الرحمن